Në Kosovë do të zhvillohen zgjedhjet e parakohshme. Kjo dukej e pashmangshme por tashmë mbi këtë skenar kanë nisur hapat zyrtarë. Presidentja e vendit Vjosa Osmani ka firmosur këtë të enjte shpërndarjen e parlamentit. Vendimin ajo e ka marrë pasi priti krerët e partive politike në zyrën e saj, një ditë pasi GLauk Konjufca dhe kabineti i propozuar prej tij dhe LVV nuk mori votat e mjaftueshme për të ardhur në detyrë si një qeveri e re.

Lidhur me datat, partitë diskutuan 21 dhe 28 Dhjetorin për zhvillimin e zgjedhjeve, por vendimi përfundimtar u shpall publikisht nga Presidentja më vonë.

Më poshtë dekreti i Osmanit për shpërndarjen e legjislaturës

"Zgjedhjet lokale nuk kanë përfunduar akoma, sa i përket procedurës së certifikimit. Para fillimit të fushatës, janë edhe një sërë veprimesh që janë regjistrimi i subjekteve politike dhe koalicioneve, certifikimi i kandidatëve, hedhja e shortit, shpallja e fletëvotimit e veprime të tjera. Për më tepër duhen së paku dy javë hapësirë kohore për të mundësuar votimin jashtë vendit dhe duhet pasur parasysh që sipas ligjit të zgjedhjeve të përgjithshme, shtetasve që jetojnë jashtë vendit, u duhet dhënë së paku 15 ditë afat me qëllim të aplikimit dhe regjistrimit për të votuar. Rrjedhimisht data 28 Dhjetor, është data që kam vlerësuar se mbetet, data e veetme e mundshme" tha Osmani. 

Albin Kurti e kërkoi sipas raportimeve datën 28 që në mbledhjen me kryetarët e partive. Pak orë më pas, në një postim në facebook tha se e mirëpret afat publik të Presidentes. 

 
Bedri Hamza, kryetari i ri PDK tha se demokratët e Kosovës, janë gati të shkojnë në fitore. 

Lajmi në përditësim...

A.I/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 19 Janar, 10:30

    Bojkoti i PD, a duhet t’i vazhdojë PS e vetme zgjedhoren dhe territorialen?

Lajme të tjera