Kosovë, Albin Kurti shpall fitoren, Lëvizja VV partia e parë me 25.81%

Në Kosovë Lëvizja Vetëvendosja e Albin Kurtit, kryeson në rezultatet e zgjedhjeve të parakohshme që u zhvilluan ditën e djeshme. Sipas KQZ, ndërsa janë numëruar rreth 95% e votave, ajo ka siguruar 25.81%, e ndjekur nga Lidhja Demokratike e Kosovës me 25.07%. Lideri i VV Albin Kurti, para mijëra përkrahësve dhe simpatizantëve të mbledhur në sheshin “Skënderbeu” në Prishtinë, shpalli fitoren duke folur si Kryeministri i ri.

Kurti fillimisht falenderoi popullin e Kosovës duke thënë se ata do ta shpëtojnë shtetin nga kapja. Ai premtoi se me qeverinë e re që do të krijohet nuk do të ketë më nga ata që ai I quajti hajna dhe se ata do të hetohen, gjykohen dhe dënohen nga drejtësia dhe shoqëria.

I duartokitur me ovacione nga pjesëmarrësit Kryeministri i  ri projektuar I Kosovës siguroi se nuk do të ketë më njerëz që pasurohen brenda natës dhe se të gjithe  do te jenë të barabartë

Lideri I VV gjithashtu përgëzoi LDK dhe në veçanti kandidaten Vjosa Osmani, që sipas tij dha një model për shumë gra dhe vajza shqiptar. Kurti gjithashtu tha se ditën e sotme do të nisin negociatat me LDK për krijimin e një shumice parlamentare dhe qeverinë e re të Kosovës.

Kandidati i koalicionit AAK-PSD, Ramush Haradinaj, ka qenë i pari që ka dalë në konferencë për media për të pranuar humbjen. Ai falendroi popullin e Kosovës për pjekurinë e treguar dhe tha se dorëheqja nga posti i Kryeministrit ishte vendim i duhur. Edhe Kadri Veseli, kreu I PDK-së, duke pranuar humjen tha se pas 12 vite në pushtet, ai dhe partia që drejton do të kalojë në opozitë.

Në zgjedhjet e ditës së djeshme u ftuan për të votuar 1.9 milion qytetarë, prej të cilëve vetëm 43.22% u shprehën për zgjedhjen e 120 deputetëve të rinj të legjislaturës së shtatë të Kuvendit të Kosovës.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Atentat në Memaliaj, avokati Andrea Zotaj i shpëton breshërisë së kallashnikovit

Atentat në Memaliaj, avokati Andrea Zotaj i shpëton breshërisë së kallashnikovit