Kremlini i ka quajtur përshkallëzim i rrezikshëm dhe i drejtpërdrejtë komentet e sekretarit të Jashtëm britanik, David Cameron, se Ukraina mund t’i përdorë armët britanike kundër caqeve brenda Rusisë, nëse dëshiron.
Të enjten, Cameron i premtoi Ukrainës 3.74 miliardë dollarë ndihmë vjetore ushtarake “sa të jetë e nevojshme”.
Gjatë një vizite në Kiev të enjten, ai theksoi po ashtu se Britania nuk është kundër që Ukraina t’i përdorë armët që ia dërgon Britania për sulme brenda Rusisë.
“Ukraina e gëzon atë të drejtë. Sikurse Rusia që po sulmon brenda Ukrainës, mund ta kuptoni lehtë pse Ukraina e ndien nevojën për t’u siguruar se po e mbron veten”, tha Cameron.
Në javët e fundit, Rusia e ka bombarduar pareshtur me dronë dhe raketa infrastrukturën energjetike të Ukrainës.
Komentet e Cameronit e bëjnë Britaninë të mbajë qëndrim më luftarak karshi Rusisë – së paku publikisht – sesa SHBA-ja, e cila thekson se armët me të cilat e furnizon Ukrainën duhet të përdoren vetëm brenda kufijve të Ukrainës të njohur ndërkombëtarisht, dhe jo kundër caqeve brenda territorit të Rusisë.
Ukraina thotë se i përdor dronët e vet dhe armë të tjera për të kryer sulme kundër caqeve brenda Rusisë, si për shembull, kundër rafinerive të naftës apo infrastrukturës hekurudhore.
Zëdhënësi i Kremlinit, Dmitry Peskov, i përshkroi komentet e Cameronit si të rrezikshme.
“Ky është përshkallëzim i drejtpërdrejtë i tensioneve në lidhje me konfliktin ukrainas, i cili ka mundësi të përbëjë rrezik për sigurinë evropiane, për tërë sigurinë evropiane”, tha Peskov.
“Këtu e shohim ne një trend të rrezikshëm të përshkallëzimit të tensioneve në deklarata publike”, shtoi ai.
Zëdhënësja e Ministrisë së Jashtme të Rusisë, Maria Zakharova, tha se kjo është “hera e parë që një politikan perëndimor ka pranuar kaq haptazi një fshehtësi të njohur për kohë të gjatë për shumicën e vendeve të botës: Se Perëndimi po kryen luftë të fshehtë kundër Rusisë përmes ukrainasve”.
Rusia do të përgjigjet nëse Ukraina kryen sulme kundër territorit rus me armë britanike, shtoi ajo./Rel
Lajme të tjera
-
‘Mirror’: David Cameron shpërdoroi 60 mijë stërlina nga taksapaguesit, për një vizitë 89 minuta në Shqipëri
26 Maj, 10:57 -
Përfaqësues të rrjetit B40 mblidhen në Tiranë për ndryshimet klimatike, Veliaj: Bashkëpunim mes qyteteve! Për 8 vite Tirana arriti në 10 mln turistë
22 Maj, 14:19 -
David Cameron në Tiranë: Vazhdoni reformat, ju mbështesim në trajnimin e gjyqtarëve! Punë e mirë kundër emigracionit! Rama: Britania do financojë hekurudhën Durrës-Prishtinë
22 Maj, 12:37 -
Në Rinas e pret Hasani, Sekretari i Jashtëm britanik dy orë në Tiranë! Rama e fton në kryeministri: Mik i çmuar i Ballkanit dhe Shqiptarisë! Anulohet vizita me Begajn
22 Maj, 07:11 -
‘Welcome Lord Cameron!’ Tirana pret nesër sekretarin e Jashtëm të Britanisë së Madhe (FOTO)
21 Maj, 17:55 -
Vizita e Sekretarit britanik David Cameron në Tiranë, do pritet nga Rama, pas takimit ‘kokë më kokë’ deklaratë për mediet! Report Tv zbardh axhendën
20 Maj, 12:15 -
Sekretari i Jashtëm britanik më 22 maj në Tiranë, 'luftë' emigracionit të paligjshëm dhe plan kundër krimit! Takim me Ramën, Begajn e Hasanin
19 Maj, 09:46
-
Armët perëndimore kundër objektivave në Rusi?
7 Maj, 08:35 -
‘Ukraina mund të bombardojë Rusinë me armë britanike’, Kremlini reagon ashpër për deklaratat e Cameron: Nxit përshkallëzimin e konfliktit
4 Maj, 16:24 -
Cameron në Kiev: Ukraina mund të bombardojë territorin rus me armë britanike
4 Maj, 08:32 -
Britania mund ta njohë shtetin palestinez përpara arritjes së një marrëveshjeje paqeje me Izraelin
2 Shkurt, 11:28 -
Britania e Madhe po shqyrton njohjen e shtetit palestinez
30 Janar, 15:41
