POP 5

Lajmet më të lexuara të 5 minutave të fundit

Kosova & Rajoni

Shpallet rezultati përfundimtar i zgjedhjeve në Kosovë, Vetëvendosje prek gati 50%! Vjosa Osmani më e votuara

Komisioni Qendror i Zgjedhjeve shpalli  rezultatet përfundimtare të zgjedhjeve të parakohshme për Kuvendin e Republikës së Kosovës, të mbajtura me 14 Shkurt, ku kryeson bindshëm Vetëvendosja.

Zgjedhjet e 14 Shkurtit në Kosovë prodhuan rezultate historike duke bërë të mundur që Lëvizja Vetëvendosje e Albin Kurtit të marrë më shumë vota se çdo parti tjetër në historinë  e vendit dhe Vjosa Osmani zyrtarisht është njeriu më i votuar në historinë e zgjedhjeve në Kosovë që prej kur ato organizohen me lista të hapura. 38-vjeçarja që mban pozitën e ushtrueses së detyrës së Presidentit, në zgjedhjet e 14 shkurtit ka marrë besimin e gjithsej 300 mijë e 788 votuesve . Para Osmanit rekordin për numrin më të madh të votave e mbante ish-presidenti i ndjerë dhe themeluesi i LDK-së Ibrahim Rugova.

Rezultatet përfundimtare të zgjedhjeve janë bërë të ditura nga Komisioni Qëndror i zgjedhjeve i cili shpalli rezultatin në ditën e sotme.

“Numri i votuesve 814 mijë e 122 votues. Numri i votuesve 89 mijë e 257 votues jashtë kutive të votimit. Pjesëmarrja në votime 48.77%. Lëvizja Vetëvendosje ka marr 438 mijë e 334 vota, PDK’ja 148 mijë e 296 vota dhe e treta ka përfunduar Lidhja Demokratike e Kosovës me 110 mijë 978 vota, AAK’ja 62 mijë e 111 vota. Lista Serbe 44 mijë e 404 vota”, tha Valdete Daka.

Në këto zgjedhje Lëvizja Vetëvendosje ka siguruar 58 deputetë, 19 PDK, 15 deputetë LDK, AAK 8 mandate, 10 deputetë Lista Serbe , 10 deputetë për partitë e etniteteve të tjerë.  Nëse subjektet partiake kanë ankesa mund të paraqesin ankesat e tyre pranë PAZP-së brenda 24 orëve.

Për formimin e qeverisë Albin Kurtit i duhen të paktën 61 vota, ndërkohë që për zgjedhjen e presidentit të ri do të ketë nevojën e një koalicioni më të gjerë.

Rendit zhvillimet sipas orarit:
Ora 11:44
Kosovë, Vjosa Osmani shkruan historinë, personi më i votuar ndonjëherë

Drejtuesja e iniciativës “Guxo” dhe kandidatja e Lëvizjes Vetëvendosje për presidente, Vjosa Osmani, edhe zyrtarisht është njeriu më i votuar në historinë e zgjedhjeve në Kosovë që prej kur ato organizohen me lista të hapura. 38-vjeçarja që mban pozitën e ushtrueses së detyrës së Presidentit, në zgjedhjet e 14 shkurtit ka marrë besimin e gjithsej 300 mijë e 788 kosovarëve.

Para Osmanit rekordin për numrin më të madh të votave e mbante ish-presidenti i ndjerë dhe themeluesi i LDK-së Ibrahim Rugova,

Në vitin 2001, Lidhja Demokratike e Kosovës mori 359 mijë e 851 vota apo 45.65 % që ishte përkthyer në 47 deputetë në Kuvendin e Kosovës. Rugova në atë kohë la pas Hashim Thaçin me Partinë Demokratike të Kosovës që kishte marrë 202 mijë e 622 vota dhe Ramush Haradinajn që me AAK-në kishte marrë afro 62 mijë vota.

Një rekord të tillë votash Osmani e ka marrë pas përplasjeve konsekuente që ka pasur me kreun e LDK’së, Isa Mustafën, dhe pas vendimit që përfundimisht t’i ndajë rrugët me partinë ku kishte nisur karrierën e saj politike e që së fundi ia kishte dhënë edhe besimin për të kandiduar për kryeministre.

Si kandidate e LDK’së për kryeministre, Vjosa Osmani, kishte humbur zgjedhjet e 6 tetorit përballë kundër kandidatit të VV’së, Albin Kurti.

Ora 11:43
Deputetët më të votuar në zgjedhjet e 14 shkurtit

 

Në zgjedhjet e 14 shkurtit personi më i votuar ka rezultuar Vjosa Osnami e cila ka siguruar 300 788 vota, i dyti renditet Glauk Konjufca me 200 641 vota, i treti rendit Arben Vitia me 107 813 vota, të gjithë pjesë e listës së Vetëvendosjes.

Nga Partia Demokratike e Kosovës, më i votuari është Enver Hoxhaj me 100 518 vota, ndërkohë që të zgjedhurit e tjerë kanë një diferencë të konsiderueshme me kreun e partisë.

Në LDK më i votuari është kryeministri në largim Avdullah Hoti, i cili ka marrë vetëm 69 640 vota, shumë më pak seç pritej.

Kreu i AAK-së Ramush Haradinaj ka marrë 41 406 vota i ndjekur nga i vëllai i tij Daut Haradinaj.

Kryetarja e Komisionit Qendror të Zgjedhjeve (KQZ), Valdete Daka ka njoftuar se fituese e zgjedhjeve të 14 shkurtit ka dal Lëvizja Vetëvendosje me  438 mijë e 334 vota.

Pas VV’së, partia e dytë më e votuar doli të jetë Partia Demokratike e Kosovës me 148 mijë e 296 vota dhe e treta ka përfunduar Lidhja Demokratike e Kosovës me 110 mijë 978 vota

Ora 11:23
Vjosa Osmani deputetja më e votuar në zgjedhjet e 14 Shkurtit, Lista Guxo merr 6 deputetë

Ushtruesja e detyrës së presidentes së Kosovës, Vjosa Osmani ka arritur që të jetë personi më i votuar në Kosovë në zgjedhjet e 14 Shkurtit duke siguruar 300 mijë e 788 vota.  Në listën e 58 deputetëve të Lëvizjes Vetëvendosje gjashtë kandidatë nga Lista e Vjosa Osmanit kanë fituar mandatin në legjislaturën e tetë. Përveç Osmanit janë zgjedhur edhe Donika Gërvalla 71 mijë e 720 vota, Haxhi Avdyli 26 mijë e 630 vota, Faton Peci 25 mijë e 307 vota, Doarsa Kica 10 mijë e 604 vota dhe Jeta Statovci 9 mijë e 410 vota.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça