POP 5

Lajmet më të lexuara të 5 minutave të fundit

Kosova & Rajoni

KQZ i pazot në veri për zgjedhjet
OSBE do të ketë rol teknik

Komisioni Qendror i Zgjedhjeve nuk do të jetë në gjendje as në zgjedhjet e parakohshme të 8 qershorit t'i udhëheqë vetë 4 komunat e veriut. Në një mbledhje të pasdite, KQZ ka shqyrtuar dhe ka aprovuar bashkëpunimin me OSBE-në që në zgjedhjet e 8 qershorit.
PRISHTINE- Komisioni Qendror i Zgjedhjeve nuk do të jetë në gjendje as në zgjedhjet e parakohshme të 8 qershorit t'i udhëheqë vetë 4 katër komunat e veriut. Në një mbledhje të pasdite, KQZ ka shqyrtuar dhe ka aprovuar bashkëpunimin me OSBE-në që në zgjedhjet e 8 qershorit, t’i dalë në ndihmë për katër komunat veriore të vendit.

Anëtarët e Komisionit Qendror, me përjashtim anëtarin e Lëvizjes Vetëvendosjes, Adnan Rrustemi theksuan se ndihma e OSBE-së për atë pjesë ende nevojitet për çështjet teknike por jo rol të cilin e ka pasur në zgjedhjet lokale të vitit 2013.

Ndërkohë anëtari i VV-së, Adnan Rrustemi ishte kundër pasi theksoi se për këto çështje për të cilat po kërkohet ndihmë nga OSBE-ja mund të bëhen edhe nga KQZ-ja dhe institucionet e tjera.

Afati për aplikim për certifikimin e subjekteve politike përfundon më 16 maj.

Të gjitha partitë politike në vend janë të obliguara që deri më 16 maj të aplikojnë për certifikim, për pjesëmarrje në zgjedhjet e parakohshme parlamentare. Lajmin e ka bërë të ditur, për Radio Kosovën zëdhënësi i KQZ-së, Valmir Elezi. Ai tha se subjekte politike kanë të drejtë të përfshijnë më së shumti 110 e kandidatë në listat e tyre zgjedhore. 

Komisioni Qendror Zgjedhor është duke i bërë të gjitha përgatitjet për mbajtjen e zgjedhjeve të parakohshme parlamentare, të cilat pritet të mbahen më 8 qershor.
 
Zëdhënësi i KQZ-së, Valmir Elezi tha se afati për certifikim i subjekteve politike të cilat dëshirojnë të marrin pjesë në zgjedhjet parlamentare përfundon më 16 maj.
 
“Zyra  për regjistrim të partive politike do t’i pranojë aplikacionet deri më 16 maj dhe vetëm pas pranimit të aplikacioneve nga subjekte politike, zyra për regjistrim të partive do t’i shqyrtojë të gjitha aplikacionet dhe pastaj KQZ-ja do të marrë vendim nëse do t’i certifikojë apo jo”, tha Elezi.
 
Zëdhënësi i KQZ-së, Valmir Elezi foli edhe për maksimumin  e kandidatëve që një subjektet politik mund t’i ketë në listën garuese.
 
“Një subjekt politik mund të përfshijë më së shumti 110 kandidatë për deputetë, ndërkohë që subjektet politike duhet të respektojnë edhe kriterin gjinor”, tha ai.
 
Ndryshe fushata zyrtare për zgjedhjet e parakohshme parlamentare në vend do të fillojë më 28 maj dhe do të zgjasë deri më 6 qershor.

Marrë nga "RTK"

Redaksia Online
(e.s/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Zyrtare/ Lëvizje surprizë, Partizani shet Christian Mba në Ukrainë! Shuma që përfitojnë 'Demat'

Zyrtare/ Lëvizje surprizë, Partizani shet Christian Mba në Ukrainë! Shuma që përfitojnë 'Demat'

11 Janar, 16:24