POP 5

Lajmet më të lexuara të 5 minutave të fundit

Politikë

KQZ kufizon qeverinë për zgjedhjet, Hyseni një dite para votimit të draftit: Të mos kapërcehet ligji, nuk do të thotë se puna do ndalet (VIDEO)

Ndonëse KQZ ka kërkuar të kufizojë Qeverinë 4 muaj para zgjedhjeve nga emërimet, pagat falja e gjobave etj, mazhoranca thotë se nuk do të ndalet puna pavarësisht çfarë vendimi do merret. Në një intervistë për Report tv, Alket Hyseni kërkon nga KQZ të mos kapërcehet gjithçka që është përcaktuar me ligj.

Një ditë para votimit të draftit që kufizon qeverinë për zgjedhje, mazhoranca nuk duket e shqetësuar, ndonëse thotë se shumë prej ndryshimeve të bëra nuk do ishin pranuar në kushte normale. Deputeti i PS, Alket Hyseni kërkon nga KQZ të mos kapërcehet gjithçka që është përcaktuar në ligj.

“Nuk është një draft që erdhi si rrufe në qiell të hapur, rrjedh nga marrëveshja e 5 qershorit që kemi bërë. Ndryshimet i kemi bërë me koshiencë, pavarësisht se nuk kushte normale ne nuk do ti pranonim. Ndryshimet kufizojnë ekzekutivin nga reklamimi i një sërë punësh, nuk na shqetëson kjo gjë sepse e rëndësishme është ti bësh punët e mira. Çfarëdo që të hedhë në akt-nënligjor KQZ e rëndësishme është të mos kapërcehen ato që janë përcaktuar në ligj. Kjo do të thotë që do të ndërpriten punët, pak rëndësi ka nëse do bëhet shoë për reklamimin e tyre apo jo. Të mos krijojmë alibi për opozitën”, shprehet deputeti socialist.

Deputeti i PS nuk e përjashton mundësinë e uljes në tryezë të palëve politike për ndryshime të tjera në Kodin Zgjedhor. Sipas Hysenit, Kodi aktual nuk është i plotë.

“Ne kemi dashur që reforma të jetë më e plotë,  por ishim të kufizuar nga ndërhyrjet e opozitës parlamentare. Ne e kemi thënë, dhe me opozitën kemi rënë dakord, pas këtyre zgjedhjeve të ulemi të gjithë bashkë dhe të ndërtojmë një kod zgjedhor më të plotë, sidomos për adresimet e OSBE-ODHIR,  kjo është e pashmangshme. Kodi Zgjedhor rregullon lojën e përbashkët politike dhe nuk mund të jetë e njëanshme”, thotë deputeti Alket Hyseni.

Pretendimet e opozitës për ndryshimin në Kodin Penal që lidhet me krimet zgjedhore do të reflektohen thotë Hyseni, ndërsa shton se për këtë arsye është kërkuar të bëhet votimi në Kuvend.
I.K/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • kuq: 22/12/2020 17:17

    mos!!ç’i paska bere corona zvkm-it

    Përgjigju
  • Sondazhi i ditës: 30 Mars, 00:06

    Programi i PS, a ju duken të realizueshme objektivat ekonomikë?

Lajme të tjera



×

Lajmi i fundit

Moti i keq/ Breshëri 'zbardh' fshatin e Frakullës, në Fier! Banorët: Pemëtaria është shkatërruar

Moti i keq/ Breshëri 'zbardh' fshatin e Frakullës, në Fier! Banorët: Pemëtaria është shkatërruar

31 Mars, 15:30