Gjykata e Apelit në Durrës ka liruar nga qelia 8 personat e arrestuar për korrupsion dhe ushtrim të ndikimit të paligjshëm në Autoritetin e Mediave Audiovizive. Vendimi për ndryshimin e masës së sigurisë, nga “arrest në burg”, në detyrim paraqitje, është marë pak ditë më pare për Bledar Karaj, përfaqësuesi i TV kabllor “Brado” në Elbasan, vjehrri i tij Adem Boriçi, Suela Musta, anëtare e Autoritetit të Medias Audivizive, Izmir Hajdari, ish-inspektor i AMA-s, Artan Drazhi, Shkëlqim Sula dhe Ervin Tahiri, pronar i TV kabllor “Tata Junior” Tropojë. I vetmi që ka mbetur në “arrest shtëpie” është Andrea Nathanaili, ish-zyrtar i AMA-s. Personat e mësipërm u zbuluan gjatë përgjimeve në terren nga policia dhe prokuroria e Elbasanit. Vënia në përgjim e Bledar Karaj, me qëllim zbulimin e plagosjes së tij në vitin 2013, në Elbasan, ka nxjerë këtë të fundit dhe zyrtarë të AMA-s në një aferë korruptive në Elbasan dhe Tiranë. Këto përgjime kanë nxjerë të implikuar në korrupsion anëtaren e Autoritetit të Medias Audiovizive Suela Musta dhe dy ish-zyrtarë të AMA-s Andrea Nathanaili dhe Izmir Hajdari, por dhe dy biznesmenë.
Shqiptarja.com disponon të plotë vendimin e gjykatës së Elbasanit. Nga përgjimet telefonike rezulton se, në datën 29 mars 2019, inspektorët e AMA-s kanë ushtruar kontroll në njësinë administrative Bradashesh, në subjektin kabllor “Brado”, në qytetin e Elbasanit. Sapo nga Bledar Karaj është konstatuar se inspektorët kanë qenë në selinë e këtij televizioni, ai ka biseduar me ish-zyrtarin e AMA-s Andrea Nathanaili, duke i thënë se inspektorët kanë shkuar te televizioni. Nathanaili ka komunikuar me anëtaren e bordit të AMA-s Suela Mustën, duke i thënë se inspektorët kanë shkuar për kontroll te subjekti “Brado” në Elbasan dhe i ka kërkuar që të ndërhynte me qëllim largimin e tyre. Nga ana e anëtares së AMA-s, Suela Musta, pasi i kërkohet të dijë se në ç’gjendje është ky subjekt, nëse është i gjobitur apo jo, është marrë përsipër që të ndërhyjë me qëllim largimin e inspektorëve nga ky televizion dhe të mos ushtronin kontroll. Nga përgjimet rezulton se inspektorët e AMA-s kanë ushtruar kontroll në këtë subjekt dhe kanë bërë konstatimet përkatëse.
Ndërsa nga përgjimet telefonike mes Bledar Karajt dhe vjehrrit të tij, Adem Boriçi, konstatohet se subjekti, i cili është në pronësi të Adem Boriçit dhe realisht administrohet nga dhëndërri i tij Bledari, transmetonte në mënyrë të paligjshme, pa kontratat përkatëse me televizionet e licensuara, programe të ndryshme televizive. Nga këto përgjime rezulton se Bledar Karaj dhe Adem Boriçi, në bashkëpunim me njëri-tjetrin, realizonin nëpërmjet televizionit kabllor “Brado” transmetime të paligjshme dhe, duke paguar shuma të ndryshme parash te Andrea Nathanaili, kërkonin prej tij ndërhyrjen tek anëtarët e bordit të AMA-s dhe punonjësve të tjerë të këtij institucioni që të mos pengoheshin në kryerjen e kësaj veprimtarie të paligjshme. Nga përgjimet telefonike rezulton se, pasi inspektorët kanë ushtruar kontroll në subjektin “Brado”, nga ana e ish-anëtarit Andrea Nathanaili, i është kërkuar anëtares së bordit të AMA-s Suela Musta,që të ndërhynte te ndihmonte televizionin.
Emrat
1. Bledar Karaj, përfaqësues i TV kabllor "Brado" në Bradashesh
2. Adem Boriçi, pronar i televizionit privat kabllor "Brado" me frekuencë në Bradashesh/ Licensën e ka marrë në vitin 2011
3. Andrea Nathanaili, ish-Këshilltar në AMA
4. Suela Musta, anëtare e Autoritetit të Medias Audivizive
5. Izmir Hajdari, gazetar dhe ish-inspektor i AMA-s
6. Artan Drazhi, lindur dhe banues në Elbasan,
7. Shkëlqim Sula, u shpall në kërkim
8. Ervin Tahiri, pronar i TV kabllor “Tata Junior”, Tropojë.
Komente
Lajme të tjera
-
Zgjedhjet 2025, ambasadori i OSBE: Thelbësore, liria e zgjedhjes pa frikë! Hetoni presionet dhe shkeljet e fshehtësisë së votës! Celibashi: Partitë të pranojnë problemin
11 Dhjetor, 11:00 -
Numërimi i votave, Celibashi: S’është koha që partitë të ikin! PD kundër numëruesve që vijnë nga administrata: Katastrofale
10 Dhjetor, 15:29
-
Zgjedhjet 2025/ Komisioni i Venecias: Punoni të jenë të lira, OSBE: Depolitizoni administratën zgjedhore! Celibashi: Do të sillte mosnjohje rezultati
10 Dhjetor, 10:23 -
Shqipëri, shqetësim transparenca e financimit në zgjedhje
9 Dhjetor, 20:38 -
OSBE trajnon gjyqtarët dhe prokurorët e ardhshëm mbi trafikimin e qenieve njerëzore
6 Dhjetor, 14:15 -
Merrnin ryshfet për të liruar patentat e pezulluara, Apeli i GJKKO shton dënimet për 7 persona
3 Dhjetor, 09:32 -
Lezhë/ Vranë për hakmarrje biznesmenin në Mamurras, Apeli lë në fuqi 47 vite burgim për 2 autorët! Shkak rrahja dhe ngacmimi i një vajze
26 Nëntor, 12:29 -
Dumani: Në filtër vendimet e Vetingut! Shqetësim gjyqtarët e prokurorët që janë në sistem, ka premisa që kryejnë akte korruptive! Me iniciativën tonë hetojmë të shkarkuarit
25 Nëntor, 10:48 -
Vrasja e Martinit/ Gjendet pranë Gjykatës së Apelit thika, me të cilën u kry krimi! Bashkë me të edhe çanta e shkollës e 14 vjeçarit të arrestuar si autor
22 Nëntor, 21:09 -
OSBE, trajnim punonjësve të Burgjeve për standardet e të drejtave të njeriut
22 Nëntor, 15:44 -
Vrau babanë dhe vëllanë e ish-gruas në Lezhë, Apeli lë në fuqi dënimin burg përjetë për Besnik Pjetrin
21 Nëntor, 15:55 -
'Krimet me armë të lehta ndodhin kudo por në Shqipëri është më i ashpër' Ambasadori i OSBE-së: Siguria nuk është vetëm përgjegjesi e policisë
20 Nëntor, 17:32
