POP 5

Lajmet më të lexuara të 5 minutave të fundit

Arkiva

KQZ miraton kutitë rezervë
mungojnë 5 QV, 7 me probleme

Qendrat e votimit, kutitë rezervë si dhe përdorimi i administratës në fushatë zgjehdore ishin temat që u debatuan mjs palëve në KQZ. Përfaqësuesit ligjor të PS kërkuan zbatimin e Kodit. Fletët e votimit në rrezik
TIRANE - Komisioni Qendor i Zgjedhjeve u përfshi në debate mbledhjen e djeshme  lidhur me miratimin e sasisë së fletëve të votimit që do të prodhohen për çdo qendër votimi, ku PS kërkoi shtimin e tyre për shkak se në 46 KZAZ kishte problmetika ne Qendrat e Votimit. Sipas KQZ janë vetëm 7 QV, të cilat për shkak të gabimeve të gjeneruar gjatë realizimit teknik të procesit,janë listuar në ZAZ jo respektive. Ndërkohë që në projektvendimin e saj 5 QV, konkretisht, QV-të 35531, 1219, 1225, 3412, 8361, nuk ekzistojnë në data baz.

“Nisur nga ky rezultat, u kërkua nga DTI që të nxjerrë numrin e qendrave të votimit të cilat kanë mbi 700 zgjedhës të regjistruar. Nga raporti i nxjerrë rezulton se në total janë 1461 qendra votimit që kanë të regjistruar mbi 700 zgjedhës.

Duke patur parasysh edhe eksperiencën e proceseve të mëparshme në lidhje me numrin e votuesve që marrin pjesë në zgjedhje, propozojmë që në çdo KZAZ të dërgohen një numër minimal kutish votimi rezervë të cilat mund të përdoren në rastet kur numri i zgjedhësve është më i madh se kapaciteti kutive të votimit”, thuhet në vendimine KQZ. Ndërkohë që debate nuk munguan lidhur me përdorimin e administratës shtetëroree në fushat zgjedhore.

“Dua të bëj thirrje për një rol pro aktiv, denoncues qoftë pranë institucionit të prokurorisë, qoftë para KQZ-së, pasi sipas Kodit Zgjedhor, institucioni juaj është organi që drejton procesin zgjedhor. Pika dy thotë detyrimi apo organizimi për të marrë pjesë në aktivitet elektorale i nxënësve  parauniservitar nga mësuesit në arsimin publik ose me detyra në arsimin publik përbëjnë kundërvajtje penale dhe dënohen nga 3 muaj gjer në 1 vit.

Përdorimi në fushatë, përveç që është një çështje diskriminuese,aspak morale dhe joligjore, tregon në jo pak raste se ka nxënës të arsimit parauniversitar që detyrohen për të marrë pjesë në aktivitete të partive politike”, u shpreh përfaqësuesi ligjor i PS, Genci Gjonçaj. Ky qëndrim u pranua edhe nga anëtari Hysen Osmanaj. “Unë që jam këtu në tavolinë kam parë fëmijë, të të gjithë forcave politike, edhe fëmijë në çerdhe, kam parë administratë shtetërore pa përjashtim, edhe te PD-ja edhe te PS-ja. Duhet ta dish z.

Gjonçaj se administrata e bashkisë është me status të nëpunësit civil. Do ju lutem që këto nëse i keni çojini në prokurori, mos i sillni këto ngarkesa këtu”, tha ai. Ndër të tjera, Gjoncaj kërkoi që Bordi të monitorojë edhe kohën televizive të kryebashkiakut Lulzim Basha dhe krerëve vendorë, pasi sipas tij koha televizive e tyre shkon në favor të partisë që ato përfaqësojnë.

Shkrimi u botua sot në gazetë Shqiptarja.com (print) 06.06.2013
 
Redaskia Online
(b.m/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Mali i Zi, kërkohet hetim ndërkombëtar për masakrën Cetinjës

Mali i Zi, kërkohet hetim ndërkombëtar për masakrën Cetinjës

10 Janar, 23:03