Të dielën më 23 prill zhvillohen në Kosovë zgjedhjet e jashtëzakonshme për kryetar të komunave të Mitrovicës së Veriut, Zubin Potokut, Leposaviqit dhe Zveçanit. Vetë Komisioni Qendror i Zgjedhjeve (KQZ) ka bërë të ditur, se janë marrë të gjitha masat e nevojshme që të zhvillohen zgjedhjet në të katër komunat. Numri i përgjithshëm i qendrave të votimit në këto komuna është 19 gjithsej, bëhet e ditur nga KQZ.
Policia e Kosovës po ashtu ka bërë të ditur në një deklaratë, se ka marrë të gjitha masat e duhura për mbarëvajtjen e zgjedhjeve dhe garantimin e votës së lirë në bashkëpunim me institucionet përkatëse. "Qëllimi i këtyre planifikimeve dhe koordinimeve është implementimi i planit operativ policor, ku Policia e Kosovës synon krijimin e një ambienti të sigurt dhe të qetë për të gjithë qytetarët e Republikës së Kosovës, para, gjatë dhe pas procesit të zgjedhjeve", thuhet në deklaratën e Policisë së Kosovës.
Lista Serbe: Nuk duhet të biem pre e provokimeve të regjimit të Albin Kurtit
Problem mbetet mospjesëmarrja në zgjedhje e Listës Serbe, e cila ditën e premte bëri edhe njëherë thirrje për bojkotim të zgjedhjeve. "Të gjitha qendrat e votimit më 23 prill duhet të mbeten bosh", ka kërkuar Lista Serbe. Në deklaratën e saj thuhet se "nuk duhet të biem pre e provokimeve të regjimit të Albin Kurtit". Por autoritetet e Prishtinës kanë qenë të vendosura për mbajtjen e zgjedhjeve në veri, megjithë refuzimin e Listës Serbe. Më parë kryeministri i Kosovës, Albin Kurti refuzimin e Listës Serbe për të marrë pjesë në zgjedhjet lokale e ka komentuar si "shenjë e kontrollit të Beogradit mbi partinë dhe e ndërhyrjes së vazhdueshme në punët e brendshme të Kosovës”.
Megjithatë ka dyzime për zhvillimin e zgjedhjeve nga organizatat joqeveritare që monitorojnë zgjedhjet. Sipas tyre rrethanat aktuale nuk e mundësojnë organizimin dhe mbajtjen e zgjedhjeve në veri të Kosovës, ashtu si kërkohet në përputhje me standardet për zgjedhje të lira. "Në Mitrovicë të Veriut dhe Zubin Potok, ku komuniteti serb përbën mbi 90 për qind të popullsisë, nuk është regjistruar asnjë kandidat nga radhët e komunitetit serb. Demokracia në Veprim vlerëson se kjo situatë mund të cenojë legjitimitetin e institucioneve që do të dalin nga zgjedhjet, pasi nuk garanton përfaqësim të drejtë të komunitetit serb”, është theksuar në një reagim publik të mëparshëm të organizatës joqeveritare, Demokracia në Veprim (DnV)./DW
Komente
Lajme të tjera
-
Presidentja Osmani: NATO mbetet aleat i pazëvendësueshëm, anëtarësimi prioritet strategjik për Kosovën
24 Nëntor, 11:35 -
Specialistja e Departamentit amerikan të Tregtisë: SHBA të interesuara të thellojnë bashkëpunimin me Kosovën për energjinë e pastër
23 Nëntor, 19:13 -
Diplomati amerikan: Dialogu Kosovë-Serbi nuk do të jetë prioritet për administratën e Trumpit
23 Nëntor, 08:50 -
‘S’është koha për bashkim me Shqipërinë’, Kurti: Qëllimi i Serbisë është hakmarrja, duhet të jemi të përgatitur për këtë
22 Nëntor, 10:32 -
Kimete Berisha: E vetmuar, si dhelpra!
21 Nëntor, 21:31
-
‘Janë të pavërteta’, Policia e Kosovës mohon se e ka kaluar kufirin me Serbinë
21 Nëntor, 20:12 -
Osmani kritika Kurtit: S’mund të luajmë bixhoz me partnerët, cenohet mbrojtja e Kosovës! Askush s’ia ka dalë vetëm
21 Nëntor, 11:35 -
Qeveria e Kosovës akuzon Serbinë për legjitimim të diskriminimit të shqiptarëve
20 Nëntor, 21:37 -
Policia e Kosovës aksion në veri të vendit, gjen armë dhe uniforma ushtarake
20 Nëntor, 21:09 -
Kosovë-Shqipëri përmbyllin edicionin e tretë të Javëve Kulturore Ndërkombëtare! Zbuloni aktivitetet që do të organizohen nga data 21 deri më 30 Nëntor
20 Nëntor, 19:06 -
Thirrjet 'Serbi, Serbi', Armando Duka del kundër Kosovës: Gabuan që bojkotuan ndeshjen
20 Nëntor, 12:58 -
Kimete Berisha: Me Mickovskin kundër gjuhës shqipe
20 Nëntor, 11:20
Dua qe te bashkoje presheva bujanoci shqiptare te serbise shqiptare vojvodine shqiptare serbnecka shqiptare te cameris shqiotare te qipros shqiptare te rusise shqiptare hungaria shqiptare te bulllgaris shqiptare maqedonise shqiptare malizi
Përgjigju