KQZ miraton Bordin monitorues
të mediave në fushatë zgjedhore

TIRANE - Komisioni Qendror i Zgjedhjeve ka miratuar sot në mesditë projektvendimin "Për ngritjen e Bordit të Monitorimit të Medias për monitorimin e fushatës zgjedhore në radion dhe televizionin publik dhe ato private".

Pr/vendimi propozoi përbërjen prej 7 anëtarësh të BMM-s. Dhe konkretisht anëtarët janë: Basir Çollaku, Adrian Thano, Andi Kananaj, Dardan Malaj, Rexhep Polisi, Klarita Bajraktari dhe Andon Andoni nga fusha e medias.

Kryetarja e KQZ-së, Lefteri Lleshi para votimit ka kërkuar, që Bordi të miratohej me 6 anëtarë, pasi Basir Çollaku është emëruar në një tjetër detyrë. Çollaku përveç kontributit në median e shkruar dhe vizive, ka qenë edhe zëdhënës institucioneshtë larta shtetërore si Ministria e Arsimit.
“Çollaku është emëruar në një detyrë tjetër. Në ditët në vijim do të sjell një kandidaturë tjetër. Për etikë morale mendova që të bëj tërheqjen e tij. Do të kem të drejtën e paraqitjes së një anëtari tjetër në ditët në vijim. Kalojmë në votim me një anëtar më pak”- deklaroi Lleshi. Por pavarësisht kësaj janë miratuar të 7 anëtarët e Bordit.

Kodi zgjedhor (neni 85, pika 1) parashikon ngritjen nga KQZ të BMM-së, 40 ditë përpara fillimit të periudhës zgjedhore. Bordi ka për detyrë monitorimin e zbatimit të dispozitave të këtij kodi për fushatën zgjedhore në radion dhe televizionin publik dhe ato private. Në mbledhjen e parë konstituese do të bëhet zgjedhja e kryetarit të Bordit. Në dy proceset e fundit zgjedhore, atë të vitit 2009 dhe të 2011-s, kryetar i BMM-së ka qenë Basir Çollaku.

Gjithashtu, KQZ shqyrton sot kërkesën e Partisë Aleanca Popullore për rishikimin e një vendimi të KQZ-së për regjistrimin e saj si subjekt zgjedhor në zgjedhjet e 23 qershori.

Edhe sot mbledhja e KQZ-së u zhvillua me 4 anëtarë. 3 anëtarë të opozitës kanë dhënë dorëheqjen.

(ma/sg/shqiptarja.com)

TAG:
• kqz