Shtetet e Bashkuara të Amerikës kanë falënderuar Kosovën për vendimin e saj për ta shpallur Gardën Revolucionare Islamike të Iranit (IRGC) organizatë terroriste.

Vlerësimi ka ardhur nga Departamenti Amerikan i Shtetit, konkretisht nga Byroja për Kundërterrorizëm, e cila e cilëson këtë hap si një sinjal të fortë në luftën kundër terrorizmit.

“Faleminderit Kosovës për qëndrimin kundër terrorizmit dhe për shpalljen e IRGC-së si organizatë terroriste”, thuhet në reagimin e DASH në platformën X.

Vendimi i Qeverisë së Kosovës është marrë më 20 prill, duke e futur Garda Revolucionare Islamike në listën e organizatave terroriste në territorin e vendit.

Kryeministri Albin Kurti ka theksuar se ky vendim synon të forcojë bazën ligjore dhe strategjike të Kosovës në raport me sigurinë ndërkombëtare dhe luftën kundër terrorizmit.