Ministria e Shëndetësisë në Kosovë vendosi që nga 9 dhjetori të fillojë me dhënien e dozës përforcuese dhe dozës së tretë të vaksinës kundër COVID-19.
Në njoftimin e ministrisë thuhet se “doza përforcuese do t’u jepet personave të cilët i kanë marrë dy doza të vaksinës kundër COVID-19, por tek të cilët me kalimin e kohës imuniteti i tyre vjen duke rënë. Doza e tretë do t’u jepet edhe personave të cilët i kanë marrë dy dozat e vaksinës kundër COVID-19, por tek të cilët nuk është zhvilluar imuniteti i duhur”.
Deri më 8 dhjetor në Kosovë rreth 768 mijë qytetarë janë vaksinuar me dy doza apo më shumë se 40 për qind e popullsisë. Rënia e numrit të rasteve të reja të infektimeve, ka bërë që të bjerë edhe interesimi për t’u vaksinuar.
Kosova aktualisht ka shkallën më të ulët të infektimeve dhe vdekjeve nga COVID-19 në rajon, por vazhdon të mbajë kufizime të orarit të punës dhe të lëvizjes së qytetarëve.
Të hënën në Kosovë kanë hyrë në fuqi masat e reja, sipas të cilave personat që hyjnë në Kosovë duhet të kenë dëshminë e vaksinimit të plotë, ose testet negative apo dëshminë që e kanë kaluar koronavirusin. Me masat e reja në fuqi qytetarët nuk do të mund të shfrytëzojnë transportin publik pa dëshmi të vaksinimit të plotë.
Autoritetet thonë se këto masa kufizuese janë të domosdoshme pasi që përhapja e variantin Omicron në vendet evropiane i shton mundësitë që në javët në vijim ai të jetë i pranishëm edhe në Kosovë meqë me afrimin e festave të fundvitit, rritet edhe numri i udhëtimeve.
Masat janë kundërshtuar nga nga shoqata e gastronomëve të Kosovës të cilët kanë kërkuar heqjen e tyre gjatë tri javëve të ardhshme për klubet dhe restorantet për të shfrytëzuar festat e fundvitit, kur një pjesë e madhe e qytetarëve të Kosovës që jetojnë jashtë vendit, kthehen në vendlindje. Me masat aktuale ndalohet veprimtaria e klubeve dhe sallave për dasma.
Të mërkurën në Kosovë u shënuan dhjetë raste të reja të infektimeve. Që nga një dhjetori janë regjistruar gjithsej 66 raste të reja ndërsa një person ka humbur jetën si pasojë e COVID-19.
Instituti Kombëtar i Shëndetësisë Publike ka bërë të ditur se ka dërguar më shumë se 30 mostra jashtë vendit për të verifikuar variantet e koronavirusit që aktualisht janë të pranishëm në Kosovë.
Lajme të tjera
-
Mali i Zi dhe Shqipëria përpara, të tjerët mbeten të bllokuar
16 Dhjetor, 08:39
-
Kualifikueset e Botërorit 2026, Rraklli për Report TV: S'e doja këtë short, Sylvinho të bëjë ndryshime! Leci: Serbia mendjen për telashe, Kosova e ka vështirë
14 Dhjetor, 16:00 -
Demush Shasha: Testi i vitit 2025
12 Dhjetor, 08:54
-
Bislimi akuzon Serbinë se po tenton të ndalë ndihmën e Kosovës për bujqit shqiptarë në Luginën e Preshevës
10 Dhjetor, 21:16 -
Sveçla: Pjesëtarë të Listës Serbe janë të përfshirë në trazira të vazhdueshme në veri
10 Dhjetor, 16:31 -
Këshillit të BE-së i kërkohet që ta shqyrtojë aplikimin e Kosovës për anëtarësim
10 Dhjetor, 16:11 -
Zyrtare/ UEFA i dha fitoren në tavolinë Rumanisë, FFK ankohet në CAS për racizmin e Bukureshtit: Kosova kërkon të drejtën që meriton
5 Dhjetor, 11:40 -
'Problemet me Kosovën' mediat serbe: BE refuzon hapjen e kapitullit të tretë të negociatave me Beogradin
4 Dhjetor, 16:16 -
Kryediplomatja e re e BE-së: Të ulen realisht tensionet ekzistuese Kosovë - Serbi
4 Dhjetor, 16:03 -
Kërkesat për azil në Europë nga shtetasit nga Shqipëria dhe Kosova mbeten të larta
4 Dhjetor, 15:20 -
Renditja e re në FIFA/ Kombëtarja në vendnumëro, mbetet e 65-ta në botë! Kosova shkruan historinë, ndodhet e 99-ta
28 Nëntor, 14:06 -
Shorti i Ligës së Kombeve, Kosova kërkon Ligën B kundër Islandës! Në çerekfinale Itali - Gjermani dhe Holandë - Spanjë
22 Nëntor, 12:21
