POP 5

Lajmet më të lexuara të 5 minutave të fundit

Ekonomi

Kreditë e këqija shkojnë në nivelin më të ulët historik, Banka e Shqipërisë: Në janar zbritën 5.4%

Të dhënat e Bankës së Shqipërisë tregojnë se në muajin janar kreditë me probleme zbritën në nivelin më të ulët historik, në 5.4%. Ndikim pozitiv ka dhënë përmirësimi i gjendjes financiare të bizneseve dhe rritja e fuqisë paguese.

Viti 2022 ka nisur me përmirësim të portofolit të kredisë, pasi kreditë me probleme ka vijuar të ulen në raport me totalin e kredisë që është dhënë për konsumatorët dhe bizneset në vend.

Banka e Shqipërisë raporton se kreditë me probleme në muajin janar zbritën në nivelin më të ulët historik prej 5.45%, nga 5.65% që ishte totali i huave të këqija në fund të vitit 2021.

Në raport me janarin e vitit të kaluar, kreditë me probleme janë ulur me 2.8%, pasi në fillim të 2021 niveli ishte në 8.15%.

Ky reduktim i vazhdueshëm i huave të këqija dëshmon për përmirësim të aftësisë paguese të bizneseve dhe qytetarëve. Ndikim në këtë rikuperim të gjendjes financiare ka dhënë edhe situata e mirë ekonomike, pasi për vitin 2021 pritet që rritja ekonomike të konkludohet në 8.7%.

Krahas rritjes ekonomike, Banka e Shqipërisë raporton edhe për lehtësim të kushteve të kreditimit e nga ana tjetër është dhënë më shumë kredi për sektorin privat e për qytetarët.

Në total në fund të muajin janar 2022 portofoli i kredisë së dhënë arriti në 664,671 miliardë lekë, duke u rritur 58.388 miliardë lekë në raport me të njëjtin muaj të 2021-shit. Nga i gjithë totali i kredisë dhënë për ekonominë, vetëm 36,224 miliardë klasifikohen si hua me probleme.

Ndikim në këtë rënie kanë dhënë edhe masat e ndërmarra nga Banka e Shqipërisë në vitin 2020, të cila u dhanë mundësinë bankave të nivelit të dytë që të rishikonin kushtet e kredive për klientët që kishin vështirësi financiare, në mënyrë që ta kishin më të lehtë shlyerjen e tyre.

KREDITË ME PROBLEME

Janar 2022            5.45%

Janar 2021            8.15%

Diferenca                -2.8%

TOTALI I KREDISË SË DHËNË

Janar 2022          664,671

Janar 2021          606,283

Diferenca           +58.388

I.K/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    Si ka qene per ju viti 2024?

Lajme të tjera



×

Lajmi i fundit

Adriatik Doçi: U përball me bandat me automatik/ Kush është Elvin Gogaj, prokurori që po heton Belind Këlliçin

Adriatik Doçi: U përball me bandat me automatik/ Kush është Elvin Gogaj, prokurori që po heton Belind Këlliçin

27 Dhjetor, 10:46 nga Adriatik Doci