Kosova jashtë agjendës së takimit të KE, Hasani: Mundësi e humbur

Kosova jashtë agjendës së takimit të KE, Hasani: Mundësi e humbur

Igli Hasani

Një mundësi e humbur e quan ministri i Jashtëm Igli Hasani mosshqyrtimin e kërkesës së Kosovës nga Këshilli i Europës ndërsa i bëri thirrje Kosovës të vijojë punën për përmbushjen e zotimeve të ndërmara

"Mosshqyrtimi i kërkesës së Kosovës për anëtarësim sot, një mundësi e humbur. Kosova të vijojë punën për përmbushjen e zotimeve të ndërmara" tha Ministri Hasani pas takimit të Ministrave të Jashtëm të Këshillit të Evropës

Në përfundim të sesionit të 133-të të Komitetit të Ministrave të Këshillit të Evropës, Ministri Hasani u shpreh se pala shqiptare do vijojë përpjekjet e saj për të përmbushur çfarë i detyrohet popullit të Kosovës.

“Shpreha keqardhjen tonë që ky Ministerial nuk ishte në gjendje të shqyrtonte kërkesën e Kosovës për anëtarësim në këtë Organizatë.  Mbështetja dërrmuese e Asamblesë Parlamentare në prill pasqyroi një përkushtim për solidaritet dhe përparim që duhet të ketë zë. Është e nevojshme që edhe qeveria e Kosovës të veprojë menjëherë për përmbushjen e zotimeve të ndërmara”, tha ai.

Teksa shprehu urimet e tij për 75-vjetorin e kësaj organizate, Kryediplomati shqiptar nënvizoi se solidariteti me Ukrainën mbetet parimor në mbrojtje të trashëgimisë dhe vlerave mbi të cilat u ngrit KiE.

“Sa i takon vendit tonë, falë anëtarësimit në këtë Organizatë 29 vjet më parë, Shqipëria ka njohur arritje të jashtëzakonshme në të tre shtyllat e kësaj Organizate, falë ekspertizës, asistencës dhe mbështetjes së një sërë mekanizmash dhe instrumentesh që burojnë nga sitemi i Konventave të Këshillit të Evropës”, deklaroi Ministri Hasani.

Gjatë vizitës së tij në Strasburg, Ministri Hasani zhvilloi edhe një sërë takimesh dypalëshe me homologë të tij nga vendet anëtare të KiE.

S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    EURO 2024/ Fillojnë ndeshjet e fundit, a mendoni se Shqipëria kalon grupin?



×

Lajmi i fundit

Çfarë pritet prej debatit presidencial Biden-Trump?

Çfarë pritet prej debatit presidencial Biden-Trump?