Koronavirusi, nuk bie ritmi i epidemisë, 427 viktima dhe 20 636 të infektuar, Tokio vendos në karantinë anijen me 3500 njerëz në bord (VIDEO)

"Unë nuk jam një virus, unë jam qenie njerëzore, më çlironi nga paragjykimet". Këto janë fjalët që Massimiliano, një djalë italo-kinez që është rritur në Itali, shkruajti në një tabelë kartoni, me të cilën ai udhëtoi në Firence.

Masssimiliano u ndal në sheshet dhe rrugët e qendrës historike dhe shumë kalimtarë ndaluan ta përqafojnë.

Ai zgjodhi një mënyrë të thjeshtë por dhe efikase për të thënë se në këtë botë të gjithë jemi të barabartë dhe mbi të gjithë shokë në të njëjtin udhëtim të quajtur Jeta.

Pas shumë lajmeve për diskriminimet dhe paragjykimet në të gjithë botën ndaj komunitetit kinez, Massimiliano dëshironte të eksperimentonte. Megjithatë paragjykimi është ende diku aty në ajër.

"Largohuni nga virusi por jo nga njerëzit, paragjykimi është nëna e injorancës".

Autoritetet britanike dhe franceze u kanë kërkuar qytetarëve të tyre që të largohen nga Kina, ndërsa Gjermania u sugjeroi gjermanëve të përgatiten për t’u thyer në shtëpi jo vetëm për rrezikun e infeksionit të koronavirusit, por edhe për "kufizimet në rritje të fluturimeve dhe udhëtimeve me tren, gjë që më vonë mund ta bënte të pamundur largimin e tyre.

Shkarkohet për neglizhencë drejtuesi i Kryqit të Kuq në Hubei

Në Kinë kanë filluar të priten ‘Kokat e para’ për epideminë e koronavirusit.

Drejtuesi i Kryqi i Kuq në Hubei u pushua nga puna me akuzën e pakujdesisë në lidhje me përhapjen e koronavirusit.

Zhang Qin, së bashku me drejtuesit e tjerë, dyshohet se keqmenaxhuan fondet dhe materialet e shpërndara për të përmirësuar epideminë.

Sipas të dhënave të publikuara nga Komisioni Kinez i Shëndetit, numri i vdekjeve në territorin e Dragoit ka arritur në 427, me rritjen më të madhe që nga fillimi i krizës, 66 kanë humbur jetën në një ditë të vetme kurse numri i të infektuarve u rrit me 3235 njësi, duke kapur shifrën totale 20 636.

Britania e Madhe sekuencon gjenomin e koronavirusit dhe futet në garën për të ndaluar përhapjen e tij duke nisur dhe kërkimet për prodhimin e vaksinës.

‘Public Health England’ pretendon se ka siguruar "informacion të vlefshëm për çdo mutacion të virusit me kalimin e kohës dhe për të siguruar një kuptim më të mirë të përhapjes së virusit".

Ende ka shumë gjëra që nuk dihen rreth koronavirusit të Wuhan dhe shkencëtarët në mbarë botën po nxitojnë të mbledhin të dhëna dhe të zhvillojnë vaksinën apo mënyra të tjera të trajtimit të sëmundjes.

Zyrtarët shëndetësorë në Tajlandë kanë thënë se po trajtojnë një pacient me një kombinim të ilaçeve HIV dhe gripit, ndërsa një kompani biofarmaceutike po punon për të parë nëse ilaçet antivirale të përdorura për të trajtuar Ebola mund të luftojnë gjithashtu simptomat e koronavirusit.

Sipas të dhënave të publikuara nga Komisioni Kinez i Shëndetit, numri i vdekjeve në territorin e Dragoit ka arritur në 427, me rritjen më të madhe që nga fillimi i krizës, 66 kanë humbur jetën në një ditë të vetme kurse numri i të infektuarve u rrit me 3235 njësi, duke kapur shifrën totale 20 636.

Pier Luigi Lopalco, profesor i higjenës në Universitetin e Pizës dhe specialist në fushën e viruseve dhe epidemiologjisë në Itali, thotë se numri i të infektuarve nga koronavirusi i Wuhan është i falsifikuar dhe mund të jetë rreth 150 mijë.

"Merrni të dhënat e fundit mbi numrin e të infektuarve, shumëzojeni atë me 10 dhe do të keni një përafrim të asaj që po ndodh në Kinë: 150 mijë raste.

“Por, sado kontradiktore mund të duket – thotë Lopalco në analizën e tij - është absurde që njerëzit të pushtohen nga psikoza. Numrat kanë logjikë nëntokësore që shpesh na befasojnë ”, shpjegon ai në një intervistë me gazetën italiane 'La Stampa'.

“A është serioze emergjenca në Kinë? Ka shumë numra dhe imazhe në dispozicion, me shkallë të ndryshme të besueshmërisë. Numri i viktimave, para së gjithash. Ka nga ata që vdesin në spitale, ka nga ata që vdesin në shtëpi por ka dhe nga ata që nuk raportohen të vdekur. E dyta: ka raportime serioze të atyre që janë shtruar në spital, por a jemi të sigurt që janë vetëm ata? Spitali Wuhan është i ‘ngopur’ me pacientë dhe për këtë arsye edhe janë ndërtuar dy spitale të tjerë. E treta: ka forma më të buta infeksioni, të cilat i shpëtojnë numërimit. Kjo është arsyeja pse është e arsyeshme të mbështetemi në simulimet përmes modeleve matematikore".

"Numri i 2% i vdekshmërisë? Do të ishte më e saktë të flasim për vdekshmëri. Tani thonë që është 2%, që do të thotë se dy viktima për 100 të infektuar, por, nëse e zgjerojmë bazën me 10, përqindja e vdekshmërisë duhet të jetë 0.2%, pa marrë parasysh dhe në konsideratë të gjithë ata që vdesin në shtëpi dhe nuk janë të regjistruar. Psikoza tregon sesi truri ynë nuk përpunon në mënyrë racionale numrin e të infektuarve. Nga ana tjetër, është e gabuar të përdorësh paternalizëm dhe t'i trajtosh qytetarët si fëmijë budallenj. shkencëtarët duhet të shpjegojnë rrezikun dhe problemet, "përfundon Lopalco.

Epidemia vdekjeprurëse e koronavirusit që është përhapur nga Kina ende nuk përbën një "pandemi", ka deklaruar sot Organizata Botërore e Shëndetit.

Sylvie Briand, kreu i departamentit të OBSH pranoi përhapjen e shpejtë të transmetimit të virusit në Hubei, por gjithashtu vlerësoi mënyrën se si reaguan autoritetet kineze pas shpërthimin e epidemisë, duke ngjallur shpresë se bota mund të "shpëtoj nga ky virus".

Briand theksoi gjithashtu rëndësinë e trajtimit të thashethemeve të pabazuara dhe lajmeve Fake.

"Kur përballemi me një epidemi, shpejt vërejmë se përveç epidemisë së sëmundjes, kemi edhe epidemi informacioni. Dhe kjo është ajo që ne e quajmë "infodemi ", tha ai.

"Dhe kështu kemi kuptuar me kalimin e kohës se kjo pandemi informacioni mund të pengojë zbatimin efektiv të kundërmasave."

Ndërkohë nuk po tregon asnjë shenjë ngadalësimi epidemia e koronavirusit. Sipas të dhënave të publikuara nga Komisioni Kinez i Shëndetit, numri i vdekjeve në territorin e Dragoit ka arritur në 427, me rritjen më të madhe që nga fillimi i krizës, 66 kanë humbur jetën në një ditë të vetme kurse numri i të infektuarve u rrit me 3235 njësi, duke kapur shifrën totale 20 636.

Numri i vdekjeve nga epidemia e koronavirusit vazhdon të rritet dhe, bashkë me të, shqetësimi global për shpërthimin që filloi në qytetin e Wuhan, në Kinë.

Këto imazhe nga Azia dhe Europa tregojnë se si ka filluar punë makina globale e kontrollit, biosigurisë dhe dezinfektimit.

Por fotografitë tregojnë edhe rritjen e psikozës popullore, e cila duket në rradhët e gjata për blerjen e maska ​​për fytyrën, pajisjeve të tjera mbrojtëse e deri te protestat për mbylljen e kufijve.

Në Korenë e Jugut rastet e konfirmuara deri më tani kanë qenë 15, dhe 90 persona gjenden në karantinë.

Filipinet raportuan vdekjen e parë të koronavirusit jashtë Kinës kontinentale më 2 shkurt. Një ditë më pas, Pekini përsëriti kërkesën urgjente për pajisje mjekësore dhe maska ​​kirurgjikale.

Më 2 shkurt, një aeroplan i dytë evakuoi nga Wuhan 250 francezë ndërkohë që 65 prej tyre filluan një periudhë 14 ditore karantine në jug të Francës.

Personat e zhvendosur nga Wuhan po mbahen nën vëzhgim në të gjitha shtetet që kanë evakuuar qytetarët e tyre nga Kina.

Ndërkohë nuk tregon asnjë shenjë ngadalësimi epidemia e koronavirusit. Sipas të dhënave të publikuara nga Komisioni Kinez i Shëndetit, numri i vdekjeve në territorin e Dragoit ka arritur në 427, me rritjen më të madhe që nga fillimi i krizës, 66 kanë humbur jetën në një ditë të vetme kurse numri i të infektuarve u rrit me 3235 njësi, duke kapur shifrën totale 20 636.

Gjykatat kineze kanë zbritur në terren për të “frenuar” emergjencën e koronavirusit.

Në veçanti, Gjykata e Lartë ‘Heilongjiang’ ka parashikuar deri në 15 vjet burg për ata që përhapin “thashetheme” për epideminë duke rrezikuar shkatërrimin e rendit si dhe denim me vdekje për ata që dalin hapur me qellim përhapjen e koronavirusit dhe në fund, është planifikuar deri në 7 vjet burg për ata që refuzojnë karantinën.

Sipas “South Morning Post”, nuk është e qartë se çfarë nënkuptohet me “përhapjen me qëllim të virusit”.

Ndërkohë nuk tregon asnjë shenjë ngadalësimi epidemia e koronavirusit. Sipas të dhënave të publikuara nga Komisioni Kinez i Shëndetit, numri i vdekjeve në territorin e Dragoit ka arritur në 427, me rritjen më të madhe që nga fillimi i krizës, 66 kanë humbur jetën në një ditë të vetme kurse numri i të infektuarve u rrit me 3235 njësi, duke kapur shifrën totale 20 636.

Mjeku okulist, që nga shumë është krahasuar me Kasandrën për shkak se ishte i pari që dha alarmin për shpërthimin e epidemisë në qytetin e Wuhan, dje është shtuar në spitalin e ri të ndërtuar në qytetin ku ‘lindi vdekja’ pasi u konstatua i infektuar me koronavirusin e ri kinez.

Më 30 dhjetor, Li Wenliang nuk kishte plotësisht të drejtë kur tha se sëmundja misterioze që ishte përhapur në Wuhan ishte Sars. Por mjeku as nuk ishte plotësisht gabim sepse virusi i ri nuk ishte thjesht kalimtar siç u kishin thënë autoritetet lokale qytetarëve.

Pasi kishin postuar mesazhet e tyre të alarmit, Li dhe shtatë kolegët e tij u thirrën nga policia lokale për të "pirë çaj" dhe u qortuan ashpër për "mashtrimet" që po përhapnin në lidhje me virusin.

Tani Li Wenliang, së bashku me shtatë kolegët që kishin paralajmëruar miqtë dhe të njohurit, "mbroni familjet tuaja", është bërë një simbol.

Sot, një muaj më vonë, autoritetet e Wuhan kanë pranuar se informacioni i shpërndarë mbi epideminë nuk ka qenë maahtrim dhe Gjykata Supreme zyrtarisht shpalli të pafajshëm Li dhe kolegët e tij.

Okulisti Li jo vetëm u rehabilitua, por diçka më shumë. Në sytë e shumë qytetarëve kinezë, të cilët po shfaqen këto ditë të zemëruar me qeverinë qëndrore, ai është bërë një lloj heroi tragjik. Njeriu që përpiqet tju tregojë të gjithëve të vërtetën, të vërtetën që regjimi, sipas këndvështrimit të njerëzve, nuk e sheh, injoron apo fsheh.

Epidemia e Sars e vitit 2003 gjithashtu kishte një Kasandër të ngjashme, emri i tij është Jiang Yanyong. Doktori, një anëtar i Partisë Komuniste, denoncoi përmes një letre se si qeveria kineze me qëllim po zvogëlonte alarmin e infeksionit.

Kur letra e tij përfundoi në duart e mediave të huaja, historia u përhap, duke shkaktuar dorëheqjen e kryebashkiakut të Pekinit dhe duke detyruar Kinën zyrtare të jepte njoftimet e para të vërteta për seriozitetin e emergjencës. Nëse koronavirusi i ri kinez nuk u shndërrua në një pandemi, ne i detyrohemi edhe atij.