POP 5

Lajmet më të lexuara të 5 minutave të fundit

Kosova & Rajoni

Kosovë, Vuçiç-serbëve: Po ju gënjejnë, nuk është e vërtetë se dua të ndryshoj kufijtë

Kreu i shtetit serb duke iu drejtuar bashkëkombësve të tij në Mitrovicën e Veriut tha se nuk është e vërtetë se ai do ndryshimin e kufijve. Vuçiç deklaroi se serbët po i gënjejnë. 
Kosovë, Vuçiç-serbëve: Po ju gënjejnë, nuk është e vërtetë se dua të ndryshoj kufijtë

Aleksandar Vuçiç në Mitrovicën e Veriut

Presidenti i Serbisë, Aleksandar Vuçiç, në ditën e dytë të vizitës në Kosovë po qëndron në Veri të Mitrovicës, ku në Sheshin "Shumadia", iu drejtua qytetarëve serbë me një fjalim. Kreu i shtetit serb duke iu drejtuar bashkëkombësve të tij tha se nuk është e vërtetë se ai do ndryshimin e kufijve. Vuçiç deklaroi se serbët po i gënjejnë. 

“Kur po ju thojnë që dua t’i ndryshoj kufijtë nuk është e vërtetë. Dua të ruaj gjithçka që është e mundur në Kosovë, pasi situatën nuk e kemi njëjtë si para 30 viteve. Kur luftoi Serbia kundër NATO-së në vitin 1999, kemi humbur pasi kemi qenë të dobët. Kemi humbur shumë territor këto 60 vitet e fundit… 

Aleksandar Vuçiç, president i Serbisë

Presidenti serb tha se nuk do të ketë marrëveshje finale Kosovë-Serbi deri në fund të vitit. “Është gënjeshtër dhe s’na bie ndërmend një gjë e tillë, sa i përket asaj që po thonë që deri ne fund te vitit do të arrihet marrëveshje finale”, tha ai. Më tej ai pyeti, “a duam marrëveshje me shqiptarët, apo veç agoni? A kemi me shqiptarët një marrëveshje të tille…?”.

Vuçiç në fjalimin e tij fillimisht u ka kërkuar falje banorëve të Banjës në Skënderaj të cilët nuk i vizitoi sot këtë të diel. Mirëpo premtoi që kur të vijë herën tjetër do t’i vizitojë. Ai tha që ka guxim të luftojë për popullin e vet për një të ardhme më të mirë. “Do të bëj gjithçka. Le të më quajnë tradhtar. Dy gjëra nuk do t’i bëj, nuk do ta gënjej popullin tim dhe nuk do të punoj kundër shtetit tim”.

Më tej ai shprehu shqetësimin e tij për natalitetin e ulët të popullsisë serbe. 

Nuk po lindim sa duhet, po vdesim shumë. Po i braktisim trojet, kemi mbetur këtu më të fuqishmit. Nuk do t’ju premtoj municion dhe armatim, por ju premtoj që municionin dhe armatimin nuk do ta përdorë askush. Këtë po e them që të keni shkolla dhe të rrisni fëmijë e të jetoni këtu në Kosovë. 

Aleksandar Vuçiç, president i Serbisë 

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

'Ne blejmë më shtrenjtë se qytetarët e BE', deputetja e PL-së: Shëndeti i shqiptarëve kërcënohet si nga prodhimi vendas dhe ai i importit

'Ne blejmë më shtrenjtë se qytetarët e BE', deputetja e PL-së: Shëndeti i shqiptarëve kërcënohet si nga prodhimi vendas dhe ai i importit

26 Dhjetor, 12:40