Fondit Monetar Ndërkombëtar (FMN) ka paralajmëruar se pandemia e koronavirusit do të shënoj një kthesë të ashpër negative në rritjen e ekonomisë globale këtë vit.
Kryesuesja e FMN, Kristalina Georgieva tha se bota po përballet me krizën më të rëndë ekonomike që nga Depresioni i Madh i viteve ’30. Ajo parashikoi që 2021 do të shihte vetëm një rimëkëmbje të pjesshme.
"Vetëm tre muaj më parë, ne prisnim rritje pozitive të të ardhurave për frymë gjatë 2020-tës, në mbi 160 vendet tona anëtare," tha ajo.
"Sot, ky numër është kthyer mbrapa dhe tani ne parashikojmë që mbi 170 vende do të pësojnë rritje negative të të ardhurave për frymë këtë vit. Në fakt, ne parashikojmë rënien më të keqe ekonomike që nga Depresioni i Madh".
Georgieva bëri vlerësimin e saj pak përpara takimeve të pranverës mes FMN dhe Bankës Botërore që pritet të fillojnë javën tjetër. Tregjet në zhvillim dhe vendet në zhvillim do të ishin goditja më e rëndë, tha ajo, duke kërkuar qindra miliarda dollarë ndihmë të huaj.
Kryesuesja e FMN tha se nëse pandemia do të lehtësohej në gjysmën e dytë të vitit 2020, institucioni që ajo drejton pret të shohë një rikuperim të pjesshëm vitin e ardhshëm. Por po ashtu paralajmëroi se situata gjithashtu mund të përkeqësohej. "Unë theksoj se ka një pasiguri të jashtëzakonshme në lidhje me perspektivën. Mund të përkeqësohet në varësi të shumë faktorëve të ndryshueshëm, duke përfshirë kohëzgjatjen e pandemisë," tha ajo.
Komentet e saj erdhën, ndërsa SHBA-të njoftuan se numri i amerikanëve që kërkojnë përfitime nga papunësia ishte rritur për javën e tretë me 6.6 milion, duke e çuar në më shumë se 16 milion totalin e personave që kërkojnë përfitime në këtë perjudhë. Rezerva Federale e Sh.B.A.-së tha se do të nxirrte një hua shtesë prej 2,3 milion dollarë pasi kufizimet në aktivitetin për të ndihmuar në kontrollin e koronavirusit kishin detyruar shumë biznese të mbyllnin aktivitetin e tyre dhe të vendosnin rreth 95% të amerikanëve në izolim.
Bllokimet e vendosura nga qeveritë kanë detyruar shumë kompani të mbyllin aktivitetin dhe të pushojnë stafin. Në fillim të kësaj jave, një studim i Kombeve të Bashkuara tha se 81% e fuqisë punëtore në botë, rreth 3.3 miliardë njerëz, kishin vendin e tyre të punës të mbyllur plotësisht ose pjesërisht për shkak të shpërthimit të COVID-19.
Ndërkaq, organizata bamirëse me qendër në Mbretërinë e Bashkuar Oxfam paralajmëroi se pasojat ekonomike nga përhapja e Covid-19 mund të çojnë më shumë se gjysmë miliardë njerëz në varfëri. “Deri në përfundimin e pandemisë, gjysma e popullsisë në botë prej 7.8 miliardë njerëz mund të jetonte në varfëri”, ka bërë me dije organizata bamirëse.
Kujtojmë se këtë të enjte, pas bisedimeve maratonë, udhëheqësit e BE ranë dakord për një paketë të ndihmës ekonomike prej 500 miliardë euro për anëtarët e bllokut të goditur më së shumti nga masat e bllokimit.
Komisioni Evropian më herët tha se kishte për qëllim të bashkërendojë një "udhërrëfyes" të mundshëm për t'u larguar nga masat kufizuese. Në fillim të kësaj jave, Organizata Ndërkombëtare e Punës (ILO), një agjenci kjo e OKB, paralajmëroi se pandemia paraqiste "krizën më të rëndë" që nga Lufta e Dytë Botërore. Ajo tha se shpërthimi pritej të zhdukte 6.7% të orarit të punës në të gjithë botën gjatë tremujorit të dytë të vitit 2020 - ekuivalentin e 195 milion punonjësve me kohë të plotë që humbin punën e tyre.
Muajin e kaluar, Organizata për Bashkëpunim Ekonomik dhe Zhvillim (OECD) paralajmëroi se ekonomia globale do të marrë vite për t’u rikuperuar. Sekretari i Përgjithshëm Angel Gurría tha se ekonomitë po vuanin një tronditje më të madhe sesa pas sulmeve terroriste të 11 shtatorit të vitit 2001 ose krizës financiare të vitit 2008.
Lajme të tjera
-
FMN i kërkon Bankës së Shqipërisë të ruaj regjim të lirë të kursit të këmbimit! Sejko: Familjet e bizneset në gjendje të mirë financiare
14 Nëntor, 14:01 -
Sejko në Uashington, takim me shefin e FMN-së për Shqipërinë: Inflacioni është në nivelet më të ulëta
26 Tetor, 10:03 -
FMN optimiste: Ekonomia e Shqipërisë rritet me 3.3% këtë vit! Turizmi e ndërtimi ‘motorët’ kryesorë
24 Tetor, 10:17
-
FMN: Përparoni në reformat për PPP-të! Inflacioni pritet të kthehet në objektivin prej 3%
15 Korrik, 17:23 -
Mete takon shefen e FMN-së: Strategjia Afatmesme e Mbledhjes së të Ardhurave drejt finalizimit! Së shpejti në konsultim publik
12 Korrik, 11:18 -
FMN: Moscenimi i pavarësisë së BSH është vendimtar për ruajtjen e stabilitetit financiar
7 Qershor, 11:40 -
FMN: Inteligjenca Artificiale rrezikon 26-40% të vendeve të punës në vendet në zhvillim si Shqipëria
26 Maj, 10:42 -
Analiza: A mund ta zgjidhë FMN-ja krizën e borxhit të vendeve të varfra?
18 Maj, 08:12 -
FMN për tatimin mbi të ardhurat: Hap vendimtar në drejtimin e duhur, vendos drejtësi në sistem!
7 Maj, 08:06 -
Burri nga Holanda 613 ditë i infektuar me COVID, iu gjetën mutacione të virusit
26 Prill, 20:16 -
Rritja e ekonomisë po ngadalësohet! FMN: Lufta në Ukrainë e konflikti në Gaza e Irak, rrezik për të ardhmen botërore
17 Prill, 17:10
-
FMN: Kursi i këmbimit, nuk nevojitet ndërhyrje nga Banka e Shqipërisë
25 Janar, 16:25
