POP 5

Lajmet më të lexuara të 5 minutave të fundit

Ekonomi

Kredia shënon vlerën më të lartë në 2 vite! BSH: Rekord huaja për pasuri të paluajtshme, arriti 8 mld lekë! 61 mld lekë hua për sektorin e tregtisë

Kreditë e dhëna në 10 muajit e këtij viti kanë shënuar vlerën më të lartë në 2 vite. Referuar të dhënave të Bankës së Shqipërisë gjatë kësaj periudhe është dhënë hua në vlerën 246.6 miliardë lekë dhe kërkesa më e madhe është regjistruar nga sektori i tregtisë me shumicë e pakicë dhe pasuritë e paluajtshme.

Rritja e normave të interesit, nuk i ndalon bizneset për të marrë kredi, e cila për dhjetë muajit e këtij viti është rritur me mbi 8% krahasuar me vitin e kaluar. Të dhënat e fundit të Bankës së Shqipërisë tregojnë se kredia e re për ekonominë nga janari në tetor të këtij viti arriti në 246.6 miliardë lekë, duke u rritur me 18.9 miliardë lekë në raport me të njëjtën periudhë të vitit të kaluar.

Gjatë kësaj periudhe është regjistruar rritje e fortë e kredisë së miratuar për sektorin e tregtisë me shumicë dhe pakicë. Më konkretisht, nëse një vit më parë nga janari në tetor huaja e dhënë për këtë fushë ishte 49.3 miliardë lekë, ndërsa këtë vit ka kapur shifrën 61.6 miliardë lekë, duke u rritur me 12.2 miliardë lekë.

Ndërsa është rritur me rreth 78% kredia e dhënë për sektorin e pasurive të paluajtshme. Në dhjetë muaj për këtë fushë janë dhënë mbi 8 miliardë lekë, nga 1.7 miliardë lekë që u dhanë vjet. Kjo rritje e kredisë në këtë fushë lidhet direkt me interesin e lartë që ka si nga bizneset ashtu edhe nga individët për të investuar në tregun e real-estate. Por edhe shtrenjtimi i apartamenteve po i shtyn gjithmonë e më shumë qytetarët të marrin hua për të blerë shtëpi.

Përmirësim i lehtë është regjistruar edhe tek sektori i bujqësisë, pasi janë dhënë 2.1 miliardë lekë hua, nga 1.8 miliardë që ju miratuan vjet. Pra është regjistruar një rritje prej 355 milionë lekë.

Kurse sa i takon ndërtimit, industrisë nxjerrëse, sektorit të energjisë që kanë peshë të lartë në vlerën e kredisë, këtë vit janë në rënie të lehtë, krahasuar me vitin 2022.

KREDIA E RE PËR EKONOMINË
Janar-Tetor 2022              227,686 mld lekë
Janar-Tetor 2023              246,606 mld lekë
Rritja                                 +18,920 mld lekë
KREDIA PËR PASURITË E PALUAJTSHME
Janar-Tetor 2022              1,765 mld lekë
Janar-Tetor 2023              8,030 mld lekë
Rritja                                 +6,265 mld lekë
TREGTIA ME SHUMICË DHE PAKICË
Janar-Tetor 2022              49,366
Janar-Tetor 2023              61,645
Rritja                                 +12,279
KREDIA PËR BUJQËSINË, PYJET E PESHKIMIN
Janar-Tetor 2022              1,836 mld lekë
Janar-Tetor 2023              2,191 mld lekë
Rritja                                 +355 mln lekë

SI.E./S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Era: 01/12/2023 05:37

    Ose me shkoqur, pastrimi i parase se zhvatur publike me kolateral po pronen publike qe shushunjat e oborrit zhvasin sipas oreksit te kryepykes Rama.

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Qeveria rishpall tenderin 400 mln euro të Portit të ri Tregtar të Durrësit në Porto Romano

Qeveria rishpall tenderin 400 mln euro të Portit të ri Tregtar të Durrësit në Porto Romano

24 Dhjetor, 19:43