POP 5

Lajmet më të lexuara të 5 minutave të fundit

Ekonomi

Kreditë me probleme zbresin në nivelin më të ulët historik

Kreditë me probleme kanë zbritur në nivelin më të ulët historik. Sipas të dhënave të Bankës së Shqipërisë kredia e keqe zbriti në nivelin e 7.9% nga 8.2 që ishte në marsin e 2020. Sipas të dhënave të Bankës së Shqipërisë huatë me probleme në mars ishin 48 miliardë lekë.
 

TIRANË- Edhe pse të gjitha parashikimet dhe pritshmëritë që në nisje të pandemisë ishin për rritje të nivelit të kredive me probleme, të dhënat e Bankës së Shqipërisë tregojnë se huatë e këqija kanë zbritur në nivelin më të ulët historik që prej vitit 2014. 

Kreditë me probleme në muajin mars kanë arritur në nivelin e 7.9% nga 8.2% që ishin në mars të vitit të kaluar, dhe nga 11.3% që ishin në vitin 2019 ku nuk flitej për pandemi. Aktualisht huaja e keqe vlerësohet të jetë mbi 48.2 miliardë lekë, ndërsa totali i kredisë deri në fund të marsit arriti në 610,6 miliardë lekë.

Sipas raportit për shëndetin financiar thuhet se kreditë me probleme edhe pse në vitin e kaluar pësuan një rritje të lehtë me rreth 1.5 miliardë lekë duke arritur në 8.3% në muajin shtator 2020, në vitin 2021 kanë ndjekur një trajektore rënëse edhe pse të lehtë. 

Ndikim në këtë rënie kanë dhënë edhe masat e ndërmarra nga Banka e Shqipërisë, e cila ju dha mundësinë bankave të nivelit të dytë që të riskedulonin kreditë për ata klientë që kishin vështirësi financiare. Vlen të theksohet se deri në muajin mars ishin në fuqi masat lehtësuese, por pas përfundimit të tyre pritet një luhatje në rritjen e kredive me probleme por e përballueshme për sektorin bankar. 

Nga ana tjetër bankat pavarësisht se kanë vijuar të kreditojnë ekonominë, kanë shtrënguar edhe kushtet për dhënien e huasë, për shkak të pasigurisë që vjen si pasojë e pandemisë. Shtrëngimi i masave sipas ekspertëve është edhe një mënyrë për tu mbrojtur nga rritja e kredisë me probleme. 

B.K./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Si zgjidhen problemet me pronat, korrupsioni dhe digjitalizimi i Kadastrës, gjetjet dhe rekomandimet e ekspertëve në Komisionin Antikorrupsion

Si zgjidhen problemet me pronat, korrupsioni dhe digjitalizimi i Kadastrës, gjetjet dhe rekomandimet e ekspertëve në Komisionin Antikorrupsion

27 Nëntor, 21:56