POP 5

Lajmet më të lexuara të 5 minutave të fundit

Arkiva

KQZ: Numërohen të parat votat
për Kuvendin; më pas, për vendorët

KQZ ka marrë vendim sot për radhën e numërimit të votave në disa KZAZ ku do të votohet për Kuvendin si dhe për kryetarin e bashkisë ose komunës. KQZ vendosi që në fillim të numërohen votat për Kuvendin dhe të mos kalohet tek ato për kryetar njesie vendore pa i përfunduar.
TIRANE - KQZ ka marrë vendim sot për radhën e numërimit të votave në disa KZAZ ku do të votohet për Kuvendin si dhe për kryetarin e bashkisë ose komunës. KQZ vendosi që në fillim të numërohen votat për Kuvendin dhe të mos kalohet tek ato për kryetar njesie vendore pa i përfunduar.

Diskutimi i projektvendimit ka hasur në debate. Përfaqësuesi i PS-së gjykonte se akti i bërë nga administrata zgjedhore ishte i paplotë, sepse ai i referohej zgjedhjeve vendore, ndaj ishte e nevojshme të shtohej një akt tjetër më specifik për këto zgjedhje. Por, ai hasi në kundërshtimin e komisionerit Klement Zguri, që vërejti se akti ishte një situatë e zgjidhur e nuk duhej të ngarkohej më shumë, pasi mund të shkaktonte konfuzion ne terren. “Të miratojmë versionin e administratës dhe sqarimet e mëtejshme le të shoqërohen me një manual”, - propozoi ai. Në fund, KQZ votoi kundër propozimit të PS-së dhe vendosi që “në fillim të bëhet numërimi i votave për zgjedhjet për Kuvend e më pas, për kryetar bashkie a komune. Numërimi për kreun e njesisë vendore nuk do të fillonte pa përfunduar numërimi i votave për Kuvendin.”

Çështje të tjera të rendit të ditës ishin: Miratimi i dokumentacionit dhe kutisë së posaçme që do të përdoren për numërimin e votave të hedhura gabim, për zgjedhjet për Kuvend dhe për kryetar bashkie apo komune; miratimi i modeleve të dokumenteve që do të përdoren nga grupi i numërimit dhe Komisioni i Zonës së Administrimit Zgjedhor për nxjerrjen e rezultateve të zgjedhjeve në ZAZ nr.17, ZAZ nr.19, ZAZ nr.30, dhe ZAZ nr.81; miratimi i vëzhguesve të Fondacionit Banka e Ideve dhe të atyre të shoqatës "Albania Life Quality Union" për vëzhgimin e zgjedhjevetë Kuvendit; miratimi i modeleve të vendimeve dhe dokumentacionit të punës, që do të përdoren nga disa KZAZ dhe KQV, për zgjedhjet e pjesshme për organet e qeverisjes vendore”; shqyrtimi i kërkesës për regjistrimin  e koalicionit "Aleanca për Shqipërinë Europiane", si subjekt zgjedhor, për zgjedhjet e pjesshme për kryetar bashkie a komune në disa njësi të qeverisjes vendore si edhe lirimin dhe emërimin e disa anëtarëve të KZAZ-ve për zgjedhjet për Kuvend.

Redaksia online
(ar.sh/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Mali i Zi, kërkohet hetim ndërkombëtar për masakrën Cetinjës

Mali i Zi, kërkohet hetim ndërkombëtar për masakrën Cetinjës

10 Janar, 23:03