POP 5

Lajmet më të lexuara të 5 minutave të fundit

Arkiva

KQZ, testi: Votimi i shumëfishtë
verifikim vetëm pas zgjedhjeve

Komisioni Qendror i Zgjedhjeve zhvilloi testin e parë zyrtar të projektit teknologjik të verifikimit dhe regjistrimit elektronik të zgjedhësve. Votimi më shumë se një herë i një votuesi regjistrohet në sistem dhe bëhet i verifikueshëm vetëm pas zgjedhjeve, nëse ka procese ankimore dhe KQZ vendos të verifikojë të dhënat e sistemit.
TIRANË - Komisioni Qendror i Zgjedhjeve zhvilloi sot testin e parë zyrtar të projektit teknologjik të verifikimit dhe regjistrimit elektronik të zgjedhësve, për zgjedhjet e Kuvendit të 23 qershorit, që do të aplikohet për qarkun e Tiranës.

Testi aplikohet nga kompania spanjolle "Indra". Ai do të zbatohet për herë të parë në 1422 qendra votimi në Tiranë.

Aparatura, e cila do të vendoset në çdo tavolinë të qendrave të votimit, elektronikisht bën identifikimin e zgjedhësit në qarkun më të madh në vend. Duke kaluar në të kartën e identitetit ose pasaportën.

Aparatura bën të dukshme në këtë mënyrë në tabelë, nëse zgjedhësi ka votuar apo jo në një qendër votimi, por nuk ndalon votimin e tij në një qendër tjetër votimi.
 
Votimi më shumë se një herë i një votuesi regjistrohet në sistem dhe bëhet i verifikueshëm vetëm pas zgjedhjeve, nëse ka procese ankimore dhe KQZ vendos të verifikojë të dhënat e sistemit.
 
Ky është testi gjeneral, por i dyti në renditje, sepse ka pasur një test paraprak, që nuk është bërë pubik. Tek të dyja provat 10 % e votuesve nuk figurojnë, sepse nuk lexohet me sukses çipi në sistem.
 
Megjithatë kjo nuk i ndalon votuesit të zhvillojnë sistemin e votimit. Kanë qenë dy qendra të improvizuara votimi, përkatësisht me nga 20 votues secili.
 
Regjistrimi elektronik u zhvillua dy herë; një herë në kushte normale dhe një herë i stimuluar në kushte të mosfunksionimit normal, për shembull kur mungon energjia elektrike.
 
Gjithashtu, përveç pasaportës dhe kartës së identitetit sistemi nuk pranon asnjë dokument tjetër për të votuar.

Ky projektit teknologjik i verifikimit dhe regjistrimit elektronik të zgjedhësve u zhvillua 15 ditë para zgjedhjeve, ndërkohë që sipas përfaqësusesve të opozitës duhej të ishte bërë 60 ditë para procesit zgjedhor.
 
Ata gjithashtu kanë shtruar shqetësimin, nëse ndërhyhet në sistem, pasi është votuar dhe kush është siguria për hedhjen e të dhënave.

Projekti i teknologjise për identifikimin dhe regjistrimin elektronik të zgjedhësve në Tiranë ka kushtuar 2.9 milionë euro.

Redaksia Online
(mag/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Mali i Zi, kërkohet hetim ndërkombëtar për masakrën Cetinjës

Mali i Zi, kërkohet hetim ndërkombëtar për masakrën Cetinjës

10 Janar, 23:03