Ministrja e Punëve të Jashtme e Kosovës, Donika Gërvalla, ka njoftuar të hënën se Komiteti Ministror i Këshillit të Evropës, ka marrë vendim që t’ia përcjellë Asamblesë Parlamentare të Këshillit të Evropës kërkesën për anëtarësimin e Kosovës. Sipas Gërvallës, Komiteti që përfaqëson 46 shtetet anëtare të KE-së, mori këtë vendim në një mbledhje të jashtëzakonshme, me më shumë se 2/3 e votave. 33 vota pro, shtatë kundër dhe pesë abstenime ishte rezultati i votimit. Shtatë vendet që votuan kundër ishin Serbia, Azerbajxhani, Gjeorgjia, Rumania, Qipro, Spanja dhe Hungaria. Ndërsa në vendet që abstenuan Greqia, Sllovakia, Moldavia, Ukraina dhe Bosnjë Hercegovina.
“Për shtetin tonë të ri, vendimi i sotëm përbën një hap historik, ndoshta më të rëndësishmin pas pavarësisë sonë. Me këtë vendim përmbyllet një etapë e rëndësishme drejt anëtarësimit të plotë”, shkroi Gërvalla në Facebook, duke shtuar se “mbetet edhe shumë punë për të bërë”.
Pas këtij vendimi ka reaguar Presidentja e Kosovës Vjosa Osmani e cila falenderoi aleatët që votuan në favor të Kosovës.
“Flamuri i Republikës së Kosovës së shpejti do të valojë me krenari në mesin e anëtarëve të Këshillit të Evropës”, shkroi ajo në Tëitter.
Kryeministri Albin Kurti, komentoi këtë votim po ashtu duke thënë se Kosova "do të jetë vlerë e shtuar për Këshillin e Evropës". Kosova ka aplikuar për anëtarësim në Këshillin e Evropës më 12 maj 2022.
Për këtë votim të rëndësishëm kanë reaguar edhe disa prej krerëve të politikës shqiptare, presidenti Bajram Begaj, kryeparlamentarja Lindita Nikolla dhe ministrja e Jashtme, Olta Xhaçka duke uruar që Kosova të jetë sa më shpejt anëtare e KiE me të drejta të plota.
Kërkesa e Kosovës për anëtarësim në këtë institucion është një prej temave edhe në takimin e ministrave të Jashtëm të Bashkimit Evropian dhe sekretares së Përgjithshme të Këshillit të Evropës, Therese Blanche, që po zhvillohet në Luksemburg dhe sipas burimeve diplomatike për mediat e Kosovës, pritet që ky proces i anëtarësimit në KiE të përmbyllet deri në fund të këtij viti.
Delegacioni serb i pranishëm gjatë votimit, ka braktisur sallën menjëherë pasi shumica e vendeve votuan pro anëtarësimit të Kosovës në Këshillin e Evropës, duke deklaruar se Serbia do të shqyrtojë mënyrën sesi do të marrë pjesë në vazhdimësi të këtij organizimi.
Çfarë është Këshilli i Evropës?
Këshilli i Evropës është themeluar më 1949. Kjo organizatë ka realizuar fushata për mbrojtje të fëmijëve, kundër gjuhës së urrejtjes si dhe për të drejtat e romëve, të cilët përbëjnë komunitetin më të madh në Evropë. Këshilli i Evropës u ndihmon vendeve anëtare që të luftojnë korrupsionin dhe terrorizmin, si dhe të kryejnë reformat e duhura gjyqësore. Grupi i saj i ekspertëve për kushtetutë, i njohur si Komisioni i Venecias, ofron këshilla ligjore për shtete të ndryshme në botë. Duke qenë organizatë ndërkombëtare, Këshilli i Evropës nuk mund të bëjë ligje, mirëpo ka aftësi të nxisë zbatimin e marrëveshjeve ndërkombëtare, të arritura nga vendet anëtare për tema të ndryshme. Dy trupat kyçe të Këshillit janë: Komiteti i Ministrave dhe Asambleja Parlamentare.
Komiteti ministror i Këshillit të Europës ka marrë vendimin për t’ja paraqitur asamdblesë parlamentare të këtij institucioni kërkesën e Kosovës për anëtarësim.
Për këtë vendim votuan pro 33 përfaqësues të shteteve, shtatë ishin kundër (Serbia, Azerbajxhani, Gjeorgjia, Rumania, Qipro, Spanja dhe Hungaria), ndërsa pesë abstenuan (Greqia, Sllovakia, Moldavia, Ukraina dhe BeH).
Delegacioni serb u largua nga salla menjëherë pas votimit, me deklaratën se “Serbia do të shqyrtojë modelet e pjesëmarrjes së mëtejshme në organizim”.
Presidenti i Republikës, Bajram Begaj, ka përshëndetur vendimin e Komitetit të Ministrave të Këshillit të Evropës për të kaluar në Asamblenë Parlamentarë çështjen e anëtarësimit të Kosovës,
“Përshëndes vendimin e Komitetit të Ministrave, për kalimin në Asamblenë Parlamentare të kërkesës legjitime të Kosovës për anëtarësim në Këshillin e Evropës. Urime Kosovë dhe sa më shpejt anëtare me të drejta të plota në KiE”, ka shkruar Presidenti Begaj.
“Një ditë e mirë sot për Kosovën në Këshillin e Europës”! Kështu e nis reagimin e tij, ish kryedemokrati Lulzim Basha pasi Komiteti i Ministrave të vendeve anëtare, i dha mbështetje aplikimit të Kosovës në Këshillin e Europës. Sipas tij, ky vendim është një garanci për Kosovën.
“Një ditë e mirë sot për Kosovën në Këshillin e Europës. Komiteti i Ministrave të vendeve anëtare, i dha mbështetje aplikimit të Kosovës në Këshillin e Europës, duke përmbyllur kështu fazën e parë të anëtarësimit të plotë të Kosovës në Këshillin e Europës.
Pas vendimit të shumëpritur të Bashkimit Europian për heqjen e vizave për qytetarët e Kosovës, akti i sotëm hap një faqe te re në marrëdhëniet e Kosovës me institucionet ndërkombëtare.
Kosova në Këshillin e Europës është garanci edhe për ata që kanë pretendime përsa i përket respektimit të të drejtave të njeriut dhe të drejtave të pakicave.
Kosova e pavarur është një realitet i pakthyeshëm në zemër të Evropës. Sa më shpejt që ky realitet të përqafohet nga të gjithë, duke përfshirë edhe Serbinë, aq më mirë do të jetë, para së gjithash, për qytetarët e Kosovës, si serbë ashtu edhe shqiptarë, aq më mirë do të jetë për të ardhmen e gjithë rajonit tonë.
Është koha që dhe shtetet anëtare të Bashkimit Evropian që ende nuk e kanë njohur Kosovën ta hedhin një hap të tillë. Sa më shpejt të ndodh aq më mirë do të jetë për sigurinë dhe stabilitetin e Europës.
Ballkani Perëndimor në NATO dhe EU do të thotë një Europë më e fortë, më e sigurtë dhe më e begatë”, tha Basha.
Kryetarja e Kuvendit, znj. Lindita Nikolla, përshëndet miratimin nga Komiteti i Ministrave i KiE të kalimit në Asamblenë Parlamentare të aplikimit të Kosovës për anëtarësim në Këshillin e Evropës.
“Një lajm i bukur nga Strasburgu. Komiteti i Ministrave miratoi sot kalimin për shqyrtim në Asamblenë Parlamentare të Këshillit të Europës të aplikimit të Kosovës për anëtarësim në Këshillin e Evropës. Kërkesa e Kosoves për t’u anëtarësuar në Këshillin e Europës u miratua me 33 vota, nga 31 vota të nevojshme, për t’u shqyrtuar nga Asambleja Parlamentare.
Një arritje për Kosovën, por edhe për Shqipërinë. Kuvendi i Shqipërisë është përfshirë në një veprimtari intensive lobuese për tia arritur këtij qëllimi. Lobimi do të vazhdojë deri në pranimin e Kosovës në organizatën më të madhe evropiane.”, shkruan kryeparlamentarja Nikolla.
Pasi Komiteti i Ministrave vendosi të pranojë kërkesën e Kosovës për anëtarësim, ministrja e Jashtme Olta Xhaçka tha se ky është një lajm i mirë, si edhe një hap i rëndësishëm për vendin.\
“Lajm i mirë nga Këshilli i Evropës! Komiteti i Ministrave vendosi të pranojë kërkesën e Kosovës për anëtarësim dhe t'ia dërgojë Kuvendit Parlamentar për mendim. Një hap i parë i rëndësishëm për t'i dhënë Kosovës vendin e merituar në Këshill”, shkruan Xhaçka.
Lajme të tjera
-
Grupi i deputetëve italianë: Krah jush drejt BE-së! Përfshihuni në debatet brenda unionit
27 Nëntor, 17:40
-
Shefi i ri i Këshillit Evropian pritet të takojë 6 liderët e Ballkanit Perëndimor më 3 dhjetor
27 Nëntor, 17:03 -
Misioni diplomatik në Bruksel hap dyert për shqiptarët, Rama: Bëhu pjesë e 'Team Albania', kontribuo në anëtarësimin e vendit në BE
27 Nëntor, 16:25 -
Konfirmohet përbërja e re e Komisionit Europian, mandati nis më 1 dhjetor
27 Nëntor, 16:23 -
Rama: Komisioni antikorrupsion do të jetë i përhershëm, pikë referimi për të gjitha institucionet! Do na garantojë suksesin për anëtarësimin në BE
27 Nëntor, 13:05 -
Kosovë/ Stacioni policor në Zveçan sulmohet me dy granata dore
27 Nëntor, 10:50 -
Kolumbi/ Vjosa Osmani pritet me nderime të larta ushtarake në Pallatin Presidencial nga homologu Gustav Petro
27 Nëntor, 10:07 -
Ekonomia gjermane në prag të recesionit
27 Nëntor, 08:54 -
Autobiografia e Merkel: Vetëm anëtarësimi në BE sjell paqe në Ballkan
27 Nëntor, 08:33 -
Dëshmitë e krimit, Kosova bëhet me muze të të mbijetuarve të dhunës seksuale gjatë luftës
26 Nëntor, 22:29 -
Borrell: Europa të zbatojë mandat arrestin për Netanyahun! SHBA të veprojnë si të duan
26 Nëntor, 13:39
-
Tabaku: Ka mbërritur pozicioni negociues për grup-kapitullin 6, të hënën Komisioni i Integrimit mbledhje me dyer të mbyllura!
26 Nëntor, 11:23
