Koronavirusi kinez/ Shkon në 170 numri i të vdekurve! Konfirmohet dy raste në Itali...vaksina gati në fillim të verës

Coronavirus mbërrin në Itali. Një lajm i tillë është konfirmuar nga kryeministri italian, Giuseppe Conte. "Kemi dy raste të konfirmuara të coronavirusit në Itali", tha Conte, teksa shtoi se janë marrë të gjitha masat duke mbyllur trafikun ajror nga Kina. Ministri Roberto Speranza tha se nuk ka vend për alarm.

Kina është e bllokuar. Koronavirusi i Wuhan ka vrarë 170 njerëz dhe ka infektuar rreth 8000 në të gjithë vendin.

Në përpjekje për të ndaluar shpërthimin e virusit, shumë qytete kineze janë vendosur nën kufizime të rënda të cilat kanë prekur rreth 60 milion njerëz.

Pamjet nga Wuhan, qyteti epiqendër i shpërthimit të koronavirusit, si dhe megaqytetet Pekin dhe Shanghai, duken si qytete fantazmë.

Në qytetin X, një i sapokthyer nga Kina iu nënshtrua një kontrolli për koronavirus pasi kishte ethe dhe temperaturë.

Lajmi u përhap me shpejtësi dhe ‘u fry’ aq shumë saqë në rrjetet sociale u tha se në spitalin e Z gjendej i shtruar një i sapo kthyer nga Kina i infektuar me koronavirusin e ri.

Fake News, siç quhet tani i dikurquajturi mashtrim, por që shkaktoi panik.

Lajme të tilla kanë shkaktuar panik jo vetëm në qytetin X por edhe në shumë qytete të tjerë.

Njerëz të prekur nga gripi, që ka të njëjtat shenja patologjike si dhe koronavirusi: kollë, dhimbje fyti, dhimbje trupi, temperaturë, vështirësi në frymëmarrje, vërshojnë në ambulanca dhe spitale me frikën e infektimit nga koronavirusi i Wuhan.

Nëpër farmaci kanë mbaruar furnizimet me maska mbrojtëse dhe kinezët kanë filluar të shihen me dyshim dhe të shmangen.

Kujtojmë se aftësia që ka koronavirusi për t’u transmetuar është më ë vogël se aftësia që ka gripi i thjeshtë dhe fruthi dhe vdekshmëria është diku te tre përqind.

Informacionet e shpërndara apo masat parandaluese nuk kanë mundur të zbehin frikën, përkundrazi e kanë rritur.

Shoqëria moderne që konsumon pa masë dhunë, që krenohet se është agresive, e ligë, që luan me rrezikun dhe që e dehur nget si e çmendur makinën, ka frikë nga mundësia e largët e të infektuarit nga koronavirusi.

Shtiremi se jemi luan apo tigër por në fakt jemi dele.

Por tufat e deleve në fakt nuk kanë Chat, as whatsapp dhe nuk tremben nga lajmet.

Janë më të zgjuara se ne?!  

Afro 200 amerikanë të evakuuar nga Kina do të qëndrojnë në një bazë ushtarake në Kaliforninë Jugore për të paktën tre ditë në mënyrë që ata të mund të monitorohen për simptomat e koronavirusit.

Jarred Evans është një nga amerikanët e evakuuar që qëndron në bazën e Kalifornisë për të paktën 72 orë.

Para se të zbriste në SHBA ai kaloi më shumë se një javë e ndaluar në banesën e tij në Wuhan ndërsa koronavirusi ‘vraponte’ nëpër qytet.

‘Gjatë asaj kohe, tha ai, banorët ishin në panik, duke paralajmëruar të tjerët të bëjnë kujdes’.

"Koronavirusi goditi shpejt. Unë e mora lajmet nga miqtë e mi kinezë të cilët më tahnë të qëndroja i mbyllur në shtëpi, të vendosja një maskë dhe të mbaja rezervë disa ushqime. Gjithçka ishte surreale, si një ëndërr e keqe ndërsa qyteti ishte i bllokuar nga pjesa tjetër e kombit. Atje nuk ka mjete transporti, as trena në metro, as aeroplan. Ushtria ka bllokuar të gjitha rrugët. Ishte si një film, një makth i paparë. Kur do hipnin në avionin i cili kishte ardhur për të na evakuuar, të gjithë po brohorisnim. Askush nuk po na shtrëngonte duart për të na përcjellë... por ne duartrokisnim," tha ai.

Në Portin e Civitavecchia në Itali, një anije me 7000 pasagjerë në bord është bllokuar për shkak të dy rasteve të dyshuara të koronavirusit.

Për të dy pasagjerët u pa e nevojshme kryerja e testeve mjekësore.

Gjatë turneut anija kroçerë ishte ndalur në Marsejë, Barcelonë dhe Palma de Mallorca.

Çifti me origjinë nga Hong Kongu dhe nga Macau, kishin zbritur në Itali në aeroportin e Milanos Malpensa më 25 janar dhe ishin nisur më pas për në Savona, ku dhe u imbarkuan në anije.

“Jemi duke pritur rezultatet e testimeve të kryera. Të gjitha hapat që duheshin realizuar janë ndërmarrë. Situata është nën kontroll dhe për momentin nuk shihet të ketë motive për t’u shqetësuar në bord”, deklaroi zyrtari i Rojes Bregdetare Vicenzo Leone

Pas testeve të para të kryera, të dy rastet e dyshuara të koronavirusit rezultuan negative. Vetëm gruaja kishte simptoma të buta gripi kurse partneri nuk tregoi asnjë simptomë, por ishte i izoluar si masa paraprake. Gjithsesi priten rezultatet e disa testeve të tjera më të thelluara.

Pasagjerët e anijes thonë se në bord televizorët shfaqin vetëm reklama publicitare dhe se interneti është shkëputur duke 'na izoluar tërësisht nga bota".

Ndërkohë, në kryeqytetin Romë, dje në mbrëmjen një çift kinez u transportua me urgjencë në spitalin e Spallanzani dhe po i nënshtrohen analizave të thelluara.

Ata po qëndronin në një hotel në qendër të Romës dhe kishin mbërritur nga Kina në kryeqytet para dy ditësh.

Kryeministri rus Mikhail Mishustin ka nënshkruar një urdhër për të mbyllur kufirin në Lindjen e Largët për të parandaluar përhapjen e koronavirusit të ri.

Detajet e urdhërit të kryeministrit të ri rus nuk janë zbuluar ende. Rusia, në rajonet e saj më lindore, ndan një kufi 4.200 km me Kinën.

Vendimi erdhi pas udhëzimeve të Vladimir Putin për të bërë gjithçka të mundshme për të parandaluar përhapjen e koronavirusit në Rusi.

Ditët e fundit, Ministri i Jashtëm rus ka paralajmëruar qytetarët të shmangin udhëtimet në Kinë "përveç nëse ato janë jashtëzakonisht të nevojshme". Rusia gjithashtu ka vendosur të kufizojë lidhjet e trenave me Kinën, duke filluar nga 31 janari.

Jack Ma, themeluesi i ‘Alibaba’ dhe njeriu më i pasur i Kinës, ka dhuruar 100 milion juanë (14.4 milion dollarë) përmes fondacionit të tij për të ndihmuar në gjetjen e një vaksine për të luftuar koronavirusin e Wuhan.

Sipas një postimi në mediat sociale nga fondacioni Jack Ma, miliarderi ka caktuar 40 milion juanë (5.8 milion dollarë) për dy organizata kineze të kërkimit të vaksinës.

Pjesa tjetër e fondeve do të përdoret për të mbështetur masat "parandaluese dhe trajtuese", tha fondacioni.

Dhurimi pason një njoftim të tjetër nga ‘Alibaba’ se po krijon një fond 1 miliard juan (144 milion dollarë) për të blerë pajisje mjekësore për provincën Wuhan dhe Hubei, epiqendra e shpërthimit të virusit.

Kompania gjithashtu po ofron fuqi kompjuterike falas për organizatat kërkimore shkencore për të mbështetur kërkimin për një vaksinë ose trajtime.

‘Alibaba’ është një nga një mori kompanish teknologjike kineze që po dhurojnë fonde për përpjekjet e trajtimit të koronavirusit.

‘PLA Daily’ gazeta e Ushtrisë Çlirimtare të Popullit Kinez, njofton se duke filluar nga 3 shkurti, Kina do prodhojë çdo ditë 180 milion maska për të kufizuar përhapjen e koronavirusit të Wuhan. 

Urdhëri ir ri mendohet se do jetë në gjendje të zhbëj ndryshimin midis ofertës dhe kërkesës në rritje për maska dhe mjetet të tjera mbrojtëse nga koronavirusi.

Urdhëri vjen pas parashikimit se përhapja e virusit ka shtuar ‘shpejtësinë’ teksa ka vrarë 170 persona dhe ka infektuar rreth 8000 të tjerë.

Rreth 1 milion maska në ditë, në Pekin do të prodhohen në megaqytetet e Shanghai, Guangzhou, Shenzhen dhe Chongqing.

Kryetari i bashkisë së qytetit Wuhan, Zhou Xianwang është vetshpallur fajtor për katastrofën e koronavirusit që tani ka prekur të gjitha provincat kineze, me një kosto të madhe nga pikëpamja njerëzore dhe ekonomike.

Në një intervistë për TV shtetëror kinez, Zhou pranoi se informacioni nuk iu shpërnda populates pasi, siç tha ai, ‘nuk kishte autorizimin’ nga instancat shtetërore.

Autoritetet kineze zbuluan në mes të dhjetorit ekzistencën e një virusi të paidentifikuar që kishte prekur një numër të konsiderueshëm njerëzish. Por alarmi u nis te zyrtarët e lartë të Partisë Komuniste vetëm një muaj më vonë, pas arrestimit të tetë personave për "përhapjen e thashethemeve të pakonfirmuara".

Ngadalësia e autoriteteve

Tragjedia tregon se megjithëse regjimi është kritikuar për fshehjen e epidemisë SARS në vitin 2003, ai nuk ka reaguar shpejt, madje ngadalësia e sistemit burokratik ka ndikuar në përhapjen e koronavirusit.

Siç ndodh gjithnjë në Kinë, kritikat ‘janë ndalur’ vetëm mbi autoritetet lokale.Drejtuesit kinezë janë shqetësuar për referencat në serialin televiziv Chernobyl që qarkullojnë në rrjetet sociale

Këto ditë vihet re një kontrast i thellë midis masave drakoniane të marra nga qeveria qendrore dhe menaxhimit kaotik në nivelin lokal. 

Megjithë censurën, disa kritika vazhdojnë të qarkullojnë në internet në lidhje me spitalet e mbipopulluara të Wuhan që presin ndërtimin e dy spitaleve të rinj, vështirësitë në furnizimin me medikamente dhe konfuzionin që rrethon informacionet mbi koronavirusin. Kjo tregon se ekziston një interes politik krahas aspekteve mjekësore dhe njerëzore.

Detyra e administrimit të krizës i është ngarkuar kryeministrit Li Keqiang, numri dy i hierarkisë komuniste. Li shkoi në Wuhan, një vizitë tejet mediatike në zemër të katastrofës.

Duke veshur një maskë të thjeshtë mbrojtëse, kryeministri dëshironte të kujtonte vizitën e paraardhësit të tij Wen Jiabao në vendet e tërmetit shkatërrues të vitit 2008, një gjest i dhembshurisë që kishte shënuar një ndryshim në stil.

Në ditët e fundit, udhëheqësit e Kinës janë të shqetësuar në lidhje me referencat në serialin televizive ‘Çernobil’ që qarkullon në rrjetet sociale, mbi mënyrën e menazhimit të katastrofës sovjetike që ka nxitur një debat intensiv me referencat e pashmangshme për gënjeshtrat shtetërore dhe dështimet e sistemit.

Shkencëtarët kanë nisur të garojnë për të zhvilluar një vaksinë. Vetëm në pesë vitet e fundit, bota është përballur me shpërthime të Ebola, Zika, një tjetër koronavirus i quajtur Mers.

Por ndryshe nga shumë shpërthime të mëparshme, ku vaksinat për të mbrojtur njerëzit kanë marrë vite për t'u zhvilluar, hulumtimi për një vaksinë ka filluar brenda disa orësh nga identifikimi i virusit.

Zyrtarët kinezë lëshuan kodin e saj gjenetik shumë shpejt duke ndihmuar shkencëtarët të përcaktojnë se nga ka ardhur, si mund të mutohet virusi dhe si të mbrohen njerëzit ndaj tij.

Fal teknologjive të fjalës së fundit në laboratorin e Inovio në San Diego, shkencëtarët po përdorin një lloj relativisht të ri të teknologjisë së ADN-së për të zhvilluar një vaksinë të mundshme, e cila mund të jetë gati deri në fillim të verës.

Fluturimet e kompanive të huaja janë pezulluar. Numri i të infektuarve është në rritje

Së pari ‘British Airways’, dhe më pas ‘Lufthansa’, ‘Swiss’, ‘Air France’ dhe ‘Austrian Airlines’, të gjithë kanë pezulluar fluturimet drejt dhe nga Kina, ndërkohë që Shtetet e Bashkuara dhe Japonia kanë evakuuar qytetarët e tyre kurse të gjitha vendet e tjera po organizojnë të bëjnë të njëjtën gjë.

Brenda një jave nga izolimi i rreth 50 milion njerëzve në rajonin e Wuhan, numri i infeksioneve vazhdon të rritet, sot ai kapi shifrën e 7783 kurse viktimat numërohen 170.

Megjithëse statistikat e vdekshmërisë janë aktualisht më të ulëta se ato të SARS, numri i personave të infektuar vetëm në territorin e Kinës tani është më i madh se totali i regjistruar në nëntë muajt e SARS, midis viteve 2002 dhe 2003 që tronditi Azinë Lindore.

Por ka një ndryshim. Në atë kohë, Kina sapo kishte hyrë në OBT, sot ajo është ekonomia e dytë më e madhe në botë, domethënë sa një e gjashta e PBB-së globale.

Ngadalësimi ekonomik gjatë një ose dy tremujorëve, ndoshta edhe më shumë, mund të jetē një nga pasojat e epidemisë së koronavirus në ekonominë e dragoit, tani i tulatur nga frika.

Lajm i keq gjithashtu i takon edhe pjesën tjetër të botës, duke pasur parasysh që ekonomia kineze përfaqëson 15% të prodhimit global.

Pezullimi i fluturimeve ditët e Vitit të Ri Hënorë nga shumë kompani ajrore ka dëmtuar ekonominë duke qenë se Kina është tregu më i madh botëror për fluturime dalëse.

Anulimet e fluturimeve nga British Airlines dhe  kanë patur efekt në gjithë ekonominë aziatike ndërkohë që kompania gjigande e Starbucks ka vendosur të mbyllë 4000 dyqanet në Kinë për të mbrojtur stafin e saj.

Një studente në Universitetin Shtetëror të Arizonës ka filluar një peticion për anullimin e mësimit pasi dikush nga universiteti u konfirmua se ishte infektuar me koronavirus. Studentja e vitit të parë në ASU, Taskina Bhuiyan, e cila studion për mikrobiologji, filloi peticionin në Change.org, i cili ka marrë më shumë se 21,000 nënshkrime që nga mbrëmja së mërkurë.

Është e paqartë nëse personi i infektuar është student apo anëtar i stafit. Departamenti i Shërbimeve Shëndetësore në Arizona (ADHS) identifikoi personin vetëm si një "anëtar i komunitetit të Universitetit Shtetëror të Arizonës i cili nuk jeton në strehimin e universiteteve". Personi u kthye kohët e fundit nga Wuhan, Kinë, ku besohet se virusi ka origjinën.

"Si pjesë e hetimit tonë të çështjes, individët që mund të kenë qenë të ekspozuar ndaj pacientit do të njoftohen nga shëndeti publik dhe do të ndiqen nga ana shëndetësore ashtu siç duhet," i tha CNN drejtori i komunikimeve të ADHS, Chris Minnick.

ADHS tha që pacienti nuk është i sëmurë rëndë dhe se po mbahet në izolim për të parandaluar përhapjen e sëmundjes.

"ASU po monitoron çdo ditë situatën e koronavirusit dhe po punon ngushtë me autoritetet shëndetësore federale, shtetërore të qarkut", tha një zëdhënës i universitetit për CNN.

"Ne jemi duke ndjekur protokollet shëndetësore të përcaktuara nga Qendrat për Kontrollin dhe Parandalimin e Sëmundjeve dhe të përforcuar nga zyrtarët shëndetësorë të shtetit dhe të qarkut. Për shkak se rreziku i menjëhershëm për publikun e gjerë nga koronavirusi në këtë kohë besohet të jetë i ulët, auditoret janë duke zhvilluar mësim”, përfundoj ai.

Bhuiyan tha se ajo dhe miqtë e saj krijuan peticionin sepse ata besojnë se ASU nuk ka qenë transparente me studentët e saj. Ata dëshirojnë që ASU të ndërmarrë hapat e duhur për të dezinfektuar zonat që mund të përbëjnë rrezik dhe të krijojë stacione sanitare përreth kampusit.

Studentët kanë të drejtë të dinë zonat që vizitoi individi i infektuar, tha ajo, në mënyrë që ata të mund të zgjedhin të shmangin ato zona.

"Në email, ASU tha që ata po ndjekin protokollet e CDC dhe i këshilloi studentët të vishnin një maskë dhe t'i mbajnë duart e pastra, të mos prekin fytyrën etj.", Tha Bhuiyan për CNN.

"Sidoqoftë, ASU nuk po i zbaton ato protokolle", tha ajo. "Shumica e njerëzve janë duke ecur ende pa maska. Dyqanet afër kampusit shiten të gjitha nga maska ​​dhe sanitizues dore, gjë që gjithashtu po e bën të vështirë për studentët dhe stafin të ndjekin protokollet e CDC."

Bhuiyan tha se frekuentimi është i detyrueshëm në ASU dhe studentët rrezikojnë të ngelin nëse nuk frekuentojnë rregullisht orët e mësimit. Si një student që do të diplomohet në një degë shkencore, Bhuiyan tha që ajo ka orë laburatorike të cilat nuk mund të humbasë, dhe se dëshiron që ASU të jetë më e butë me politikën e saj të pjesëmarrjes.

"Unë nuk mendoj se duhet të zgjedhim midis të qenurit ngelës në orët e mësimit ose kompromentimit të shëndetit dhe mirëqenies sonë, por ASU nuk po na jep asnjë mundësi tjetër për momentin," tha Bhuiyan duke shtuar se: "Studentët janë nervozë. Ne jemi edhe më nervozë pasi ASU nuk po na azhornon më me informacion. Unë e kuptoj që ata nuk duan të shkaktojnë një panik midis studentëve dhe fakulteteve. Sidoqoftë, ata duhet të na njoftojnë për shkak të situatës problematike, por edhe sepse shumica e studentëve nuk po e marrin ende aq seriozisht saç duhet këtë çështje".

Gjashtë raste të reja të personave të prekur nga koronavirusi i ri kinez janë konfirmuar. Bëhet fjalë për 3 raste në Singapor dhe 3 raste të tjera në Japoni.

Ministria e Shëndetit në Singapor ka konfirmuar mëngjesin e kësaj të enjte se tre raste e tjera të koronavirusit Wuhan, janë shtetas kinez që udhëtuan nga Wuhan. Kjo e rrit numrin e përgjithshëm në shkallë vendi, në 10 të infektuar. Personat e prekur nga virusi janë një burrë 56-vjeç dhe një grua 56-vjeçare dhe një burrë tjetër 56-vjeçar, të cilët ndodhen në dhoma izolimi në Qendrën Kombëtare të Sëmundjeve Infektive.Të tre pacientët e rinj nuk paraqitën simtoma në kontrollet e bëra gjatë fluturimit për në Singapor.

Ndërkaq, 3 personat diagnostikuar me koronavirus në Japoni janë pjesë e qytetarëve japonezë të evakuuar nga Wuhan këtë të mërkurë. Sipas Ministrisë japoneze të Shëndetit, vetëm njëri prej pacientëve ka ethe, ndërsa dy të tjerët nuk tregojnë simptoma. Ata aktualisht janë në karantinë në Tokio. Dy fluturime, për riatdhesimin e 400 qytetarëve japonez nga Wuhan janë ndërmarrë nga Japonia. Kjo e çon në 8 numrin e të infektuarve nga virusi kinez në Japoni.

Presidenti Trump përmes një postimi në Twitter ka bërë me dije se është njoftuar nga agjensitë amerikane në Kinë në lidhje me ecurinë e koronavirusit.

"Sapo mora një njoftim për Coronavirusin në Kinë nga gjithë agjensitë tona të MIRA, të cilat gjithashtu janë duke punuar ngushtë me Kinën. Ne do të vazhdojmë monitorimin e mëtejshëm të zhvillimeve. Ne kemi ekspertët më të mirë kudo në botë, dhe ata janë në krye të detyrës 24/7! "

Ndërkaq, postimin Presidenti amerikan e shoqëroi me disa fotografi nga një takim në Dhomën e Diskutimeve në Shtëpinë e Bardhë. Trump është shprehur se, së fundmi ai kishte zhvilluar një bisedë me Presidentin Kinez Xi Jinping përsa i’u përket shqetësimeve për përmbajtjen e koronavirusit Wuhan. Mirëpo, për CNN, një zyrtar i Shtëpisë së Bardhë ka përgënjeshtruar këtë fakt, teksa shprehet se hera e fundit që dy liderët botërorë folën së bashku ishte në dhjetor.

Qendra e SHBA për Kontrollin dhe Parandalimin e Sëmundjeve ka njoftuar se 195 pasagjerë që ishin evakuuar nga Wuhan në një bazë ajrore në Kaliforni, janë ekzaminuar, monitoruar dhe vlerësuar çdo hap të rrugës.

Asnjë nga pasagjerët nuk tregon shenja sëmundjeje, thanë zyrtarët e CDC gjatë një konference për shtyp të mërkurën pasdite, por ata do të qëndrojnë nën një karantinë vullnetare në bazën ajrore. Të evakuuarit nuk kërkohet të qëndrojnë në bazë. Agjensia shëndetësore tha që udhëtarët ranë dakord për një kërkesë për të qëndruar atje për tre ditë testim, monitorim dhe pushim.

"Lajmi i mirë këtu është se përkundër një hetimi agresiv të shëndetit publik për të gjetur raste të reja, ne nuk kemi," tha Dr. Nancy Messonnier, drejtore e Qendrës Kombëtare të CDC për Imunizimin dhe Sëmundjet e frymëmarrjes.

"Situata në Kinë është shqetësuese,"  u shpreh Messonnier, ndërsa shtoi se: "Megjithatë ne jemi duke kërkuar shumë këtu në Shtetet e Bashkuara. Ne do të vazhdojmë të jemi proaktivë. Unë pres që të gjejmë raste shtesë. "

Deri më tani, agjensia ka konfirmuar pesë raste të koronavirusit në SHBA në katër shtete dhe 165 raste të dyshuara.

Një fluturim i planifikuar për të rikthyer qytetarët britanikë nga Wuhan nuk do të kryhet këtë të enjte ashtu sikurse ishte parashikuar, tha të mërkurën një zëdhënës i Zyrës së Jashtme të Mbretërisë së Bashkuar.

"Ne po bëjmë gjithçka që mundemi për t'i sjellë njerëzit tanë në Wuhan, në mënyrë të sigurtë në Mbretërinë e Bashkuar. Një numër i caktuar fluturimesh nuk kanë qenë në gjendje të kryhen sikurse ishte planifikuar. Ne vazhdojmë të punojmë me urgjencë për të organizimin e një fluturimi për në Mbretërinë e Bashkuar sa më shpejt të jetë e mundur ", tha zëdhënësi.

"Ne mbetemi në kontakt të ngushtë me autoritetet kineze dhe bisedat po vazhdojnë në të gjitha nivelet" shtoi në tej ai. Mësohet se, fluturimi është vonuar për shkak të lejeve kineze që ende nuk kanë kaluar ende.

Po ashtu, është shtyrë edhe fluturimi i planifikuar i dy avionëve drejt Koresë së Jugut, për tërheqjen e nënshtetasve të saj nga Wuhan.