Koronavirusi-Studimi italian: Kura me plazmën hiperimune ulë vdekshmërinë nga 15% në 6%

Koronavirusi-Studimi italian: Kura me plazmën hiperimune ulë vdekshmërinë nga 15% në 6%

Shkalla e vdekshmërisë së pacientëve të trajtuar me plazma hiperimune ka rënë nga 15% në 6%. Është ky rezultati i dalë prej eksperimentimit të kryer nga ‘Policlinico San Matteo’ i Pavia dhe  ‘l'Asst di Mantova te 46 pacientë në terapi intensive

Fausto Baldanti, drejtor i Njësisë së Virologjisë në ‘San Matteo’ në Pavia tha se "Fillimisht, vdekshmëria tek pacientët e shtruar në terapi intensive ishte midis 13 dhe 20%, mesatarisht rreth 15%, ndërsa me trajtim plazmatik hiperimunik përqindja e vdekshmërisë ra në 6%".

Sipas autoriteteve, studimi kishte tre objektiva: uljen e vdekshmërisë afatshkurtër në kujdesin intensiv, përmirësimin e parametrave të frymëmarrjes dhe përmirësimin e parametrave që lidhen me inflamacionin, dhe duket se rezultatet më domethënëse u arritën në objektivin e parë.

Pacientët e studimit të trajtuar me plazma hiperimune kishin një shkallë të ndryshme të insufiçencës respiratore, 7 ishin të intubuar, të gjithë kishin nevojë për oksigjen dhe nuk ishin në moshë të avancuar.

Sipas mjekëve të Rajonin të Lombardisë, ata tani presin nga autoritetet e larta shëndetësore që të aprovojnë trajtimin eksperimental zyrtarisht si kurë për pacientët Covid.

Para pak ditësh edhe mjekët e spitalit Poma në Mantova deklaruan se terapia plazmatike me antitrupa mbi pacientët në gjendje të rëndë nga infeksioni i koronavirusit ka funksionuar dhe është e suksesshme dhe se drejt spitalit po vërshojnë shumë donator, ish pacientë të shëruar që tani duan të dhurojnë plazmën e gjakut të tyre, që tani ka krijuar antitrupa ndaj Covid dhe se per të manaxhuar donatorët dhe mbledhjen e plazmës me është krijuar edhe një bankë dixhitale e gjakut. Por jo vetëm…Edhe Presidenti i Rajonit Italian të Veneto, Luca Zaia tha se është krijuar banka e gjakut pacientëve të rikuperuar nga koronavirusi e cila do të shërbejë për të mbledhur plazma hiperimune për të trajtuar të sëmurët me Covid.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

S’ka treg, fermerët hedhin kastravecët në kanal: Shteti të kontrollojë pikat e grumbullimit! Report Tv vëzhgim në serat e Lushnjës, Dimalit e Beratit

S’ka treg, fermerët hedhin kastravecët në kanal: Shteti të kontrollojë pikat e grumbullimit! Report Tv vëzhgim në serat e Lushnjës, Dimalit e Beratit