Kredimarrësit problematikë vijojnë të bëjnë rezistencë në kthimin e huave, duke sjellë stopim të rënies së kredive të këqija në muajin korrik, madje ka rritje të lehtë.
Shifrat e fundit të Bankës së Shqipërisë tregojnë se niveli i kredive me probleme në muajin korrik ndaloi në 4.72%, nga 4.7% që ishte në muajin qershor. Praktikisht përqindja e kredive me probleme në bilancet e bankave ka mbetur në vendnumëro, që prej fundit të vitit të kaluar, kur ishin 4.74%.
Kurse në vlerë kreditë e pakthyera janë në rritje me mbi 2.2 miliardë lekë nga dhjetori 2023 në korrik të 2024. Sipas shifrave zyrtare nga 798,3 miliardë lekë që ishte kredia e dhënë deri në fund të korrikut, më shumë se 37.6 miliardë lekë klasifikohej kredi me probleme nga 35.2 miliardë lekë që ishte në fund të vitit të shkuar.
Më problematikët në shlyerjen e detyrimeve janë bizneset thotë banka qendrore të cilët mbajnë edhe peshën më të lartë të kredive me probleme. Vlera më e madhe e kredive me probleme është në monedhën kombëtare, për shkak se prej vitesh ka pasur norma më të larta interesi se kredia në valutë.
Për shkak të moskthimit të borxhit, bankat kanë shitur 70 mijë kontrata kredie tek shoqëritë që mbledhin detyrime, vlera e të cilave aktualisht sipas të dhënave zyrtare të Bankës së Shqipërisë përllogaritet në 13 miliardë lekë.
Këto kontrata aktualisht janë në regjistrat e tre kompanive të licencuara për veprimtari të mbledhjes së kredive të këqija me licenca aktive, ndërsa njëra kompani e licencuar vjet nuk ka ende portofol të blerë.
Ndërkohë Banka po punon për rregulloren e re për mbrojtjen e konsumatorëve nga mikrokreditë, ku do të kufizohet mosha e klientëve që do të mund të marrin hua pranë këtyre institucioneve, si dhe nuk do të jepet asnjë kredi pa u bërë një analizë e thellë e gjendjes financiare të qytetarëve.
Komente
Lajme të tjera
-
Bum aplikimesh për kreditë për shtëpitë, në 2 muaj u morën 106 milionë euro! Dyfishohen kërkesat në euro
31 Mars, 16:55
-
Tkurrja e euros ‘mposhti’ Bankën e Shqipërisë! Vjet u blenë 932 mln euro por zhvlerësimi nuk ndaloi! Rezerva në shifra rekord
30 Mars, 20:03
-
Mastercard hyn në Shqipëri, Rama: Pagesat elektronike reduktojnë informalitetin: Nga 5 mld euro të ardhura nga turizmi, 4% me kartë krediti! Koha që revolucioni ynë digjital të thellohet
27 Mars, 16:38 -
‘Frikë’ për krizë inflacioni nga lufta me tarifa doganore SHBA-BE! Sejko: Mund të sjellë ulje ekonomike dhe inflacion të lartë! Norma bazë e interesit mbetet 2.75%
26 Mars, 16:57
-
Më shumë investitorë të huaj në Shqipëri! Zgjedhin tregun që nuk “zhgënjen” asnjëherë (Ja shtetet që kryesojnë)
25 Mars, 15:09
-
Mbi 1 mld €! Emigrantët shqiptarë rekord historik! Vjet 'lëshuan' dorën me para për të afërmit, zbutën 8% varfërinë
25 Mars, 14:56
-
Forumi i biznesit/ Sejko: Çdo shqiptar mesatarisht bëri 23 pagesa online vjet, 78% me llogari bankare nga 40% në 2015! Në tetor nis SEPA
20 Mars, 13:06
-
Banka e Shqipërisë çel javën e parasë! Sejko: Sfidë digjitalizimi, duhet të mbrohemi nga keqbërësit
17 Mars, 17:22
-
Jep kredi e mbledh kursime! Banka Shqiptare e Zhvillimit, 51% e aksioneve të shtetit! Kush përfiton
12 Mars, 16:03
-
Bie interesi për euron! Rënia e valutave “tremb” qytetarët, kursime dhe kredi në lekë
12 Mars, 07:32
-
Hapen thirrjet për 530 kredi për blerje banese me 0% interes për punonjësit e administratës publike, MEKI: Sipërfaqe sipas certifikatës familjare
11 Mars, 10:21 -
Më pak interesa, më pak 'borxhe'! Kreditë me probleme bien në nivelin më të ulët historik (VIDEO)
10 Mars, 16:13
