POP 5

Lajmet më të lexuara të 5 minutave të fundit

Opinion

Kosovë pa Albinin ka, pa Amerikën jo!

Në fakt nuk do të duhej të kishte një raport përjashtues mes një kryeministri të zgjedhur me votat e qytetarëve kosovarë dhe garantit më të madh të vetë egzistencës së Kosovës shtet të pavarur, Shteteve të Bashkuara të Amerikës.

Kosovë pa Albinin ka, pa Amerikën jo!

Albin Kurti

Në fakt nuk do të duhej të kishte një raport përjashtues mes një kryeministri të zgjedhur me votat e qytetarëve kosovarë dhe garantit më të madh të vetë egzistencës së Kosovës shtet të pavarur, Shteteve të Bashkuara të Amerikës. Ja që edhe kjo përzirje e çuditshme, që konceptohej si e pamundur, mund të egzistojë në teatrin absurd të ngjarjeve të fundit mbi lumin Ibër. Ja që mund të ndodhë edhe ky aberracion gjeo-strategjik, kur vetë kryeministri i Kosovës i quan zyrtarët më të lartë amerikanë “naivë” dhe kur artikulon qetë dhe hapur idenë se shteti i tij mund t’ja dalë përballë Serbisë edhe pa ndihmën e ushtarëve të vendeve perëndimore! Paçka se është po ky kryeministër që në harkun e pak orëve e kthen pllakën, e fillon t’i lutet kujtdo në Perëndim që të thotë një fjalë për policët kosovarë të rrëmbyer nga serbët!

Në harkun e pak orëve Kosova po e provon konkretisht dhe në “lëkurën” e saj se sa sfidues dhe i komplikuar është sovraniteti e pavarësia ëndërrimtare e jashtë çdo lloj logjike, që kryeministri Albin Kurti po kërkon të arrijë, edhe prej perëndimorëve që e krijuan shtetin kosovar. I ka shpërfilluar ata duke mos ju dëgjuar thirrjet e përsëritura për paqe e dialog, ka heshtur kur dhjetra ushtarë të KFOR janë plagosur në emër të mbajtes me dhunë nëpër zyra të kryekomunarëve të tij, ka predikuar një Kosovë që papritmas duhet të jetë e baraslarguar nga të gjithë. Nga serbët po e po, por edhe nga ata që e themeluan me forcën e armëve në 1999.

Sovraniteti foshnjor që Albin Kurti kërkon sot prej Perëndimit i ka dhëmbët prej qumështi. Sepse një përplasje shfaqet në horizont në Veri a diku tjetër dhe menjëherë nisin thirrjet për ndihmë të qeverisë në Prishtinë.

Ajo që po ndodh me krizën e komunave po afirmon edhe një herë një koncept sa të thjeshtë aq edhe egzistencial për shtetin më të ri të Evropës: Kosovë pa Amerikën nuk ka! Ndërsa pa kryeministrin e radhës padyshim që ka e do të ketë. Aq e vërtetë është kjo saqë mjafton të shohësh sesi gjenerata e luftës gjendet sot para gjyqit, e megjithatë shteti vazhdon të egzistojë sepse mbrohet me bazat ushtarake e armët e Perëndimit. Kaq i thjeshtë është edhe naiviteti i hallakatjes së qeverisë aktuale në Prishtinë nëpër kallamishtet e sovranitetit të plotë dhe të pakushtëzuar.

G.MO/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Gjergj: 19/06/2023 15:52

    Mjerè kjo Shqipèria jonè pèr mèndjen e Minxhozève qè ka. Nè botèn Minxhozèse, komunikimi ndèrshtetèror, funksionon vetèm si nè Shqipèri, ku shqiptarèt, rrihen si nè mesjetè nè pikat kufitare, nga policè serbè e grekè,dhe qeveria HESHT. Asnjè fjalè nuk shpenzojnè Minxhozèt, pèr gjèndjen qesharake tè republikès sonè, pèr shkak tè hajdutèrisè sè qeverisè dhe administratès sè saj. Njè Shqipèri, qytetarèt e sè cilès rrezikojnè jetèn pèr tè hipur nèpèr gomone e maune, pèr tè ikur nga realiteti i Minxhozève, qè si qèllim tè tyre, kanè ruajtjen e Statusquosè. Marrèdhèniet me SHBA na i dèmtoka Albin Kurti. Ikni ore aman, ikni. Askush nuk dèmton marrèdhèniet me SHBA, vetèm pse pèrpiqet me tè gjitha mundèsitè, tè artikullojè njè qèndrim tjetèr politik, pèr tè mirèn e popullit tè tij. Amerika, nuk funksionon si Minxhozèt,,pèr fat. Bota e servilit hajdut, qè vret tè vetin dhe lèpin ambasadorin e huaj, èshtè ajo qè kemi ne nè Shqipèri. Tè quash diçka tè tillè, tipike pèr diktatorèt e botès afrikane, si "raport i shèndoshè mes shtetesh",èshtè perversion dhe degjenerim total. Ai qè nuk vjedh popullin e tij,,e ka luksin tè ketè mendimin e tij edhe nè raportet me SHBA. Çdo gjè tjetèr, èshtè hipokrizi.!!!

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Perëndimi: Vendimet e Parlamentit të Republikës Sërpska kërcënojnë rendin kushtetues të Bosnjës

Perëndimi: Vendimet e Parlamentit të Republikës Sërpska kërcënojnë rendin kushtetues të Bosnjës

25 Dhjetor, 15:03