POP 5

Lajmet më të lexuara të 5 minutave të fundit

Kosova & Rajoni

Kosovë, qeveria do të strehojë pesë gazetarë afganë

Kosova do të strehojë për dy vjet pesë gazetarë afganë, të cilët po ikin nga persekutimi në shtetin e tyre. Atyre do t’iu mundësohet që të vazhdojnë punën e tyre nga Kosova.

Kosovë, qeveria do të strehojë pesë gazetarë afganë

Prezantuese afgane e Tolo News, foto nga Omar Sobhani, Reuters

Kosova do të strehojë për dy vjet pesë gazetarë afganë, të cilët po ikin nga persekutimi në shtetin e tyre. Atyre do t’iu mundësohet që të vazhdojnë punën e tyre nga Kosova.

Qeveria e Kosovës, më 28 dhjetor, ka miratuar buxhetin prej 30 mijë eurosh për strehimin e afganëve.

“Kjo shumë mbulon shpenzimet për periudhën e mbetur të vitit 2022. Identifikimi dhe përzgjedhja e gazetarëve do të bëhet nga Federata Evropiane e Gazetarëve dhe Qendra Evropiane për Liri të Shtypit dhe Medias, në bashkëpunim me Qeverinë e Kosovës”, tha zëvendësministri i Punëve të Jashtme dhe Diasporës, Kreshnik Ahmeti.

Përveç buxhetit për strehimin e tyre, Qeveria miratoi edhe kërkesën për mbrojtjen e përkohshme për gazetarët afganë.

Ky është projekti i dytë që Ministria e Punëve të Jashtme dhe Diasporës po realizon për gazetarët e huaj. Strehim dhe kushte të njëjta u është ofruar edhe gazetarëve nga Ukraina, pas nisjes së pushtimit rus.

Pasi në gusht të vitit të kaluar, talibanët rimorën pushtetin, Kosova pranoi kërkesën e Shteteve të Bashkuara për strehimin e refugjatëve afganë, që ishin të rrezikuar nga talibanët.

Kosova ka strehuar përkohësisht 1.893 refugjatë afganë dhe më pas ata janë dërguar në SHBA dhe në shtete të tjera./REL

S.C/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Dita e parë në detyrë e kreut të Pentagonit, paralajmëron ndryshime të thella

Dita e parë në detyrë e kreut të Pentagonit, paralajmëron ndryshime të thella

27 Janar, 18:02