POP 5

Lajmet më të lexuara të 5 minutave të fundit

Arkiva

KQZ, dilema për mediat:Monitorim
sipas koalicioneve apo partive

KQZ-ja është vënë në vështirësi sot për të vendosur lidhur me kohën e kompensimit që mediat duhet t’u japin subjekteve politike në bazë të të dhënave të Bordit të Medias, që kishte monitoruar kohën televizive në bazë të koalicioneve dhe jo partive. 
TIRANË – Komisioni Qëndror i Zgjedhjeve është vënë në vështirësi sot për të vendosur lidhur me kohën e kompensimit që mediat duhet t’u japin subjekteve politike në bazë të të dhënave të Bordit të Medias. Bordi i Medias kishte monitoruar kohën televizive në bazë të koalicioneve, por kjo ishte në kundërshtim me ligjin, siç u shpreh anëtari i KQZ-së, Klement Zguri, sepse duhej matur koha e çdo partie. Anëtarja e KQZ-së, Shtjefni, nga ana e saj sugjeroi që propozimet e ardhura njëzëri nga Bordi, të miratoheshin, në kushtet kur Komisioni nuk ishte në gjendje teknikisht t’i verifikonte të dhënat, kurse propozimeve të bëra nga pak anëtarë, t’u jepej më shumë kohë për shqyrtim.    
 
“Nuk është se kemi shumë mundësi për të verifikuar teknikisht të dhënat e monitorimit, por Bordi ka bërë punë kolosale dhe unë besoj në punën e tij. Problematika dhe ndoshta diskutimi do jetë më i gjërë. Jam dakord që të miratohen të gjitha ato propozimet që janë bërë.  Na duhet më shumë kohë për të vlerësuar për spotin e Postës Shqiptare, që ka ardhur si kërkesë nga vetëm tre anëtarë. U kërkoj të gjithë anëtarë t’i miratojmë propozimet e bëra dhe për ato që janë bërë nga pak anëtarë, të marrim më shumë kohë”.
 
Kolegu i saj, Klement  Zguri e kundërshtoi këtë ide: “ Kur ne hyjmë për të analizuar raportin, mendoj se jemi në kundërshtim me atë që kërkon Kodi. Bëhet fjalë që raportet nga Bordi të jenë nga çdo subjekt zgjedhor. Në raport ne shohim se është monitoruar në kuadër vetëm të koalicionit dhe balancat kërkojnë vetëm për koalicionet, kur ligji e ka për partitë politike. Po kujt subjekti do t’i kërkojmë kompensim? Për momentin nuk kemi çfarë të bëjmë, por raportin e ardhshëm ta bëjmë për çdo parti, çdo kategori dhe mbi atë bazë të vendosim kompensimin”.
 
Përfaqësuesi i PD-së, Njazi Kosovrasti propozoi që: “ Operatorët të kompensojnë koalicionet e le ta marrim këtë si një takim të parë me Bordin dhe shifrat i shohim në mbledhjen tjetër mbi ato të dhëna që do kenë grumbulluar. Konsideratat lidhur me raportet do ishte mirë të jepeshin me shkrim, nga të dyja palët, si ato që janë dakord, ashtu edhe nga ata që nuk janë”. Në fund, kryetarja e KQZ-së, Lefteri Lleshi vendosi: “Ta shtyjmë për nesër vendimarrjen tonë, përfshirë edhe propozimin për spotin e Postës Shqiptare.”
 
Redaksia online
(ar.sh/shqiptarja.com)
  

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Mali i Zi, kërkohet hetim ndërkombëtar për masakrën Cetinjës

Mali i Zi, kërkohet hetim ndërkombëtar për masakrën Cetinjës

10 Janar, 23:03