POP 5

Lajmet më të lexuara të 5 minutave të fundit

Arkiva

KQZ, Wollfarth: Uroj që parlamenti
të marrë një vendim sa më të shpejtë

Ambasadori i OSBE-së deklaron se plotësimi i KQZ-së duhet të jetë në krye të axhendës së partive.  Ai shprehet pozitiv se ka një lloj sensis konstruktiviteti këto ditë afër zgjedhjeve dhe se uronte që  këto ditë të ketë një vendim nga parlamenti.
 TIRANE - Ambasadori i OSBE-së deklaron se plotësimi i KQZ-së duhet të jetë në krye të axhendës së partive.  Ai shprehet pozitiv se ka një lloj sensis konstruktiviteti këto ditë afër zgjedhjeve dhe se uronte që  këto ditë të ketë një vendim nga parlamenti.

Wollfarth nënvizon se me rëndësi është që partitë të flasn edhe për atë që do të ndodh pas 23 qershorit ku  përveç miratimit të 3 ligjeve me rëndësi është dhe lufta e korrupsionit dhe e trafikut.
 
“E kam përmendur para disa ditësh pasja e një KQZ-je të plotë duhet të jetë në krye të listës së dëshirave. Ajo çka është më e rëndësishme, dëshiroj të them se ndiej një sens gjithmonë e më të madh konstruktiviteti këtu në vend, këtu në Shqipëri, në këto ditë të rëndësishme para zgjedhjeve, në këtë vit të rëndësishëm. Zgjedhjet dhe përgatitja e zgjedhjeve është një proces i rëndësishëm, ku qartas përfshihet KQZ-ja. Por edhe diskutimi nga partitë politike dhe liderët politikë rreth gjërave të tjera të rëndësishme që vijnë pas 23 Qershorit është shumë konstruktiv dhe shumë i dobishëm. Hapja e rrugës drejt integrimit të mëtejshëm evropian dhe, kështu, edhe drejt stabilizimit institucional, është një vendim jashtëzakonisht i rëndësishëm, prandaj unë uroj të merret sa më shpejt, duke përfshirë këtu edhe parlamentin. Por do të doja të theksoja se kjo është një dëshirë imja, duke e konsideruar veten një mik të shqiptarëve, nuk është një apel. Çdo gjë që do të vendoset në parlament do të jetë një vendim i duhur dhe sovran dhe unë sigurisht shpresoj që të jetë në të mirë të shqiptarëve. Kuptohet që të ashtuquajturat ‘tri ligje’ janë shumë të rëndësishëm, por po aq e rëndësishme është edhe lufta ndaj korrupsionit, trafikimit dhe disa problemeve të tjera të vështira. Siç e thashë, ndjenja në rritje e konstruktivitetit bëhet gjithmonë e më e dukshme dhe unë do të doja ta shihja më shumë”.- tha Wollfarth sot paradite në një prononcim për gazetarët në fund të veprimtarisë së organizuar nga OSBE-ja për mbështetjen e votimit të të verbërve në zgjedhje.

Redaksia online 
(sg/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Mali i Zi, kërkohet hetim ndërkombëtar për masakrën Cetinjës

Mali i Zi, kërkohet hetim ndërkombëtar për masakrën Cetinjës

10 Janar, 23:03