Kryeministri i Kosovës, Ramush Haradinaj ka reaguar në lidhje me protestën e Lëvizjes Vetëvendosje  për 1-vjetorin e ndarjes nga jeta në burgun e Prizrenit të Astrit Deharit.

Me anë të një postimi në rrjetin social Facebook, kryeministri Ramush Haradinaj ka shkruar se  qeveria do të jetë tërësisht e zotuar që ky rast do të ndriçohet, ndërsa ka theksuar se  do të zbardhet kt rast dhe çdo kërkesë e familjes Dehari do të realizohet.

Statusi i Kryeminisrit Ramush Haradinaj në Facebook:

EDHE UNË JAM ASTRITI

Bashkëndjejë me familjarë, miq, e kolegë të familjes Dehari e poashtu edhe qytetarë të cilët po protestojnë sot në kërkim të ndriçimit të rastit Dehari.

Si Kryeministër, zotohem se Qeveria e Kosovës me kapacitetet e saj do të bëjë gjithçka që ky rast të ndriçohet. Çdo kërkesë e familjes Dehari do të realizohet. Drejtësia për Astritin do të ndodhë!

Redaksia Online
N.M/Shqiptarja.com