Kosovë, Presidentja nënshkruan
dy ligjet e para të Gjykatës Speciale

Presidentja e Kosovës, Atifete Jahjaga i ka nënshkruar dy Ligjet për Dhomat e Specializuara dhe Zyrën e Prokurorit të Specializuar dhe Ligjin për Mbrojtjen Juridike dhe Mbështetjen Financiare të Personave të Akuzuar Potencial në Proceset Gjyqësore pranë Dhomave të Specializuara, pas një letërkëmbimi të Shefes së Shtetit me Gjykatën Kushtetuese.

Presidentja ka nënshkruar dy ligjet në ditën e fundit të afatit prej tetë ditësh, përpara se ato dy ligje të hynin në fuqi me automatizëm ose të ktheheshin në Kuvendin në rastin më të fundit.

Ndryshe, Presidentja Jahjaga kishte kërkuar interpretim nga Gjykata Kushtetuese për të sqaruar nëse shqyrtimi i kërkesës K0107/15, ndikon në zbatimin e nenit 80 të Kushtetutës, shkruan Gazeta Express.

Deputetja e VV’së, Albulena Haxhiu, në emër të opozitës, kishte dërguar në Gjykatën Kushtetuese kërkesën për vlerësim të vendimit të Kuvendit të Kosovës për të ndryshuar Kushtetutën. Opozita e ka konsideruar se janë shkelur rregullat procedurale kur është ndryshuar Kushtetuta.

Më poshtë mund t’i lexoni letrën e Presidentes Jahjaga dërguar Gjykatës Kushtetuese dhe përgjigjen e Kryetares së kësaj Gjykate, Arta Rama.


Marrë nga Gazeta Ekspres