POP 5

Lajmet më të lexuara të 5 minutave të fundit

Arkiva

Kosovë-Thaçi: Qeveri e vullnetit të qytetarëve, Misioni i Ri nisi

  PRISHTINË,  5  Korrik /ATSH-B.Jashari/.-Kryeministri kosovar, Hashim Thaçi, partia e të cilit doli fituese e zgjedhjeve të 8 qershorit, një ditë pas çertifikimit të rezultatit nga KQZ, paralajmëron qeverinë e re të vullnetit të qytetarëve, se Misioni i Ri ka nisur tashmë me ndërtimin e autostradës drejt Shkupit. “Pas çertifikimit të rezultatit zgjedhor nga KQZ, […]
 
PRISHTINË,  5  Korrik /ATSH-B.Jashari/.-Kryeministri kosovar, Hashim Thaçi, partia e të cilit doli fituese e zgjedhjeve të 8 qershorit, një ditë pas çertifikimit të rezultatit nga KQZ, paralajmëron qeverinë e re të vullnetit të qytetarëve, se Misioni i Ri ka nisur tashmë me ndërtimin e autostradës drejt Shkupit.
"Pas çertifikimit të rezultatit zgjedhor nga KQZ, u vërtetua fitorja madhështore e Partisë Demokratike të Kosovës dhe projektit Misioni i Ri. Ndihem krenar si kryeministër i vendit dhe si kryetar i PDK-së që këto zgjedhje ishin më të mirat të organizuara në Kosovë", shprehet Thaçi.
Po ashtu, Thaçi tha se "në ditët e ardhshme presim konstituimin e Kuvendit te ri dalur nga zgjedhjet. Edhe njëherë dua t'i siguroj të gjithë qytetarët e Kosovës që kanë përkrahur Misionin e Ri se me vendosmërinë më të madhe do të punojmë si qeveri e re, në përputhshmëri me vullnetin e qytetarëve të Kosovës dhe me vendimin e Gjykatës Kushtetuese".
Sipas rezultatit përfundimtar të zgjedhjeve të parakohshme parlamentare në Kosovë, të çertifikuar të premten pasdite nga KQZ, koalicioni i PDK-së ka 30,38 % të votave - 37 deputetë ,  ndërsa LDK 25,24 % - 30 deputetë, Lëvizja Vetëvendosje 13,59 % - 16 deputetë, AAK 9,54% - 11 deputetë,  Nisma për Kosovën 5,15% - 6 deputetë.
Nga subjektet e komuniteteve pakicë,  Lista Srpska (Srpska Lista) ka 5,22%  të votave - 9 deputetë,  Partia Demokratike Turke e Kosovës (Kosova Demokratik Türk Partisi) 1,02% - 2 deputetë, Koalicioni Vakat i komunitetit boshnjak (Koalicija Vakat) 0,89% - 2 deputetë.
AKR me 4,67 % të votave nuk kalon pragun 5% për të hyrë në Kuvendin e Kosovës. /i.v//a.ke/
 

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

I shpallur në kërkim ndërkombëtar, arrestohet 34-vjeçari në Britani! GJKKO i kishte vënë masën 'Arrest në burg' për grup të strukturuar kriminal (EMRI)

11 Janar, 19:27