Koronavirusi, në Hong Kong autoritetet vendosin në karantinë tragetin me 1800 pasagjerë në bord (FOTO)

Autoritetet portuale Nong kong kanë vendosur në karantinë një traget me 1800 pasagjerë në bord pasi tre persona u testuan pozitive me virusin e Wuhan.

Tragetit iu mohua sot në mëngjes udhëtimi për në Tajvan dhe për këtë arsye u detyrua të qëndronte në Hong Kong, në terminalin e Kai Tak

Teksa numri i të infektuarve nga koronavirusi ka tejkaluar shifrën e 24 mijë ndërsa numri i të vdekurve ka shkuar në 493, Qeveria e Hong Kongut ka vendosur që tani e tutje, kushdo që arrin nga Kina duhet t'i nënshtrohet një karantine 14-ditore.

Vendimi vjen pas disa ditë protestash për të mbyllur plotësisht kufijtë me Kinën në përpjekje për të frenuar epideminë e koronavirusit

Sipas analistëve, javët e ardhshme do të jenë vendimtare për të kuptuar efektivitetin e masave të vendosura nga Pekini për të përmirësuar krizën dhe për të parandaluar dëmet serioze ekonomike. Rinisja e prodhimit në Kinë për të stabilizuar tregjet dhe për të furnizuar ekonominë globale është një zgjidhje që të gjitha vendet shpresojnë me gjithë zemër të ndodhë.

Lajmi kryesor:

Koronavirusi, shkon në 493 numri i të vdekurve, rreth 771 persona të tjerë në gjendje kritike për jetën (VIDEO)

TAG:
• Kine
• viktima
• koronavirusi