POP 5

Lajmet më të lexuara të 5 minutave të fundit

Ekonomi

Kreditë e këqija zbresin në nivelin më të ulët historik! BSH: Kreditë me probleme 6.2%, u rritën aftësitë paguese

Të dhënat e Bankës së Shqipërisë tregojnë se në muajin nëntor të vitit të shkuar kreditë me probleme zbritën në nivelin më të ulët historik, në 6.20%. Ndikim pozitiv ka dhënë përmirësimi i gjendjes financiare të bizneseve dhe rritja e fuqisë paguese.

Kreditë me probleme vijojnë të ulen muaji pas muaji, duke dëshmuar se është përmirësuar aftësia paguese e bizneseve dhe qytetarëve. Banka e Shqipërisë raporton se kreditë me probleme në muajin nëntor ka zbritur në shifrën e 6.20%, që është niveli më i ulët historik.

Në raport me nëntorin e 2020 huatë e këqija janë ulur me 2% pasi ishin 8.20%. Teksa ka vijuar ulja e kredive me probleme pavarësisht pasigurisë ekonomike prej pandemisë, nga ana tjetër është rritur kreditimi i ekonomisë.

Sipas të dhënave të bankës qendrore kredia e dhënë deri në muajin nëntor arriti në 658,5 miliardë lekë, prej të cilës 40,827 miliardë lekë klasifikohet si kredi e keqe. Në nëntor të vitit 2020, kredia e keqe ishte në vlerën e 49.1 miliardë lekë.

Ndikim në këtë rënie kanë dhënë edhe masat e ndërmarra nga Banka e Shqipërisë në vitin 2020, të cilat u dhanë mundësinë bankave të nivelit të dytë që të rishikonin kushtet e kredive për klientët që kishin vështirësi financiare, në mënyrë që ta kishin më të lehtë shlyerjen e tyre.

KREDITË ME PROBLEME
Nëntor 2021            6.20%
Nëntor 2020            8.20%
Diferenca                   -2%

/AV/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    Si ka qene per ju viti 2024?

Lajme të tjera



×

Lajmi i fundit

Real Madrid ndryshon emrin e stadiumit

Real Madrid ndryshon emrin e stadiumit

27 Dhjetor, 11:00