Kredi të pastrehësh, ja emrat e
145 zyrtarëve që firmosi Berisha

TIRANE - Deputetë, ish-zëvendësministra, ish-ministra, ish-shefa kabineti, prokurorë, gjyqtarë, sekretarë të përgjithshëm si dhe familjarë të zyrtarëve të lartë të Partisë Demokratike kanë përfituar kredi të buta me 4 %, duke plotësuar dokumente si të pastrehë. Lista, që, në fakt, tashmë i ka kaluar Prokurorisë për hetim, u denoncua nga ministrja e Zhvillimit Urban dhe Turizmit, Eglantina Gjermeni, përmban emra jo pak të njohur për opinionin publik, kryesisht për shkak të lidhjeve të tyre me ish-partinë në pushtet për 8 vite. Ndonëse e gëzonin njësoj të drejtën me të tjerë, në listën që e ka firmosur kryeministri Berisha  përfshihet vetëm një deputete e PS, atëhere në opozitë.

Ndërkohë kredinë e butë për strehim e kanë përfituar shumë zyrtarë të njohur  si militantë të ish-mazhorancës, ku bie në sy kreu aktual i SHISH, Visho Ajazi, i cili e ka përfituar kredinë në postin e zv.ministrit të Inovacionit. Gjithashtu jo pak i njohur është dhe ish-numri dy i SHISH në 2010, Ylli Alushi.

Ndër emrat e tjerë listohet të jetë edhe ish-ministri i Punës dhe Çështjeve Sociale Spiro Ksera, ish-zëvendës ministrja e Jashtme Edit Harxhi, ish-zv.ministrja e Drejtësisë, e Integrimit si dhe një numër i lartë sekretaresh apo drejtues drejtorish të rëndësishme pranë ministrive të kabinetit qeveritar, prokurorë e gjyqtarë.

Elvis Cefa, tashmë numri dy i Këshillit të Lartë të Drejtësisë, e ka përfituar kredinë si kreu i Agjencicsë së Kompensimit e Kthimit të Pronave; Besnik Çobaj si drejtor i Drejtorisë së Lojërave të Fatit; në listë janë ish-sekretarja e KQZ apo prokurorë si dhe gjyqtarë të Apelit në Tiranë, jo vetëm, e të Kushtetueses, si përfitues të kësaj kredie. Lista përmban 145 emra sipas VKM Nr.600, datë 12.9.2007 “Për trajtimin me strehim të nëpunësve civilë të administratës së lartë shtetërore dhe të funksionarëve politikë” e nxjerrë nga ish-kryeministri Sali Berisha.

Kredia për funksionarët politikë dhe nëpunësit civilë të administratës së lartë shtetërore është dhënë në vlerën deri në 5 milionë lekë, me interes 4 për qind, për strehim, dhe deri në 2.5 milionë lekë, me interes 4 për qind, për sipërfaqe shtesë banimi.

JA EMRAT E ZYRTAREVE TE QEVERISE BERISHA QE KANE MARRE KREDI TE BUTE:

Emrat e 145 zyrtarëve që perfitojnë si të pastrehë

• Share

/Shqiptarja.com

TAG:
• kqz
• visho ajazi lika