Komisioni i Pavarur i Kualifikimit ka përjashtuar nga sistemi i drejtësisë për 15 vite ish-gjyqtarin e Apelit, Alaudin Malaj. Kolegji i Posaçëm i Apelimit la në fuqi vendimin e shkallës së parë të vettingut për ish- gjyqtarin.

Në korrik të 2020 Malaj u dorëhoq si gjyqtar pa u përballur me vettingun, me argumentin se do angazhohej në një punë private dhe kërkon ti njihet statusi magjistratit. Në 15 shtator kërkesa e tij për dorëheqje u pranua nga Komisioni i Pavarur i Kualifikimit dhe trupa e përbërë nga Etleda Çiftja, Suela Zhegu dhe Roland Ilia vendosi ndërprerje të procesit të rivlerësimit.

Alaudin Malaj ka një karrierë prej gati tre dekadash në sistemin e drejtësisë dhe para se të dorëhiqej ishte drejtues i Gjykatës së Apelit të Tiranës. Me një pasuri të deklaruar prej 1.7 milionë euro, ai konsiderohej një nga gjyqtarët më të pasur në vend.

Pak kohë më parë Malaj u përfshi dhe në një konflikt familjar me djemtë e tij, ndërsa pas ndalimit nga policia ndaj tij u vendos masa hetimit në gjendje të lirë.