POP 5

Lajmet më të lexuara të 5 minutave të fundit

Arkiva

KQZ: Votat e Fierit do numërohen
në Roskovec, PS kundërshtoi

Partia Socialiste kërkoi zhvendosjen në Fier të qendrës së numërimit të Roskovecit, nga Pallati i Kulturës në teatrin Bylis të Fierit. Ky propozim nuk është pranuar nga Partia Demokratike.
TIRANE - Komisioni Qendror i Zgjedhjeve ka votuar këtë të enjte 40 VNV, kryesisht në qarkun e Tiranës, Shkodrës dhe Fierit. Në këto zgjedhje, vendet e numërimit të votave do jenë 23 më shumë, ndërsa nga Partia Socialiste është kërkuar zhvendosja në Fier e qendrës së numërimit të Roskovecit, nga Pallati i Kulturës në teatrin Bylis të Fierit.

Ky propozim nuk është pranuar nga Partia Demokratike dhe KQZ ka vendosur të lërë në fuqi propozimin e ardhur nga administrata e KQZ-së. Jashtë rendit të ditës është kërkuar nga KQZ, përcaktimi i qartë përmes një akti, procedura e emërimeve të kryetarëve dhe nënkryetarëve në QV. Sipas kryetares LLeshi, mbetet në fuqi udhëzimi i zgjedhjeve të 2009-ës.

“Kush është qendra e votimit numër 1 në Shqipëri. Di të ma thuash? Kush është? Kush e cakton? Ke një sistem numerik të qendrave ti nga e para deri tek e fundit? Një minutë more zotëri, më trego se kush është kryetari në qendrën 1”,-tha Gjonçaj.

“Zoti Gjonçaj, kemi filluar të kemi materialet e para të ardhura nga KZAZ-të, pikërisht që e kanë të zgjidhur problemin. Ju më çekoni mua zonat të cilat kanë këto probleme dhe pastaj flasim”,tha kryetarja e KQZ-së, Lefteri Lleshi.

“I gjithë vendi”,-theksoi Gjonçaj.

“Jo i gjithë. Do të tregoj shkresat që kanë ardhur. Nuk janë të gjithë”,-u shpreh Lleshi.

“S’ke ç’shkresa të më tregosh se dje ka qenë afati i fundit. Çfarë shkresash do më tregosh? I ke ngritur komisionet e qendrave të votimit, meqë je piramida e menaxhimit të zgjedhjeve në Shqipëri? I ke apo s’i ke? A shqetësohesh ti për këtë fakt apo jo? ”,-replikoi Gjonçaj.

“Nuk gjej asnjë hapësirë, asnjë shans për ju që t’i thoni opinionit publik që Komisioni është jashtë funksionit. KQZ është në funksionin e tij kushtetues dhe ka realizuar për hir të detyrimit ligjor të gjitha problmatikat që ligji u ka ngarkuar atyre”-tha në fjalën e tij, Njazi Kosovrasti.

Në fund, kryetarja e KQZ-së Lefterie Lleshi ka deklaruar të hapur fushatën zgjedhore duke nisur nga dita e premte, deri në datën 21 qershor.


Redaksia Online
(s.g / shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Mali i Zi, kërkohet hetim ndërkombëtar për masakrën Cetinjës

Mali i Zi, kërkohet hetim ndërkombëtar për masakrën Cetinjës

10 Janar, 23:03