POP 5

Lajmet më të lexuara të 5 minutave të fundit

Politikë

KQZ miraton rezultatin e zgjedhjeve të 14 majit, Muharrem Caka i propozuar nga opozita votoi kundër

Pasi përfundoi beteja për kundërshtimin e rezultatit të 14 majit nga opozita dhe përsëritja e zgjedhjeve në Rrogozhinë, gati tre muaj pas mbajtjes së votimeve në bashki, KQZ certifikoi rezultatin përfundimtar duke vulosur fitoren e PS dhe humbjen e thellë të opozitës.

Gati 3 muaj pas mbajtjes së zgjedhjeve vendore, Komisioni Qendor i Zgjedhjeve vulos përfundimisht rezultatin e 14 majit.

Sipas tabelave të miratuara në mënyrë zyrtare, certifikohet fitorja në 53 bashki e Partisë Socialiste, në 7 Bashki e koalicionit “Bashkë Fitojmë” të Berishës dhe Metës ndërsa 1 bashki u fitua nga partia minoritare MEGA.

Certifikimin e zgjedhjeve KQZ e vulosi pasi përfundoi i gjithë procesi i ankimimeve që bëri opozita me pretendimin se zgjedhjet u vodhën duke kërkuar përsëritjen e votimeve në disa bashki të vendit si Elbasan, Kuçovë, Belsh, Kamëz e Rrogozhinë. Vetëm në këtë të fundit u vendos përsëritja e zgjedhjeve 2 javë më parë, ku PS ruajti fitoren dhe thelloi rezultatin me më shumë se 1700 vota.

Në rang vendi, në zgjedhjet e 14 majit Partia Socialiste mori 43,11% të votave, ndërsa koalicioni I opozitës vetëm 18,44% e ndjekur nga PD, logoja e së cilës pati rënie drastike në 7,71% të votave. 14 maji shënoi rezultatin më negativ në një palë zgjedhje për opozitën.

S.G/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu