Pas 4 ndeshjeve miqësore Kosova merr fitoren e parë në histori përballë Omanit. Ekipi i drejtuar nga Albert Bunjaku zhvilloi ndeshjen miqësore përballë Omanit në stadiumin e Prishtinës nën interesimin maksimal të tifozëve, të cilët ishin mbi 10 mijë në mbështetje të ekipit të tyre të zemrës.

Ndeshja ishte pozitive për përfaqësuesen më të re në Europë, teksa golin e vetëm e shënoi Loret Sadiku në minutën e 85 me penallti. Mbrojtësi që luan në Turqi dhe që është në orbitën kuqezi u tregua i saktë përpara portierit të Omanit duke dërguar topin në rrjetë dhe shënuar emrin në librin e artë të futbollit kosovar si i pari futbollist, i cili me golin e tij i siguroi vendit të tij fitoren e parë.


d.b/shqiptarja.com