Komisioni Qendror i zgjedhjeve ka përcaktuar zonën se ku do të implementohet projekti pilot i votimit dhe numërimit elektronik për zgjedhjet e 25 prillit.
Me dakordësinë e përfaqësuesve të partive politike, Celibashi miratoi ZAZ numër 40 në kryeqytet në njësinë 10, vendin ku për herë të parë do të votohet dhe numërohet në mënyrë elektronike. Ndërkohë identifikimi biometrik i votuesve është shtrirë në të gjithë vendin.
Ditën e sotme, Komisioni Qendror i zgjedhjeve miratoi edhe regjistrimin e koalicioneve “PD Aleanca për Ndryshim” të udhëhequr nga Lulzim Basha dhe “Aleanca” të përbërë nga partitë e Zef Shtjefnit, Selami Jenishehrit, Kujtim Gjuzit dhe Kostaq Papës.
“Meqë dokumentacioni i paraqitur është në rregull miratohet”, tha kryetari i institucionit të menaxhimit të zgjedhjeve në Shqipëri, Ilirjan Celibashi.
“Do të japim çdo kontribut që do të jetë i nevojshëm që edhe kjo vendimmarrje që do të pasohet nga të tjerat të ecë në drejtimin e duhur”, tha përfaqësuesi i PD-së në KQZ, Ivi Kaso.
"Alenaca për Ndryshim" e finalizuar më 24 shkurt nga Basha përmban një marrëveshje mes PD dhe 12 aleatëve të saj. Pjesë e këtij koalicioni, janë PR e Fatmir Mediut, LZHK-ja e Dashamir Shehit, FRD e Bamir Topit, PAA e Agron Dukës, PDK e Nard Ndokës, PBDNJ e Vangjel Dules, PDIU e Shpëtim Idrizit, Balli Kombëtar i Artur Roshit nga opozita parlamentare, PBLD e Arjan Starovës, PBD e Ylber Valterit, PLL e Shpëtim Axhamit dhe PKD e Dhimitër Muslias.
Ky është një koalicion që bashkon edhe armiqtë e tjerë historikë si grekët e PBDNJ me çamët e PDIU, ose Republikanët e Fatmir Mediut me Monarkët e Shpëtim Axhamit. Kurse LSI e Monika Kryemadhit, do të garojë e vetme por do të ketë kandidatë nën logon e PD vetëm në Dibër dhe Kukës. Një mënyrë e tillë, pra të dalurit me 2 lista të veçanta, sipas Bashës dhe Kryemadhit është bërë me qëllim maksimalizimin e votave për të rrëzuar qeverinë e e Edi Rama.
Teksa votimi dhe numërimi elektronik do të shtrihet në ZAZ nr 40 në Kryeqytet, identifikimi biometrik për zgjedhjet e 25 prillit është shtrirë në të gjithë vendin. KQZ vendosi sot që përdorimi i pajisjes së identifikimit elektronik të bëhet nga persona të trajnuar dhe apartikë që do të përzgjidhen nga nënkomisionerja Pelinku, nëpërmjet disa kritereve. KQZ brenda 24 orëve do të hapë thirrjen për përzgjedhjen e 5200 personave të cilët do të përdorin pajisjet e identifikimit elektronik të votuesve (PEI).
Mes kritereve që duhet të plotësojnë operatorët teknikë renditen: arsimi i mesëm, e drejta për të qenë zgjedhës, të mos jetë i dënuar me vendim gjyqësor të formës së prerë për kryerjen e një krimi, të mos jetë anëtar i strukturave drejtuese të ndonjë partie politike, të paktën tre vitet e fundit; të mos ketë qenë i përfshirë publikisht në veprimtari dhe aktivitete politike dhe elektorale për llogari të një subjekti zgjedhor në 5 vitet e fundit, të ketë njohuri dhe aftësi minimale të përdorimit të pajisjeve të teknologjisë së informacionit si kompjuter, smartphone, etj.
Komisioni Rregullator në KQZ vendosi që operatorët teknikë do të votojnë në qendrat e votimit ku janë caktuar për të monitoruar pajisjen teknologjike për të shmangur ndërprerjen e punës.
Nëse operatorët teknikë bëjnë deklarim të rremë të të dhënave do të mbajnë përgjegjësi penale ose administrative, ndërsa shpërblimi që do të marrin operatorët për punën do të jetë 9 mijë lekë.
Lajme të tjera
-
Diaspora nuk do paguajë për votën, burime për Report Tv: Qeveria fond rreth 5 mln euro KQZ-së për postën
19 Dhjetor, 12:26 -
Zgjedhjet parlamentare 2025, ambasadori i OSBE takim me Grupin Ndërkombëtar të Punës! Në fokus vota e diasporës
18 Dhjetor, 15:42 -
Celibashi takohet me VanHorn, e informon për përpjekjet e KQZ para zgjedhjeve parlamentare! E Ngarkuara me Punë shpreh mbështetjen e SHBA për zgjedhje të drejta
13 Dhjetor, 13:37 -
Zgjedhjet 2025, ambasadori i OSBE: Thelbësore, liria e zgjedhjes pa frikë! Hetoni presionet dhe shkeljet e fshehtësisë së votës! Celibashi: Partitë të pranojnë problemin
11 Dhjetor, 11:00 -
Numërimi i votave, Celibashi: S’është koha që partitë të ikin! PD kundër numëruesve që vijnë nga administrata: Katastrofale
10 Dhjetor, 15:29
-
Zgjedhjet 2025/ Komisioni i Venecias: Punoni të jenë të lira, OSBE: Depolitizoni administratën zgjedhore! Celibashi: Do të sillte mosnjohje rezultati
10 Dhjetor, 10:23 -
Shqipëri, shqetësim transparenca e financimit në zgjedhje
9 Dhjetor, 20:38 -
Vota e diasporës në zgjedhjet 2025, regjistrimi nga 11 janari -11 mars! Aplikacioni i KQZ drejt përfundimit, ja dokumentet që duhen! Kujdes adresën
9 Dhjetor, 16:52
-
Numërimi elektronik, KQZ auditon procesin e zgjedhjeve 2023 për bashkitë Vorë, Elbasan dhe Kamzë: Regjistrim i të gjitha votave me saktësi
9 Dhjetor, 13:07 -
'Vota e diasporës të numërohet nga KQZ', Celibashi: Partitë vetëm të vëzhgojnë! Debate te Rregullatori, shtyhet vendimi
7 Dhjetor, 11:30
-
Eduard Zaloshnja: 48.1% e shtetasve shqiptarë nuk banojnë në Shqipëri
6 Dhjetor, 15:48
-
Qeveri teknike? Gjiknuri në Report Tv: S’ është në agjendën tonë! PS në gjendje të fitojë e vetme zgjedhjet 2025! Të avantazhuar përballë opozitës së përçarë
5 Dhjetor, 19:14
