Koronavirusi, më shumë se 6000 vdekje në Britaninë e Madhe. Boris Johnson në gjendje të qendrueshme (VIDEO)

Britania e Madhe ka regjistruar një total prej më shumë se 6000 vdekje teksa ende pritet që pandemia të ketë pikun e saj në dhjetë ditët e ardhshme.

Autoritetet kanë raportuar se numri i përgjithshëm i rasteve të identifikuar me Covid-19 është më shumë se 56 mijë.

Kryeministri britanik Boris Johnson ka kaluar mbrëmjen e djeshme natën e dytë në terapi intensive në spitalin “St Thomas” në Londër dhe vazhdon të marrë trajtim për infeksionin nga koronavirusi.

Ministri i Jashtëm Dominic Raab, i cili po zëvendëson përkohësisht kryeministrin, ka deklaruar se gjendja e Johnson është e qëndrueshme  dhe se kryeministri nuk është i intubuar.

Sipas ekspertëve, të cituar nga Daily Mail, Kryeministri rrezikon të mos jetë në gjendje të punojë për një ose dy muaj, përpara se të shërohet plotësisht.

Boris Johnson u shtrua në spital të dielën, me këshillën e mjekut të tij, pasi vazhdoi të shfaqte simptoma të kollës dhe temperaturës së lartë, 10 ditë pas testimit pozitiv për virusin.

Sipas “The Times”, Kryeministri Johnson ishte furnizuar me rreth 4 litra oksigjen për të ndihmuar frymëmarrjen e tij, ndërsa pacientët në gjendje të rënduar shëndetësore kanë nevojë për rreth 15 litra oksigjen.

Lajmi kryesor:

Italia konfirmon uljen e kurbës, 542 viktima dhe 2099 të shëruar në 24 orë! 1939 vdekje në një ditë në SHBA! OBSH: Mos lehtësoni masat e izolimit (VIDEO)

/b.ha./Shqiptarja.com

TAG:
• SHBA
• Trump
• Koronavirus
• koronavirusi