Kosova në udhëtim, Foda: Të fitojmë çdo ndeshje për kreun! Amir Rrahmani: Në fushë vetëm për maksimumin

Kosova luan sot në udhëtim kundër Lituanisë në orën 15:00. Dueli vlen për Ligën C në Nations League, me "Dardanët" që kanë një fitore dhe një humbje në dy ndeshjet e para. Në prag të ndeshjes për mediet folën trajneri Franco Foda dhe kapiteni i Kosovës, Amir Rrahmani.

“Secila ndeshje është shumë e rëndësishme dhe nëse duam ta fitojmë grupin duhet të fitojmë secilën prej tyre. Lituania ka pasur performanca të mira, pavarësisht rezultateve jo të mira për ta. I kemi parë dhe analizuar të gjitha ndeshjet e tyre, sidomos ndeshjen me Rumaninë, ku kanë treguar një paraqitje shumë të mirë, por futbolli është i tillë. Dellova por edhe Aliti kanë treguar paraqitje shumë të mira në ndeshjet e fundit, kështu që kemi disa opsione për ndeshjen e nesërme”, tha Foda.

LEXO EDHE:
Kylian Mbappe në qendër të kritikave! Mori pushim te Franca, shihet në club nate

Ndërkohë që kapiteni Amir Rrahmani është besimplotë se të tijtë futen në fushë vetëm për tri pikë.

“Rezultatet e Lituanisë nuk e kanë pasqyruar realitetin e performancës së tyre në fushë, sepse të dyja ndeshjet kanë treguar lojë të mirë, ndeshjen me Qipron e kanë dominuar totalisht. Jemi përgatitur shumë mirë për këtë ndeshje, sepse Lituania është një ekip që luan futboll të mirë dhe ka mbajtje të topit. Duhet të shfrytëzojmë çdo moment, do të zbresim nesër në fushë për fitore”, ka deklaruar Rrahmani.

Lajmi kryesor:

Liga e Kombeve/ Granit Xhaka udhëheq Zvicrën në Serbi, ndeshja spostohet pranë Kosovës! Në fushë Spanja dhe Portugalia

TAG:
• Liga e Kombeve
• Granit Xhaka
• serbia
• Zvicra
• kosova
• uefa