Ministrja e Shëndetësisë dhe Mbrojtjes Sociale, Albana Koçiu zhvilloi një vizitë në shtëpinë e re të mjekes Blerina Merja, e cila ka përfituar nga programi i qeverisë për dhënie kredie me zero interes për familjet e reja të mjekëve, duke u mundësuar blerjen e banesës së tyre.
Kjo nismë vjen si mbështetje dhe angazhim i qeverisë për një trajtim dinjitoz dhe cilësor të punës dhe shërbimit të këtyre punonjësve dhe aplikohet për herë të parë këtë vit.
Ministrja Koçiu uroi doktoreshë Blertën dhe bashkëshortin e saj Armandon, të cilët pak ditë më parë janë bërë edhe prindërit e dy binjakëve të mrekullueshëm, Sear dhe Serea dhe tashmë falë edhe mbështetjes nga ky program, do mund t’i rrisin fëmijët e tyre në një shtëpi të re. “Vitin e shkuar hapëm për herë të parë programin e kredive për blerjen e banesës me kredi me 0% interes nga shteti. Nga 100 kuota, 85 mjekë që aplikuan përfituan nga ky program”, informoi ministrja Koçiu.
Ministrja theksoi se programi i kredive me zero interes është një mundësi e mirë për të mbështetur sa më shumë profesionistët e rinj, ata të cilët janë në hapat e parë të krijimit të një familje për të patur banesën e tyre. “Pikërisht për t’i rikthyer akoma më shumë dinjitetin mjekut dhe infermierit, të gjithë profesionistëve të sektorit të shëndetësisë, janë duke u ndërmarrë hapa të njëpasnjëshëm, ashtu siç ishte rritja e pagave në korrik, një rritje e konsiderueshme për mjekët e përgjithshëm edhe për infermierët. Janë rreth 20 mijë punonjës të sistemit të shëndetësisë që përfitojnë nga kjo rritje e re e pagave, me 15 mijë lekë të reja për infermierët dhe 20 mijë lekë të reja për mjekët e përgjithshëm mbi pagën aktuale”, deklaroi ajo.
Ministrja e Shëndetësisë, Koçiu bëri të ditur se janë hapur sërish aplikimet për kredi me 0% interes për blerjen e banesës, e ku përfitues në këtë faze nuk do jenë vetëm mjekët, por edhe infermierët. “Kemi rihapur sërish këtë vit aplikimet me 45 kuota, ku nuk janë vetëm mjekët, por dhe infermierët që mund të aplikojnë”, u shpreh ajo.
Koçiu theksoi se për programin e dytë të kredive me interes 0% që sapo është hapur, aplikimi bëhet online nëpërmjet e-Albania.
“Aplikimet janë të hapura deri më 14 gusht, kështu që mjekët dhe infermierët që punojnë në sistemin publik shëndetësor janë të ftuar që të shohin kriteret në shpalljen publike që është bërë në portalin e-albania, ndërkohë edhe në faqen e Ministrisë së Shëndetësisë dhe Mbrojtjes Sociale për t’u njohur pastaj me gjithë dokumentacionin që do duhet për të bërë aplikimin, sipas kritereve të parashikuara aty, me qëllim që pse jo, edhe ata të gëzojnë një banesë të re dhe kaq të bukur sa kjo e juaja”, u shpreh ministrja e Shëndetësisë dhe Mbrojtjes Sociale, Albana Koçiu.
Lajme të tjera
-
OBSH: Shqiptarët 59.7% të shpenzimeve nga xhepi në shëndetësi! Koçiu: 130 milionë euro për rimbursimin e ilaçeve me buxhetin e 2025
12 Dhjetor, 16:34 -
Bashkia Tiranë hap aplikimet për 1200 kredi të buta! Ja kriteret dhe procedurat për familjet dhe individët në nevojë për strehim
12 Dhjetor, 15:12 -
Dita e të Drejtave të Njeriut/ Gonzato: Mungon qasja ligjore! Gratë viktima denoncuan dhunën, por nuk ka reagim
10 Dhjetor, 15:00 -
Rama: 164 mijë persona me aftësi të kufizuara do të mbështeten nga buxheti 2025, program dhe mbështetje sociale
6 Dhjetor, 12:20 -
Më shumë lekë për para e tetraplegjikët, rritet pagesa për paketën higjieno-sanitare! Nga 16 në 20 mijë lekë! Mbështetje edhe për kujdestarët
4 Dhjetor, 17:16
-
Minimumi jetik, ministrja Koçiu tregon pse u rrëzua amendamenti i PD-së: Duhet dakordësi për mënyrën si do të matet
4 Dhjetor, 15:30 -
Koçiu: 3,500 persona me aftësi të kufizuar të punësuar në shtet e privat
3 Dhjetor, 12:30 -
Koçiu takohet me kreun e Agjencisë së Energjisë Atomike në Vjenë: Do sjellim në Shqipëri pajisjen e imazherisë hibride PET-CT, diagnostikon hershëm kancerin
27 Nëntor, 13:06 -
Koçiu në Ministerialin e Vjenës: Shqipëria mbi 60 projekte bashkëpunimi me Agjencinë Atomike, rritje e trajtimit të pacientëve me kancer
26 Nëntor, 15:15 -
Dita kundër dhunës ndaj grave dhe vajzave/ Ministrja Koçiu: Kemi marrë nisma ndërgjegjësuese! Sot nisim fushatën 16 ditore me OKB-në
25 Nëntor, 09:39 -
Vaksinat kundër kancerit të qafës së mitrës te vajzat, Koçiu: Janë aplikuar mbi 9,344 doza te moshat 13-20 vjeçe
23 Nëntor, 15:17 -
Më shumë lekë gjatë lejes së lindjes për gratë dhe shtëpi për familjet e vogla! Qeveria programe për shtimin e popullsisë
14 Nëntor, 14:40
