Kremtimit të Pashkëve Ortodokse u janë bashkuar dhe politikanët, duke shprehur edhe ata urimin e tyre. Kreu i Shtetit, Bajram Begaj, ka zgjedhur t’i urojë besimtarët ortodoksë nga Motropolia e Korçës duke thënë se kjo Pashkë do të sjellë mbarësi dhe uron që të ndriçojë mendjen e jetën e shqiptarëve. Edhe kryeministri Edi Rama e nisi ditën me një urim për Pashkët me një fotografi nga Kisha e Marmiroit në Vlorë.
Në Tiranë, politika zhvilloi takimin tradicional me kryepeshkopin Anastaz Janullatos në Katedralen Ngjallja e Krishtit. Të parët që mbërritën ishin dy kandidatët për kryetarë Bashkie të Partisë Demokratike dhe koalicionit Berisha-Meta. Kandidati i PD, Roland Bejko u shoqëronte nga Kryetari i Komanduar i Partisë Demokratike, Enkelejd Alibeaj, ndërsa Këlliçi i “Rithemelimit” nga ish deputeti Genc Pollo. Edhe pse dikur luftonin nga e njëjta shtëpi politike, dy kandidatët nuk shkëmbyen asnjë fjalë mes tyre.
Të tre u ndalën për të dhënë urimet e tyre për festën e Pashkëve.
“Pashkë të gëzuara i uroj gjithë shqiptarëve dhe atyre jashtë Shqipërisë. Ditë më të mira do të vijnë, rëndësi ka që të gjendet gjuha e kompromisit dhe Shqipëria të dalë nga këto situata konfliktuale të politikes”, u shpreh Roland Bejko.
“Në kohëra të vështira, ka nevojë që ky popull të ketë ditë të mira dhe të mbara. I uroj të gjithë shqiptarëve gëzuar pashkët, paçin vetëm të mira”, tha Enkelejd Alibeaj.
“Është një ditë që urimet nuk duhet të vijnë nga politikanët, por nga drejtuesit e klerit dhe nga besimtarët. Nga qytetarët e thjeshtë të këtij vendi që kanë më shumë nevojë për më shumë dashuri”, tha Belind Këlliçi.
Edhe kryebashkiaku aktual Erion Veliajn shkoi në Katedralen Orthodoske së bashku me Kryetaren e Kuvendit, Lindita Nikolla. Veliaj dha lajmin e mirë, se sot bashkia e Tiranës ka dhënë lejen për Kishën e Shën Prokopit, që ndodhet tek Kodrat e Liqenit.
“Është një ditë e bashkimit dhe e dashurisë. Sot kishim një lajm të mirë edhe mallëngjyes për hirsinë, bashkia e Tiranë sapo ka dhënë lejen për kishën e Shën Prokopit që gjendet tek kodrat e liqenit. Në kohën e Tiranës së vjetër ajo njihej si kodra e Shën Prokopit sepse nuk ekzistonte as liqeni dhe as parku që kemi atje. Gjatë kohës së komunizmit u kthye në një bar bufe. U kthye në pronë, por kurrë në pronën e një kishe. Kështu që kisha do të ndërtohet aty siç ka qenë”, tha Veliaj.
Pjesë e takimeve ishte dhe Kreu i partisë Së lirisë, Ilir Meta i cili ishte i shoqëruar nga Monika Kryemadhi. Të dy dhanë mesazhin se këto Pashkë janë shpresëdhënëse dhe surpriza e madhe është kapërcimi i dhimbjes bashkë me lulëzimin e shpresës. Ndërkohë, Taulant Balla, Kryetari i Grupit të PS, urimin e tij e ndau nga Lushnja. Besimtarët Orthodoks kremtuan këtë fundjavë pashkët, një nga momentet më të rëndësishme në kalendarin fetar krishter.
Kryetari i Bashkisë së Tiranës, Erion Veliaj uroi Pashkët për të gjithë besimtarët orthodhoksë. Nga Kisha Orthodhokse, Veliaj tha se kjo është një ditë e bashkimit, e dashurisë, e njerëzve që punojnë dhe që duan të çojnë gjërat përpara. Kryebashkiaku ndau lajmin e mirë se Kisha e Shën Prokopit do të rindërtohet nga e para.
“Bashkia e Tiranës sapo ka dhënë lejen për Kishën e Shën Prokopit, e cila ndodhet te kodrat e Liqenit. Në kohën e Tiranës së vjetër, ajo njihej si kodra e Shën Prokoipit, se nuk ekzistonte as liqeni, as parku që kemi atje. Gjatë kohës së komunizmit u kthye në një bar-bufe, më pas u rikthye si pronë, por kurrë në arkitekturën e një Kishe. Kisha do të ndërtohet aty siç ka qenë. Hirësia u përlot sepse besoj se për shumë besimtarë ka qenë një kalvar, 30 e ca vite, për të zgjidhur ngërçin e asaj prone. Mund të themi me plot gojën se ne mund të kemi Bajram e Pashkë, por Shqipërinë e kemi bashkë. Për sa kohë që për të gjithë besimtarët, një qytet i madh, një vend si yni ka hapësirë për të gjithë, më vjen mirë që ky ka qenë një muaj kur janë hapur edhe Xhamitë e reja, po mbarojmë Kishën Katolike te rruga e Kavajës dhe sot për Pashkën Ortodokse kishim këtë mini-kontribut tonin për Kishën e Shën Prokopit. Ju uroj të gjithëve Gëzuar Pashkët! Kur jemi bashkë bëjmë gjëra që veç e veç nuk i bëjmë dot. Kur punojmë, dashurojmë dhe nuk e kthejmë kokën pas, mund të shohim përpara për ditë më të mira”, tha Veliaj.
Kreu i Partisë së Lirisë, Ilir Meta ka uruar të gjithë besimtarët ortodoksë për Pashkët. I shoqëruar nga Monika Kryemadhi, nga katedralja ortodokse në Tiranë tha se është një moment për të kapërcyer dhimbjet.
“Është një moment shumë shpresësjellës. Të kapërcejmë dhimbjet dhe të rrisim shpresat për të ardhme të mbarë për të gjithë këshilltarët e vendit tonë. Ishte kënaqësi e veçantë të uroja sërish Janullatosin dhe njëkohësisht për të gjithë besimtarët”, tha Meta.
“Kapërcimi i dhimbjes dhe lulëzimi i shpresës është surpriza më e madhe për të gjithë”, tha Kryemadhi.
Kryetari i Grupit Parlamentar Taulant Balla ka uruar sot nga Lushnja të gjithë besimtarët ortodoksë gëzuar Pashkët.
Balla është shprehur se kjo është një ditë e fitores së dritës mbi errësirën, një ditë e besimit dhe e shpresës.
“Ringjallja e Krishtit na bën të gjithë bashkë për t’u gëzuar për triumfin e besimit dhe shpresës mbi vdekjen dhe vuajtjen, për fitoren e dritës mbi errësirën. Në këto momente të mbushura me gëzim dhe hare shpirtërore, ju shpreh urimet më të përzemërta për shëndet, paqe dhe prosperitet të gjithë besimtarëve ortodoksë në Lushnje, Shqipëri dhe në diasporë”.
Presidenti Bajram Begaj ka zgjedhur Korçën për të uruar të gjithë besimtarët ortodoks për festën e Pashkës. Begaj uron që kjo festë t’u sjellë mbarësi të gjithë shqiptarëve.
‘Uroj për të gjithë shqiptarët, që kjo pashkë ardhtë e mbarë, e bardhë dhe drita e saj ndriçon, mendjen dhe zemrat e tyre.
Gëzuar Pashkët!’- tha Begaj.
Kryetarja e Kuvendit, Lindita Nikolla, ka uruar sot besimtarët ortodoksë për Festën e Pashkëve.
“Ringjallja e Krishtit, një dritë e hareshme që treti errësirën, largoi pikëllimin dhe lajmëroi një fillim të ri.
Festa e Pashkëve zgjon ëndrrat, ndihmon besimtarët, na ndihmon të gjithëve, për të kapërcyer vështirësitë, mundur lodhjen, korrigjuar dobësitë njerëzore, larguar pesimizmin, frikën, urrejtjen dhe përqafuar besimin, kurajon, ëmbëlsinë njerëzore.
Festa e Pashkëve na ngjit në malin e lartë të humanizmit, përkushtimit, dashurisë. Gëzuar Pashkët, shëndet e mbarësi për të gjithë besimtarët ortodoksë!”, shkruan kryeparlamentarja Nikolla.
Kryeministri Edi Rama ka uruar besimtarët ortodoksë me një foto nga kisha e Marmiroit në Vlorë.
“Mirëmëngjes. Gëzuar Pashkët Ortodokse”, shkroi kryeministri Rama.
Presidenti Bajram Begaj ka uruar festën e Pashkës për të gjithë besimtarët ortodoksë duke dhënë mesazhin se shënon nisjen e re dhe sjell rigjallërimin e jetës.
“Gëzuar Pashkën për të gjithë besimtarët ortodoksë! Kjo festë e shenjtë sjell rigjallërimin e jetës, gëzim e shpresë dhe shënon një nisje te re! Qoftë ajo e bekuar për të gjithë shqiptarët!” – tha Begaj.
Lajme të tjera
-
Data e zgjedhjeve 2025/ Presidenti nis takimet me partitë! ‘Të vegjlit’ propozojnë 4 majin! Begaj: Hapi i parë i një procesi që duhet të jetë model
20 Nëntor, 07:24 -
Zgjedhjet 2025/ Presidenti Begaj nis konsultimet me partitë për datën! Nesër pret PR, PBDNJ, PDIU e LZHK! Më 25 nëntor PS dhe PD
19 Nëntor, 16:34 -
Presidenti Begaj pranon letrat kredenciale të ambasadorëve të Algjerisë, Perusë dhe Koresë
19 Nëntor, 15:31 -
Begaj pret kreun e Kuvendit të Maqedonisë së Veriut: Shqiptarët, rol të veçantë për zhvillimin e qëndrueshëm në rajon
13 Nëntor, 17:15 -
Buxheti 2025, Presidenca kërkon 36 mln lekë shtesë: Na duhen dhe 2 automjete të reja, shkak amortizimi! Rikonstruksion i godinës me 20 mln lekë
13 Nëntor, 14:09 -
Buxheti/ Bardhi fyerje ndaj Begajt: Presidenti bën takime për përshesh me gjel, po e keqpërdorni si leckë! Gjeneral i kthyer në ushtar të Ramës, po kërkon buxhet për parukeri
13 Nëntor, 13:36 -
Presidenti Begaj pret Shaip Kamberin, deputetin shqiptar në Serbi: Mbështetje çështjes së shqiptarëve në Preshevë! Hapja e Konsullatës në Bujanoc, hap i rëndësishëm
12 Nëntor, 13:26 -
Data e zgjedhjeve të 2025/ Presidenti Begaj nis konsultimet: Shoqëria civile të angazhohet në vëzhgimin e zgjedhjeve
11 Nëntor, 14:28 -
Begaj uron Trump: Shqipëria vlerëson miqësinë tonë dhe partneritetin strategjik, pres të forcojmë më tej bashkëpunim
6 Nëntor, 10:35 -
Begaj në Lushnjë: Promovim markave vendase të produkteve bujqësore
5 Nëntor, 10:05 -
PS rrëzon dekretin e Begajt, ktheu ligjin 'Për inspektimet', merr edhe 5 vota nga opozita! Zgjatet afati i Komisionit hetimor për 'Sterilizimin e Check Up'! Miratohet 'Kërkimi Shkencor'
31 Tetor, 12:35 -
Ambasadori i BE Silvio Gonzato i dorëzon Begajt progresraportin për Shqipërinë, presidenti: Na nxit të punojmë fort
31 Tetor, 10:50
