POP 5

Lajmet më të lexuara të 5 minutave të fundit

Bota

Kremlini: Sanksionet perëndimore kundër Moskës do të zgjasin me vite, jemi të përgatitur

Rusia beson se sanksionet kundër saj nga SHBA dhe aleatëve të saj do të zgjasin për shumë vite, por në të njëjtën kohë ndikimi i SHBA-së në ekonominë globale është në rënie, tha sot zëdhënësi i Kremlinit, Dmitry Peskov

Kremlini: Sanksionet perëndimore kundër Moskës do të zgjasin me vite, jemi të përgatitur

Dmitry Peskov

Rusia beson se sanksionet kundër saj nga SHBA dhe aleatëve të saj do të zgjasin për shumë vite, por në të njëjtën kohë ndikimi i SHBA-së në ekonominë globale është në rënie, tha sot zëdhënësi i Kremlinit, Dmitry Peskov.

Peskov dha deklaratën pas intervistës së nënsekretarit amerikan për Energjinë, Jeffrey Pyatt, i cili tha se Uashingtoni po planifikon të përgjysmojë të ardhurat e naftës dhe gazit të Rusisë deri në fund të dekadës.

“Nuk kemi dyshim se këto sanksione do të zgjasin për shumë vite. Edhe pa deklarata nga përfaqësuesi i respektuar amerikan, ne tashmë e dinim këtë. Ne e marrim këtë parasysh”, tha Peskov.

Rusia shpesh krenohet se ekonomia e saj ka rezultuar më elastike sesa pritej përballë sanksioneve të pashembullta të vendosura për luftën në Ukrainë, raporton NewsSky.

Nga ana tjetër, ajo po përballet me inflacion të vazhdueshëm dhe mungesë të fuqisë punëtore, ndërkohë që rritja ekonomike e saj, e cila ishte 5.0% nga viti në vit në tetor, u mbështet kryesisht nga një rritje e madhe e prodhimit të pajisjeve ushtarake.

“Ne nuk kemi asnjë dyshim se SHBA do të vazhdojë të përpiqet të ushtrojë presion mbi Rusinë dhe të gjithë sistemin e marrëdhënieve tregtare dhe ekonomike, kryesisht duke shkatërruar strukturën e këtyre marrëdhënieve”, tha Peskov.

Për të kompensuar rënien e tregtisë me Perëndimin, Rusia po i drejtohet Kinës, Indisë dhe tregjeve të tjera në Lindjen e Mesme, Azi, Afrikë dhe Amerikën Latine.

“Ekonomia globale nuk është e kufizuar në ekonominë amerikane”, shtoi Peskov, duke thënë se Kina po mbyll hendekun me SHBA-në.

S.S/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Përplasen dy trena në Bullgari, 2 persona humbin jetën dhe 6 të tjerë plagosen

Përplasen dy trena në Bullgari, 2 persona humbin jetën dhe 6 të tjerë plagosen

15 Janar, 22:55