Kreshnik Çollaku në protestën e Berishës: I bashkohem kujtdo që synon rrëzimin e Ramës

Një prej zërave më kritikë kundër Sali Berishës në luftën mes PD dhe mbështetësi i Bashës, prania e deputetit Kreshnik Çollaku në protestë tërhoqi vëmendjen. Në një intervistë për gazetaren e Report Tv, Danjela Maloku, ligjvënësi demokrat shpjegon edhe arsyet se përse iu bashkua protestës. Ai thekson se do i bashkohet çdo proteste kundër Edi Ramës.

“Unë kam deklaruar që do jem në protestë dhe do jem në çdo protestë. Sidomos në këtë situatë, motivi im është se do i bashkohem kujtdo që ka një qëllim të përbashkët me mua, rrëzimin e Edi Ramës. Pikërisht për këtë kam vendosur të mos refuzoj më asnjë protestë që bëhet për të rrëzuar Edi Ramën. Ca e bën bashkë gjithë këtë, është se të gjithë protestojnë kundër Edi Ramës.

Mendoj se pavarësisht diferencave të ndryshme dhe të kundërta, ajo që duhet ti bëjë bashkë sot njerëzit është bashkimi kundër Edi Ramës. Disa protestojnë që të lirohet Berisha është e drejtë e tyre, disa kërkojnë qeveri etnikë, disa ilaçe te onkologjiku, disa protestojnë se po ikin fëmijët. Ka një gjë që i bën bashkë këta njerëz, është se gjithë protestojnë kundër Ramës. Çdo kush pavarësisht bindjeve dhe ideve duhet të jenë bashkë kundër Edi Ramës”, tha Çollaku për Report Tv.

LEXO EDHE:
Vala e të nxehtit ‘pushton’ vendin/ PD propozim qeverisë për të marrë masa: Nga shkurtimi i orëve të punës te mbyllja e çerdheve dhe kopshteve

Sa i takon situatës në PD, Çoallku shprehet pas vendimit për vulën, tashmë drejtuesit duhet të ofrojnë një produkt bashkimi.

“Opozita ka dalë nga një traumë politike 3-vjeçare, vendimi i Gjykatës e zgjidhi situatën juridikisht, krijoi një lojalitet të ri. Realitet politike të ndarë të demokratëve ekzistojnë dhe prania po mos prania e disa të tjerëve këtu është produkt i këtij realiteti. Sfida për drejtuesit e PD është të ofrojnë një produkt bashkimi që këto dy realitet të mund të bashkohen ose të bashkëjetojnë në një sigël dhe flamur që është PD. Duke pasur të drejtën të mbrojnë idetë e veta dhe bindjet e veta, edhe kur është e kundërt me shumicën”, tha Çollaku.

SI.E./Shqiptarja.com

TAG:
• proteste
• PD
• Kreshnik Çollaku