KQZ, Komisioni i Venecias:
Situata të ndryshojë sa më parë

TIRANE - Komisioni i Venecias ka paralajmëruar dështim të vendimarrjeve të KQZ konkretisht për aktet normative që kërkojnë shumicë të cilësuar prej 5 votash.

Duke marrë si shembull projektin pilot të Tiranës për identintifikimin e votusve konsulenti zgjedhor Konrad Olszewski cili ndodhet ne Shqipëri për më shumë se dy muaj tha se miratimi i akteve normative që kërkojne shumicën e cilesuar prej 5 votash sjell domosdoshmërinë për plotesimin e anëtarve në Komisionin Qëndror të Zgjedhjeve .

”Situata në Komisionin Qendror të Zgjedhjeve është delikate pasi po funksionon me 4 antarë kur duhet të jenë 7 . Vendimet nuk po diskutohen në format të atille siç janë parashikuar në Kodin Zgjedhor .Në aspektin ligjor ne do të shohim nëse 4 antarët e KQZ do të jenë të zotë të vazhdojnë zgjedhjet në bazë të ligjit dhe rregullave. Pasi ligji i përcakton qartë detajet si duhet të funksionojë KQZ dhe si duhet të merren vendimet.

Po marr një shembull , akti normativ i projektit pilot të regjistrimit dhe identifikimit të votuesve në qarkun e Tiranës kërkon minimalisht 5 vota. Me këtë kompozim KQZ s’mund ta marrë këtë vendim pasi janë vetëm 4 anëtarë. “- tha Olszewski në një prononcim për Tv A1 Report.

Duke e pare politikisht konsulenti zgjedhor i Komisionit te Venecias thotë se do të shikohet sa transparent do jenë 4 antarët e KQZ në zbatimin e ligjit pasi sipas tij do të kontribuonte në një rezultat të mirë politik. Gjatë kësaj kohe KQZ ka marrë një sërë vendimesh, së fundmi atë të sistemit elektronik të numërimit të fleteve të votimit si dhe miratimi i listës së partive që do marrin pjesë në zgjedhje



(Foto: Konrad Olszewski)
 
Redaksia online
(sg/shqiptarja.com)

TAG:
• kqz