POP 5

Lajmet më të lexuara të 5 minutave të fundit

Sport

Krahasimi mes Messit dhe Mbappes në moshën 23 vjeçare, statistika tepër premtuese për francezin

Platforma e futbollit, OneFootball, i ka publikuar disa statistika krahasuese ndërmjet Lionel Messit dhe Kylian Mbappes një ditë para finales së Kampionatit Botëror.

Krahasimi mes Messit dhe Mbappes në moshën 23 vjeçare, statistika tepër premtuese për francezin

Kylian Mbappe, Lionel Messi

Platforma e futbollit, OneFootball, i ka publikuar disa statistika krahasuese ndërmjet Lionel Messit dhe Kylian Mbappes një ditë para finales së Kampionatit Botëror.

Superyllli argjentinas të dielën triumfoi në finalen e Kampionatit Botëror përballë yllit në ngritje të Francës duke e fituar trofeun e vetëm që mungonte në sirtarin e tij, atë të Kupës së Botës.

Mirëpo, shtatë herë fituesi i Topit të Artë u desh të priste deri në moshën 35 vjeçare për ta fituar këtë trofe, derisa Mbappe e ka fituar si 18 vjeçar dhe tashmë ka shënuar në finalen e dytë radhazi.

Për më shumë, francezi e tejkaloi Messin edhe për golashënuesin më të mirë të turneut duke realizuar tetë herë derisa argjentinasi e gjeti rrjetën shtatë herë.

Ditën e finales, Mbappe ishte 23 vjeçar (meqë sot, 20 dhjetor, i ka mbushur 24 vjet), kështu OneFootball i ka sjellë disa statistika interesante që paralajmërojnë se ylli i Les Bleus mund t’i prekë sukseset e dyshes së jashtëzakonshme Lionel Messi dhe Cristiano Ronaldo në vitet në vijim.

Në këtë moshë, Messi kishte zhvilluar 269 ndeshje, kurse Mbappe ka luajtur në 303 sosh (duke e përfshirë edhe finalen). Numri total i golave të argjentinasit në atë kohë ishte 108, kurse francezi ka realizuar më shumë se dyfishin, 224 (duke i përfshirë edhe dy golat në finale). Lionel kishte dhuruar 82 asistime, derisa Kylian i ka bërë 111 asistime.

Me Argjentinën deri në moshën 23 vjeçare, Messi kishte bërë 57 paraqitje, kurse Mbappe i ka zhvilluar 64 ndeshje me Francën (duke përfshirë edhe finalen që nuk ndodhet në statistikat e OneFootball). Leo e kishte gjetur rrjetën 17 herë me përfaqësuesen në atë moshë, kurse Kylian e ka bërë dyfish më shumë, 35 herë (duke i numëruar dy golat në finalen e fundit) në ndeshje zyrtare me Les Bleus.

B.V/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Basha: T’i japim fund tangos personale, kush voton Berishën merr dhe Ramën në paketë dhe anasjelltas! Jo interesave të Trekëndëshit të Bermudës

Basha: T’i japim fund tangos personale, kush voton Berishën merr dhe Ramën në paketë dhe anasjelltas! Jo interesave të Trekëndëshit të Bermudës

18 Dhjetor, 12:53