POP 5

Lajmet më të lexuara të 5 minutave të fundit

Kosova & Rajoni

Kosovë, disa të burgosur në
Dubravë, me lloj-lloj privilegjesh

Burgimi do të duhej të ishte dënim dhe shkëputje me botën e jashtme, mirëpo në Kosovë, është e kundërta. Të burgosurit në Dubravë, kanë lloj-lloj privilegjesh.
PRISHTINË - Burgimi do të duhej të ishte dënim dhe shkëputje me botën e jashtme, mirëpo në Kosovë, është e kundërta. Të burgosurit në Dubravë, kanë lloj-lloj privilegjesh, duke nisur nga dalja prej burgut për fundjavë, ndjekja e ligjëratave e deri te luksi i qasjeve në rrjetet sociale, transmeton KTV.
 
I dënuari me 35 vjet burgim, nga Dubrava përmes Facebookut, bën thirrje që të votohet PDK-ja. Është ky Gani Sahiti, vrasësi i drejtorit të arsimit të Komunës së Prishtinës Remzi Salihu. Të gjitha postimet e tij në facebook janë bërë përmes telefonit mobil, e aty përfshihen pos thirrjes për të votuar PDK-në, fotografi të tij me rroba burgu e tjera me shokët e tij të dhomës.
 
Të burgosurit nuk do të duhej të kishin as telefona, por ata i kanë, edhe me Internet ose “wireless”. KTV-ja ka provuar të marrë një përgjigje nga shërbimi korrektues i Kosovës, por Shemsi Hajrizi që është ushtrues detyre i Drejtorit të Përgjithshëm, e as zëvendësi i tij, Bajram Bujupi, nuk kanë pasur kohë të flasin për këtë.
 
Shoqëria Civile ka shumë kritika për këtë. “ Fakti që gjinden mjete të palejuara, të cilat shfrytëzohen nga ana e të burgosurve, brenda burgjeve të Kosovës, është tejet shqetësues, sepse kjo tregon për një brishtësi të sigurisë në këto institucione. Nëse gjenden thika, telefona dhe përdoret interneti nga ana e të burgosurve, kjo tregon që nuk ka një kontroll të duhur. Natyrisht që do të duhej të kishte përgjegjësi nga ana e oficerëve të Shërbimit Korrektues dhe zingjirit komandues”, ka thënë Betim Musliu nga Instituti i Kosovës për Drejtësi.
 
Gani Sahiti ka vrarë Remzi Salihun në zyrën e tij në vitin 2011, pasi sipas tij, i ishte mohuar e drejta për të qenë drejtor i një shkolle fillore
 
Redaksia online
(ac/shqiptarja.com)

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Afera Partizani/ Iu refuzua shfuqizimi i masës së sigurisë, Kushtetuesja zbardh vendimin për Jamarbër Malltezin

Afera Partizani/ Iu refuzua shfuqizimi i masës së sigurisë, Kushtetuesja zbardh vendimin për Jamarbër Malltezin

15 Janar, 18:50