Kosova dhe Serbia janë dakordësuar për deklaratën rreth çështjes së personave të zhdukur me dhunë gjatë luftës në Kosovë. Lajmn e bëri të ditur, shefi i politikës së Jashtme të BE-së, Josep Borrell i cili shkruan se marrëveshja e arritur për tekstin e deklaratës për personat e pagjetur është arritur në takimin e djeshëm të dy kryenegociatorëve, Besnik Bislimi dhe Petar Petkoviç.
“Serbia dhe Kosova janë zotuar me Marrëveshjen për rrugën drejt normalizimit dhe aneksin. Bashkimi Evropian pret që të dyja të respektojnë të gjitha obligimet dhe të fillojnë zbatimi sa më shpejt. Palët duhet të shmangin çdo përshkallëzim të mundshëm. Marrëveshja që ata arritën për tekstin e deklaratës për personat e zhdukur gjatë takimit të djeshëm të kryenegociatorëve është hapi i parë. Ne do ta miratojmë atë në nivel liderësh në takimin e ardhshëm të nivelit të lartë”, shkruan Borrell.
Në fund të shkrimit të tij, Borrell thekson se nënshkrimi për këtë marrëveshje pritet të bëhet në takimin e rradhës kurti-Vuçiç që me shumë gjasë mund të mbahet në datën 22 prill, megjithëse ende nuk është konfirmuar.
Një ndër temat në takimin ndërmjet Bislimit dhe Petkoviç, ishte edhe çështja e Asociacionit të komunave me shumicë serbe, çështje për të cdilën kryenegociatorët u shprehën se janë diskutuar hapat konkretë të kësaj marrëveshje.
"Pas kaq vitesh diskutuam për herë të parë hapat më konkretë për formimin e Asociacionit në kuadër të takimit trepalësh. Më saktësisht, çfarë duhet të bëjë ekipi menaxhues e në përputhje me marrëveshjet e vitit 2013 dhe 2015, është e qartë se hapi i parë është prezantimi i statutit të Asociacionit”, tha Petar Petkoviç.
Takimi i kryenegociatorëve të Kosovës dhe Serbisë u mbajt pas tensioneve të reja në veri të Kosovës, ku u dogjën tri vetura me targa “RKS”, ngjarje për të cilën u arrestua një serb. Arrestimi i serbit, ngjalli reagim nga anëtarët e kominutetit me shumicë serbe në veri të Kosovës, të cilët paralajmëruan se nëse bashkëkombasi i tyre nuk lirohet, atëherë do ngrihen në protesta të fuqishme.
Ndërkohë, përfaqësuesit e Bashkimit Europiane kanë bërë thirrje për qetësi duke shpresuar se ngjarjet e ndodhura së fundmi, nuk do të kenë ndikim në çështjet për të cilat janë dakordësuar dy vendet.
Presidentja e Kosovës, Vjosa Osmani në një intervistë për mediat austriake ka thënë se zbatimi i marrëveshjes mes Kosovës dhe Serbisë do t’i afrojë drejt BE-së dhe jo ndaj njëri-tjetrit.
“Jo më afër njëri-tjetrit, por më afër BE-së. Suksesi në procesin e udhëhequr nga BE do të sjellë më shumë stabilitet në rajon. Marrëveshja trajton Kosovën dhe Serbinë si palë kontraktuese për herë të parë. Ajo njeh integritetin tonë territorial në përputhje me Kartën e OKB-së dhe siguron njohjen reciproke të dokumenteve dhe simboleve kombëtare. Më e rëndësishmja, në marrëveshje thuhet se Serbia nuk do ta kundërshtojë më anëtarësimin e Kosovës në organizatat ndërkombëtare.”, tha ajo.
Përfaqësuesi i lartë i Bashkimit Evropian, Josep Borrell ka deklaruar se pajtimi i djeshëm i Kosovës dhe Serbisë për tekstin e deklaratës për personat e pagjetur është hapi i parë drejt përmbushjes së zotimeve që të dy vendet kanë dhënë në marrëveshjet e arritura në Ohër dhe Bruksel.
Ai ka potencuar se do ta miratojnë atë në nivel liderësh në takimin e ardhshëm të nivelit të lartë.
“Marrëveshja që është arritur për tekstin e deklaratës për personat e pagjetur në takimin e djeshëm të kryenegociatorëve është hapi i parë. Ne do ta miratojmë atë në nivel liderësh në takimin e ardhshëm të nivelit të lartë që do të mbledhë.Serbia dhe Kosova u zotuan për Marrëveshjen për rrugën drejt normalizimit dhe aneksin e saj. BE pret që të dyja të respektojnë të gjitha detyrimet prej saj dhe të fillojnë zbatimin sa më shpejt. Palët duhet të shmangin çdo përshkallëzim”, ka shkruar Borrell në Tëitter.
Lajme të tjera
-
Qeveria e re e Serbisë me qëndrime të vjetra ndaj Kosovës
2 Maj, 22:48 -
‘BE sanksionoi Prishtinën për shkak të sjelljes së Kurtit’/ Eksperti në Report Tv: Serbia pret fitoren e Rusisë në Ukrainë për të aneksuar veriun e Kosovës
2 Maj, 21:44 -
Serbia injoron ndërkombëtarët, zgjidhet qeveria e re pas disa orësh debatesh të forta! Vulin “non grata” zv.kryeministër
2 Maj, 19:15 -
Kurti: Kemi përmbushur të gjitha kërkesat e BE-së për heqjen e masave kufizuese
2 Maj, 14:18 -
Rama thumbon Kurtin? Ndërhyrjet në Maqedoni synojnë destabilizim! Lufta për pushtet dobëson dhe përçan faktorin politik shqiptar
2 Maj, 14:04 -
BE planifikon marrëveshje migrimi me Libanin
2 Maj, 10:31 -
'Mëngjesit të 17 majit Kosova anëtarësohet në KiE', Vuçiç sfidon Amerikën: Unë rri dhe pi me Dodikun e sanksionuar
1 Maj, 21:55 -
Dy 'non grata' në qeverinë e Vuçiç, eksperti Elezi: Serbia e rreshtuar kundër SHBA! Vulin, organizator i i disa aktiviteteve të dhunshme në Kosovë
1 Maj, 18:57 -
Vuçeviç: Qeveria e re e Serbisë do të mbajë miqësi me Kinën, Rusinë dhe SHBA-në
1 Maj, 15:37 -
Vulin zv.kryeministër në qeverinë serbe, Nexhat Behluli për Report Tv: Njihet si anti-shqiptar! Ka përdorur etiketime fyese
1 Maj, 12:35 -
Non gratat pjesë e qeverisë së re në Serbi, DASH: Të zhgënjyer! Vuçiç: I kanë zgjedhur qytetarët
1 Maj, 12:16 -
1 Maji, punëtorët në Kosovë protestojnë për kushte më të mira pune
1 Maj, 12:02
